ന്യൂനമര്ദ്ദം ശക്തിപ്രാപിക്കുന്നു; അടുത്ത 24 മണിക്കൂറിനുള്ളില് അതിശക്തമായ മഴക്ക് സാധ്യത
തിരുവനന്തപുരം: അടുത്ത 24 മണിക്കൂറിനുള്ളില് വടക്കന് ജില്ലകളില് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ അറിയിപ്പ്. ബംഗാൾ ഉൾക്കടലിൽ രൂപംകൊണ്ട ന്യൂനമര്ദ്ദമാണ് മഴയ്ക്ക് കാരണം. ന്യൂനമര്ദ്ദം ഇപ്പോള് ഛത്തീസ്ഗഡ് മേഖലയില് എത്തിയെന്നും അടുത്ത 24 മണിക്കൂറില് ശക്തിപ്രാപിക്കുമെന്നും കാലാവസ്ഥ നിരീക്ഷണ കേന്ദ്രം അറിയിക്കുന്നു. ആലപ്പുഴ മുതൽ വടക്കോട്ട് ഉള്ള ജില്ലകളിൽ ഇന്ന് ശക്തമായ മഴയ്ക്ക് സാധ്യതയുണ്ട്. നാളെ മലപ്പുറം മുതൽ വടക്കോട്ട് ഉള്ള ജില്ലകളിലായിരിക്കും ശക്തമായ മഴ പെയ്യുക.
ഇന്ന് മൂന്ന് ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്. മലപ്പുറം കോഴിക്കോട്, കണ്ണൂര് ജില്ലകളില് ഇന്നും ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയത്. ഇടുക്കി, തൃശൂര്, പാലക്കാട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടും എറണാകുളം ജില്ലയില് യെല്ലോ അലര്ട്ടും പ്രഖ്യാപിച്ചിട്ടുണ്ട്.
അതേസമയം, സംസ്ഥാനത്ത് മഴക്കെടുതിയില് മരിച്ചവരുടെ എണ്ണം 100 കവിഞ്ഞു. മലപ്പുറം കവളപ്പാറയില് നിന്ന് 5 പേരുടെ മൃതദേഹം കൂടി കണ്ടെത്തി. ഇതുവരെ 26 പേരുടെ മൃതദേഹമാണ് ഇന്ന് കണ്ടെത്തിയത്. ഇനി ഇവിടെ നിന്ന് കണ്ടെത്താനുള്ളത് 35 പേരെയാണ്. കവളപ്പാറയിലും പുത്തുമലയിലും ഇന്നും തിരച്ചില് തുടരും.
മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്കാം
Name of Donee: CMDRF
Account Number : 67319948232
Bank: State Bank of India
Branch: City branch, Thiruvananthapuram
IFSC Code: SBIN0070028
Swift Code: SBININBBT08
keralacmdrf@sbi എന്ന യുപിഐ ഐഡി വഴിയും സംഭാവനകള് നല്കാവുന്നതാണ്.
Click it and Unblock the Notifications
Sign in with Google