Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കൂട്ടക്കരച്ചിലുകള്‍; എന്തു ചെയ്യണമെന്നറിയാതെ രക്ഷാസംഘങ്ങള്‍, കൂകി വിളിച്ച്, ആളുണ്ടോ എന്ന് ചോദിച്ച്
കൊച്ചി: എറണാകുളം ജില്ലയുടെ വിവിധ മേഖലകളില്‍ സ്ഥിതിഗതികള്‍ അതീവ ഗരുതുരമെന്ന് റിപ്പോര്‍ട്ട്. വടക്കന്‍ പറവൂര്‍, പുത്തന്‍വേലിക്കര, ചേന്ദമംഗലം മേഖലകളില്‍ രക്ഷാപ്രവര്‍ത്തനം ദുഷ്‌കരമായി തുടരുന്നു. ഇവിടെയുള്ള പല വീടുകളിലും കുടുക്കിയവരെ രക്ഷിക്കാന്‍ ആരുമെത്തിയിട്ടില്ല.
ഒട്ടേറെ പേര്‍ കെട്ടിടകങ്ങളുടെ മുകളിലെ നിലകളില്‍ കഴിയുകയാണെന്നാണ് രക്ഷാപ്രവര്‍ത്തനത്തിന് ഫൈബര്‍ വള്ളത്തിലെത്തിയ മലപ്പുറം താനൂരില്‍ നിന്നുള്ള സന്നദ്ധ പ്രവര്‍ത്തകര്‍ പറയുന്നത്. ഉള്‍നാടന്‍ പ്രദേശങ്ങളിലേക്ക് പോയ ഇവര്‍ കണ്ടത് ദയനീയമായ കാഴ്ചയാണ്. വെള്ളിയാഴ്ച വൈകീട്ടുള്ള വിവരമാണ് താനൂരില്‍ നിന്ന് പോയവര്‍ പറയുന്നത്.
നാല്‍പ്പതോളം പേരെ ഇവര്‍ രക്ഷപ്പെടുത്തി. ഈ സമയം പലരും കെട്ടിടങ്ങളുടെ മുകളില്‍ നിന്ന് ഇവരെ കൈകാണിച്ചും ഒച്ചവച്ചും വിളിക്കുന്നുണ്ടായിരുന്നു. ഉള്‍നാടന്‍ പ്രദേശത്തേക്ക് പോകുമ്പോള്‍ കൂകി വിളിച്ച് ആളുണ്ടോ എന്ന് ചോദിച്ചാണ് തങ്ങള്‍ പോയതെന്ന് കൂട്ടായി സ്വദേശി കാസിം നാട്ടിലുള്ളവരെ അറിയിച്ചു. ഒച്ച വച്ച് ആളുണ്ടോ എന്ന് ചോദിക്കുമ്പോഴാണ് പല സ്ഥലങ്ങളിലും ആളുകള്‍ കുടുങ്ങിയത് അറിയുന്നത്.
കഴിയുന്നവരെ രക്ഷിച്ചെന്നും ഇനിയും ഈ പ്രദേശത്തേക്ക് വള്ളവുമായി പോകുകയാണെന്നും കാസിം നാട്ടിലുള്ള സുഹൃത്തുക്കളെ അറിയിച്ചു. ഭക്ഷണവും വെള്ളവും കിട്ടാതെയാണ് ഒട്ടേറെ പേര്‍ കഴിയുന്നത്. സേനാവിഭാഗങ്ങളും സജീവമാണെങ്കിലും ഉള്‍നാടന്‍ പ്രദേശങ്ങളിലേക്ക് അവര്‍ക്ക് എത്താന്‍ സാധിച്ചിട്ടില്ല. മേഖലകളിലേക്ക് കൂടുതല്‍ സഹായം ആവശ്യമാണ്.
രക്ഷാപ്രവര്‍ത്തനത്തിന് ആളുകളുടെ അപര്യാപ്തതയുണ്ട്. എയര്‍ലിഫ്റ്റിങ് പലയിടത്തും സാധ്യമല്ലാത്ത സാഹചര്യമാണ്. ബോട്ടുകള്‍ മതിയായ എണ്ണത്തിലില്ല. കെട്ടിടങ്ങളുടെ രണ്ടുനിലകള്‍ പൂര്‍ണമായും വെള്ളത്തിനടിയിലാണെന്നും തെങ്ങുകളുടെ മുകള്‍ ഭാഗം മാത്രമേ കാണുന്നുള്ളൂവെന്നും കൂട്ടായി സ്വദേശി കാസിം സുഹൃത്തുക്കളെ അറിയിച്ചു. ഇദ്ദേഹത്തിനൊപ്പം താനൂര്‍ പുതിയ കടപ്പുറം സ്വദേശികളായ മനാഫ്, സൈനുദ്ദീന്‍, ഉമര്‍, അസ്സൈനാര്‍ എന്നിവരുമുണ്ട്. ഇവരെല്ലാം താനൂരിലെ മല്‍സ്യത്തൊഴിലാളികളാണ്. മഴ ശക്തി കുറഞ്ഞിട്ടുണ്ടെങ്കിലും ശമിച്ചിട്ടില്ല. ചിലയിടങ്ങളില്‍ നല്ല ഒഴുക്കുണ്ട്. ക്യാംപുകളിലെ അവസ്ഥയും ദയനീയമാണ്.
മുഖ്യമന്ത്രിയുടെ ദുരിതാശ്വാസനിധിയിലേക്ക് രാജ്യത്തിനകത്തും പുറത്തുമുളളവര്‍ക്ക് ഓണ്‍ലൈനായി പണമടക്കാനുളള സംവിധാനം ഏര്‍പ്പെടുത്തിയിട്ടുണ്ട്.
https://donation.cmdrf.kerala.gov.in എന്ന വെബ്സൈറ്റ് മുഖേന സുരക്ഷിതമായി ക്രഡിറ്റ് / ഡെബിറ്റ് കാര്‍ഡ് ഉപയോഗിച്ചോ നെറ്റ് ബാങ്കിംഗ് സംവിധാനം വഴിയോ പണമടക്കാന്‍ പേമെന്‍റ് ഗേറ്റ് വേ സജ്ജമാക്കിയിട്ടുണ്ട്. പണമടക്കുന്നവര്‍ക്ക് സംസ്ഥാന സര്‍ക്കാരിനു വേണ്ടി ധനവകുപ്പ് പ്രിന്‍സിപ്പല്‍ സെക്രട്ടറി നല്‍കുന്ന രശീത് ഓണ്‍ലൈനില്‍ തല്‍സമയം ലഭ്യമാകും. ഈ സൗകര്യം ഉപയോഗപ്പെടുത്തണമെന്ന് അഭ്യര്‍ത്ഥിക്കുന്നു.
