ഇന്ത്യയിലെ എക്കാലത്തെയും ഏറ്റവും വലിയ തിരഞ്ഞെടുപ്പ് സർവ്വേ.. നിങ്ങൾ ഇനിയും പങ്കെടുത്തില്ലേ?
  • search

പ്രളയജലം ഇറങ്ങിത്തുടങ്ങി.. ഇനിനമുക്ക് ശുദ്ധമായ കുടിവെള്ളം കുടിക്കണം; ഭയക്കേണ്ട... വഴികള്‍ ഇങ്ങനെയാണ്

Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    വെള്ളപ്പൊക്കത്തിന് ശേഷം ഏതൊരു നാടും നേരിടുന്ന ഏറ്റവും വലിയ വെല്ലുവിളി കുടിവെള്ളത്തെ സംബന്ധിച്ചായിരിക്കും. കിണറുകളും കുളങ്ങളും ജലാശയങ്ങളും എല്ലാം മാലിന്യങ്ങളും ശവശരീരാവശിഷ്ടങ്ങളും ഒക്കെ നിറഞ്ഞ് കിടക്കുകയാകും. ശുദ്ധ ജലത്തിന്‍റെ ലഭ്യത ഉറപ്പ് വരുത്തിയില്ലെങ്കില്‍ കാത്തിരിക്കുക പകര്‍ച്ച വ്യാധികള്‍ തന്നെ.

    കുടിവെള്ളത്തിനായി കിണര്‍ വെള്ളത്തെ ആശ്രയിക്കുന്നവരാണ് മിക്ക മലയാളികളും. ഒരുവീട് മുഴുവന്‍ മുക്കിക്കളയാന്‍ തക്കമായ പ്രളയം കിണറുകളെ മാത്രം വെറുതേ വിടില്ലെന്ന് ഉറപ്പാണ്. വെള്ളം ഇറങ്ങിത്തുടങ്ങിയതോടെ പലരും സ്വന്തം വീടുകളിലേക്ക് മടങ്ങുകയാണ്. അപ്പോള്‍ കുടിവെള്ളത്തിന്‍റെ കാര്യത്തില്‍ ശ്രദ്ധിക്കേണ്ട കാര്യങ്ങള്‍ എന്തൊക്കെ ആണ്? ഇന്‍ഫോ ക്ലിനിക്കിന് വേണ്ടി ഡോ ജിതി്വ ടി ജോസഫ് തയ്യാറാക്കിയ ലേഖനം വിശദീകരിക്കുന്നത് അക്കാര്യങ്ങളാണ്....

    മതത്തിന്റെ മതില്‍ മാറിനിന്നു; സുബ്രഹ്മണ്യന് സെമിത്തേരിയില്‍ നിത്യനിദ്ര!! പ്രളയകാലത്തെ നല്ല വാര്‍ത്ത

    പ്രളയ കെടുതിക്ക് ശേഷം ആളുകള്‍ വീടുകളിലേക്ക് മടങ്ങി തുടങ്ങുമ്പോള്‍ പല വെല്ലുവിളികള്‍ നേരിടണം. അതില്‍ പ്രധാനം കുടിക്കാന്‍ കിണറുകളില്‍ നിന്നോ മറ്റു കുളങ്ങളില്‍ നിന്നോ വെള്ളം ശേഖരിക്കുന്നവരുടെ ബുദ്ധിമുട്ടുകള്‍ ആണ്. മിക്കയിടത്തും തന്നെ കിണറുകളിലും മറ്റും മലിന ജലം കയറി ഉപയോഗ ശൂന്യമായ അവസ്ഥയുണ്ടാകും . വെള്ളത്തിനൊപ്പം ഒഴുകിയെത്തിയ മാലിന്യങ്ങളും കിണറുകളിലും പരിസരത്തും അടിഞ്ഞിട്ടു ഉണ്ടാകും. ഇത്തരം കിണറുകളില്‍ നിന്ന് വെള്ളം ഉപയോഗിക്കുന്നവര്‍ക്ക് ഗുരുതര രോഗങ്ങള്‍ ഉണ്ടാകാനുള്ള സാധ്യതയുണ്ട്. എന്നാല്‍ വളരെ എളുപ്പത്തില്‍ ,നമുക്ക് തന്നെ ഈ കിണറുകള്‍ ഉപയോഗപ്രദമായ രീതിയില്‍ ശുദ്ധീകരിച്ചു എടുക്കാം. അതിനുള്ള മാര്‍ഗ്ഗങ്ങള്‍ പറഞ്ഞു തരാം.

    കുറച്ച് വെള്ളം കരുതണം

    കുറച്ച് വെള്ളം കരുതണം

    • വീടുകളിലേക്ക് മടങ്ങുന്നവര്‍ 2 ദിവസത്തേക്ക് എങ്കിലും കുടിക്കാന്‍ ആവശ്യമായ ശുദ്ധജലം കരുതണം. അല്ലെങ്കില്‍ സമീപത്തു അത് ഉണ്ട് എന്ന് ഉറപ്പാക്കണം.

    • കിണറിനു ബലക്ഷയമോ മറ്റോ ഉണ്ടായിട്ടുണ്ടോ എന്ന് നോക്കണം. ചതുപ്പില്‍ ഉള്ള കിണറുകളും മറ്റും ഇടിഞ്ഞു താഴാനുള്ള സാധ്യതയുണ്ട്.

    മാലിന്യങ്ങള്‍ നീക്കണം

    മാലിന്യങ്ങള്‍ നീക്കണം

    • പ്രളയ മേഖലയില്‍ പെട്ട ഓരോ കിണറുകളും മലിനമായിരിക്കും എന്ന പൊതു തത്വത്തില്‍ വേണം പ്രവര്‍ത്തനം തുടങ്ങാന്‍‍‍.

    • ആദ്യമായി തന്നെ കിണറിന്‍റെ ചുറ്റുമുള്ള മാലിന്യങ്ങള്‍ നീക്കം ചെയ്യണം.

    • കിണറുകളില്‍ വെള്ളം കയറിയ സാഹിചര്യമുണ്ടെങ്കില്‍ അത്തരം കിണറുകളിലെ വെള്ളം വറ്റിക്കുക തന്നെ വേണം. അതിനായി മോട്ടോര്‍ ഉപയോഗിച്ച് വെള്ളം പമ്പ്‌ ചെയ്തു നീക്കണം. ഈ സമയത്ത് കിണറില്‍ എന്തെങ്കിലും ഖര മാലിന്യങ്ങള്‍ ഉണ്ടെങ്കില്‍ നീക്കം ചെയ്യണം.

    വെള്ളം കയറിയ കിണറുകള്‍

    വെള്ളം കയറിയ കിണറുകള്‍

    • കിണറില്‍ നിന്നും വീട്ടിലേക്കുള്ള പൈപ്പുകള്‍ അടക്കണം. മലിനജലം പൈപ്പുകളില്‍ കടക്കാതിരിക്കാനാണ് ഇത്.

    • വെള്ളം പൂര്‍ണ്ണമായി വറ്റിച്ചതിന് ശേഷം കിണറില്‍ നിറയുന്ന വെള്ളമാണ് നമ്മള്‍ ശുദ്ധീകരിക്കുക. വെള്ളം കയറാത്ത കിണറുകള്‍ വറ്റിക്കേണ്ട ആവശ്യമില്ല.

     ബ്ലീച്ചിങ് പൗഡര്‍ തന്നെ വഴി

    ബ്ലീച്ചിങ് പൗഡര്‍ തന്നെ വഴി

    • വളരെ വേഗത്തില്‍ ലഭ്യമായ ബ്ലീച്ചിംഗ് പൌഡര്‍ ആണ് നമ്മള്‍ വെള്ളം ശുദ്ധമാക്കാന്‍ ഉപയോഗിക്കുക. ബ്ലീച്ചിംഗ് പൌഡര്‍ വെള്ളത്തില്‍ ലയിക്കുമ്പോള്‍ ഉണ്ടാകുന്ന ക്ലോറിന്‍ വാതകമാണ് ജലത്തെ അണുവിമുക്തമാക്കുന്നത്.

    • കിണറിന്‍റെ ഏകദേശം വ്യാസവും, നിലവില്‍ എത്ര ഉയരത്തില്‍ വെള്ളമുണ്ട് എന്നും മീറ്റര്‍ കണക്കില്‍ അളക്കണം. കിണറിന്‍റെ ആഴം അറിയാന്‍ കയറില്‍ കല്ല്‌ കെട്ടി ഇറക്കിയാല്‍ മതിയാകും.

    അളവുണ്ട്... ശ്രദ്ധിക്കണം

    അളവുണ്ട്... ശ്രദ്ധിക്കണം

    • ഈ അളവുകളില്‍ നിന്നും കിണറിലെ വെള്ളത്തിന്‍റെ അളവ് കണക്കാക്കാന്‍ സാധിക്കും. അതിനായി 3.14(വ്യാസം)2 (ആഴം) / 4 ചെയ്താല്‍ മതിയാകും. ഇങ്ങനെ ലഭിക്കുന്നത് ക്യുബിക് മീറ്ററില്‍ ഉള്ള വെള്ളത്തിന്‍റെ അളവാണ്. ഇതിനെ 1000 കൊണ്ട് ഗുണിച്ചാല്‍ ലിറ്ററില്‍ ഉള്ള വെള്ളത്തിന്‍റെ അളവ് ലഭിക്കും.(ചിത്രം കാണുക )

    • ഉദാഹരണം നോക്കാം. 2 മീറ്റര്‍ വ്യാസവും, 10 മീറ്റര്‍ വെള്ളവുമുള്ള ഒരു കിണറില്‍ 3.14*4*10/4 =31.4 ക്യുബിക് മീറ്റര്‍ വെള്ളം ഉണ്ടാകും. അതായത് 31400 ലിറ്റര്‍ വെള്ളം.

    • സാധാരണ 1000ലിറ്റര്‍ വെള്ളം ശുദ്ധമാക്കാന്‍ 2.5ഗ്രാം ബ്ലീച്ചിംഗ് പൌഡര്‍ വേണം. ഒത്തിരി പഴകിയ തല്ലാത്ത ബ്ലീച്ചിംഗ് പൌഡര്‍ വേണം ഉപയോഗിക്കാന്‍‍. ഈ തോതില്‍ വേണ്ട പൌഡറിന്‍റെ അളവ് കണ്ടെത്തണം. വളരെ മലിനമായ വെള്ളം ആണെങ്കിൽ 3-4 ഇരട്ടി ബ്ലീച്ചിങ് പൗഡർ ഉപയോഗിക്കണം.

    എങ്ങനെ ഉപയോഗിക്കണം

    എങ്ങനെ ഉപയോഗിക്കണം

    • ഒരു ചെറിയ ബക്കറ്റില്‍ ആവശ്യമായ ബ്ലീച്ചിംഗ് പൌഡര്‍ എടുത്തു ചെറിയ പേസ്റ്റ് രൂപത്തില്‍ ആക്കണം. ഇതിലേക്ക് പാത്രത്തിന്‍റെ മുക്കാല്‍ ഭാഗം ഇതും വരെ വെള്ളം ഒഴിച്ച് നന്നായി കലക്കണം. എന്നിട്ട് 10 മിനിട്ട് അനക്കാതെ വെക്കുക. സമയം കഴിയുമ്പോള്‍ മുകളില്‍ ഉള്ള തെളിഞ്ഞ വെള്ളം മാത്രം വേറെ ഒരു തൊട്ടിയില്‍ എടുക്കുക. അടിയില്‍ ഉള്ള അവശിഷ്ടങ്ങള്‍ കളയണം.

    • ഈ തൊട്ടി കയറില്‍ കെട്ടി കിണറിലേക്ക് ഇറക്കണം. വെള്ളത്തിന്‍റെ ലെവലിലും താഴെ എത്തിക്കണം,എന്നിട്ട് തൊട്ടി ഉപയോഗിച്ച് തന്നെ മുകളിലേക്കും താഴേക്കും അനക്കുക. വെള്ളം നല്ലരീതിയില്‍ മിക്സ്‌ ആവാനാണ് ഇങ്ങനെ ചെയ്യുന്നത്.

    എത്ര നേരം കാത്തിരിക്കണം

    എത്ര നേരം കാത്തിരിക്കണം

    • ഒരു മണിക്കൂര്‍ നേരം കഴിഞ്ഞതിനു ശേഷം വെള്ളം ഉപയോഗിക്കാം. വെള്ളം സുരക്ഷിതം ആവണമെങ്കില്‍ ക്ലോറിന്‍റെ അളവ് ഒരു ലിറ്ററില്‍ 0.5mg വേണം. നമ്മുടെ സാഹിചര്യത്തില്‍ ഇത് കണക്കാക്കാന്‍ ബുദ്ധിമുട്ട് ആയതുകൊണ്ട് ,വെള്ളം തിളപ്പിച്ച്‌ തന്നെ ഉപയോഗിക്കുക. ഒന്ന് രണ്ടു മിനിട്ടുകള്‍ എങ്കിലും തിളപ്പിച്ചതിനു ശേഷം വേണം വെള്ളം ഉപയോഗിക്കാന്‍.

    • വെള്ളം ശുദ്ധമാക്കിയതിനു ശേഷം, പമ്പ്‌ ഉപയോഗിച്ച് വെള്ളം ടാങ്കില്‍ നിറയ്ക്കണം. ടാപ്പുകള്‍ തുറന്നു പൈപ്പുകളില്‍ കെട്ടികിടക്കുന്ന പഴയ വെള്ളം ഒഴുക്കി കളയണം. വെള്ളത്തില്‍ നിന്നും ക്ലോറിന്‍റെ മണം വരുന്നത് വരെ വെള്ളം ഒഴുക്കി കളയുക. ഇതിനു ശേഷം ടാപ്പുകള്‍ പൂട്ടി

    12മണിക്കൂര്‍ വെക്കുക, ഇങ്ങനെ ചെയ്യുന്നത് വഴി ടാങ്കും ,പൈപ്പ് ലൈനും അണുവിമുക്തമാകും.

    പാത്രങ്ങളും ശ്രദ്ധിക്കണം

    പാത്രങ്ങളും ശ്രദ്ധിക്കണം

    • വെള്ളമെടുക്കുന്ന പാത്രങ്ങളും മറ്റും ഇതുപോലെ വെള്ളം കയറി മലിനം ആയിരിക്കും. അതും ബ്ലീച്ചിംഗ് പൌഡര്‍ ലായനി ഉണ്ടാക്കി അതില്‍ 30 മിനിട്ട് മുക്കി വെച്ചാല്‍ അണുവിമുക്തമാക്കാം.ബ്ലീച്ചിങ് ലായനി ഉണ്ടാക്കാൻ 6 ടീ സ്പൂൺ പൗഡർ , ഒരു ലിറ്റർ വെള്ളത്തിൽ കലക്കി 10 മിനിറ്റു വെച്ചതിനു ശേഷം, തെളിഞ്ഞ വെള്ളം മാത്രം വേർതിരിച്ചു ഉപയോഗിക്കാം.

    അവലംബം: WHO , CDC

    ഫേസ്ബുക്ക് പോസ്റ്റ്

    ഇന്‍ഫോ ക്ലിനിക്കിന്‍റെ ഫേസ്ബുക്ക് പേജില്‍ ആണ് ഈ കുറിപ്പ് പ്രസിദ്ധീകരിച്ചത്. ആ ഫേസ്ബുക്ക് പോസ്റ്റ് കാണാം.

    അടിയന്തര സഹായത്തിന്....

    അടിയന്തര സഹായത്തിന്....

    പ്രളയക്കെടുതിയില്‍ പെട്ടവര്‍ക്ക് അടിയന്തര സഹായത്തിന് 1077 എന്ന ടോൾഫ്രീ നമ്പറിലേക്ക് വിളിക്കാം. സ്ഥലത്തെ STD code ചേർത്ത് വേണം 1077ലേക്ക് വിളിക്കാൻ

    വിളിക്കേണ്ട മറ്റ് നമ്പറുകള്‍ ചുവടെ ചേര്‍ത്തിരിക്കുന്നു

    തിരുവനന്തപുരം- 0471 2730045
    കൊല്ലം- 0474 2794002
    പത്തനംതിട്ട- 0468 2322515
    ആലപ്പുഴ- 0477 2238630
    കോട്ടയം 0481 2562201
    ഇടുക്കി 0486 2233111
    എറണാകുളം 0484 2423513
    തൃശ്ശൂര്‍ 0487 2362424
    പാലക്കാട് 0491 2505309
    മലപ്പുറം 0483 2736320
    കോഴിക്കോട് 0495 2371002
    വയനാട് 9207985027
    കണ്ണൂര്‍ 0468 2322515

    ജില്ലാ കണ്‍ട്രോള്‍ റൂമുകളില്‍ വിളിച്ച് കിട്ടാത്തവര്‍ക്കായി

    പത്തനംതിട്ട 8078808915(വാട്‌സാപ്പ്), 0468 2322515, 2222515
    ഇടുക്കി 9383463036(വാട്‌സാപ്പ്) 0486 233111, 2233130
    കൊല്ലം 9447677800(വാട്‌സാപ്പ്) 0474 2794002
    ആലപ്പുഴ 9495003640(വാട്‌സാപ്പ്) 0477 2238630
    കോട്ടയം 9446562236(വാട്‌സാപ്പ്), 0481 2304800
    എറണാകുളം 7902200400(വാട്‌സാപ്പ്) 0484 2423513 2433481

    കോഴഞ്ചേരി ആറന്മുള ഭാഗത്തുള്ളവര്‍ക്ക് ബന്ധപ്പെടാം

    സോണി(ആറന്മുള) 9496370751
    പ്രദീപ് സിഎസ് (കോഴഞ്ചേരി) 9496805541
    സതീഷ് (അയിരൂര്‍) 8547611214
    ഹരീന്ദ്രനാഥ് (തൊട്ടപ്പുഴശ്ശേരി) 8547611209
    പ്രിന്‍സ്മാത്യു(കോയിപ്രം) 9447349101
    അഭിലാഷ്(ചെറുകോല്‍) 9847080787

     സംഭാവന ചെയ്യൂ....

    സംഭാവന ചെയ്യൂ....

    മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങൾക്കും സംഭാവന നൽകാം. ഇതാണ് സംഭാവനകൾ അയക്കാനുള്ള വിവരം.

    Name of Donee: CMDRF
    Account number : 67319948232
    Bank: State Bank of India
    Branch: City branch, Thiruvananthapuram
    IFSC Code: SBIN0070028
    Swift Code: SBININBBT08

    keralacmrdf@sbi എന്ന യുപിഐ ഐഡി വഴിയും സംഭാവനകൾ നല്‍കാവുന്നതാണ്.

    English summary
    Kerala Floods Updates: How to purify the water in wells after flood...? Info Clinic explains

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more