കോഴിക്കോട് നിന്നും വയനാട്ടിലേക്കുള്ള കെഎസ്ആര്ടിസി സര്വീസ് പുനഃരാരംഭിച്ചു
കോഴിക്കോട്: കോഴിക്കോട് നിന്ന് വയനാട്ടിലേക്കുള്ള സര്വ്വീസുകള് പുനഃരാരംഭിച്ചതായി കെ എസ് ആര് ടിസി അറിയിച്ചു. കോഴിക്കോട്-സുല്ത്താന് ബത്തേരി സര്വ്വീസാണ് ശനിയാഴ്ച്ച ഉച്ചയക്ക് ശേഷം പുനഃരാരംഭിച്ചതെന്ന് കോഴിക്കോട് കെഎസ്ആര്ടിസി ഫേസ്ബുക്ക് പോസ്റ്റിലൂടെ അറിയിച്ചു. കനത്തമഴയില് മണ്ണിടിഞ്ഞും മരവീണും ഗതാഗതം തടസ്സപ്പെട്ടതിനാല് വയനാട്ടിലേക്കുള്ള സര്വ്വീസ് നേരത്തെ നിര്ത്തിവെച്ചിരുന്നു.
താമരശ്ശേരി ചുരത്തിന് പുറമെ കോഴിക്കോട് നിന്ന് കുറ്റ്യാടി, മലപ്പുറം, കണ്ണൂര് പാതകളിലും ബസ് ഓടിത്തുടങ്ങിയിട്ടുണ്ട്. തൃശൂര്, എറണാകുളം, കോട്ടയം, തിരുവനന്തപുരം സര്വീസുകള് തടസ്സപ്പെട്ടിരുന്നില്ല, അതേസമയം പാലക്കാട്ടേക്കുള്ള സര്വ്വീസ് ഇപ്പോഴും തടസ്സപ്പെട്ട നിലയിലാണ്.
കോഴിക്കോട് കെഎസ്ആർടിസി സ്റ്റാൻഡിലും റെയിൽവേ സ്റ്റേഷൻ പരിസരത്തുമായി വാഹന സൗകര്യം ഇല്ലാതെ കുടുങ്ങിക്കിടക്കുന്ന വർക്ക് ഭക്ഷണവും താൽക്കാലിക വാസസ്ഥലവും മലബാർ ക്രിസ്ത്യൻ കോളേജിന്റെ എതിർവശത്തുള്ള പള്ളിയിൽ ഒരുക്കുന്നതാണെന്നും കോഴിക്കോട് കെ എസ് ആര് ടി സി അറിയിച്ചു (+91 97462 30600 സിബി, +91 89 435 88990 റിമിന്, +91 8891334760 മാത്യൂ).
Click it and Unblock the Notifications
Sign in with Google