Click it and Unblock the Notifications
Just In
Don't Miss
-
2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം -
സിജോ തന്നെ ഊച്ചാളിയെന്ന് വിളിച്ചെന്ന പരാതിയുമായി ശ്രീതു, ഊച്ചാളിയുടെ അർത്ഥം പറഞ്ഞ് കൊടുക്കാൻ പാടുപെട്ട് അർജുൻ -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ബംഗാള്‍ ഉള്‍ക്കടലില്‍ വീണ്ടും ന്യൂനമര്‍ദ്ദം വരുന്നു! 15 വരെ മഴ കനത്തേക്കും
തിരുവനന്തപുരം: ബംഗാള്‍ ഉള്‍ക്കടലില്‍ തിങ്കളാഴ്ചയോടെ വീണ്ടും ന്യൂനമര്‍ദ്ദം രൂപപ്പെടാന്‍ സാധ്യതയുണ്ടെന്ന് കാലാവസ്ഥാ വകുപ്പിന്‍റെ മുന്നറിയിപ്പ്. ന്യൂനമര്‍ദ്ദം ശക്തിപ്പെട്ടാല്‍ സംസ്ഥാനത്ത് 15 വരെ മഴ തുടരും. നേരത്തേ ഞായറാഴ്ചയോടെ മഴയുടെ ശക്തി കുറയുമെന്നായിരുന്നു റിപ്പോര്‍ട്ടുകള്‍. എറണാകുളം, ഇടുക്കി, മലപ്പുറം, വയനാട് ജില്ലകളിലാണ് ശക്തമായ മഴയ്ക്ക് സാധ്യത ഉള്ളത്.
നിലവില്‍ ഈ ജില്ലകളില്‍ കനത്ത മഴ തുടരുകയാണ്. പുതിയ ന്യൂനമര്‍ദ്ദത്തോടെ മഴ വീണ്ടും ശക്തി പ്രാപിച്ചാല്‍ കാര്യങ്ങള്‍ കൂടുതല്‍ പ്രതിസന്ധിയിലാകും. കഴിഞ്ഞ വര്‍ഷം ആഗസ്ത് 14നാണ് സംസ്ഥാനത്ത് മഴ കനത്തത്. പിന്നീട് അത് കേരളത്തിന്‍റെ പ്രാണനെടുത്ത മഹാപ്രളയമാവുകയായിരുന്നു. അതേസമയം ഇന്നും ഏഴ് ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്.വിവിധ ഇടങ്ങളില്‍ മണിക്കൂറില്‍ 40 മുതല്‍ 50 വരെ കിമി വേഗതയില്‍ കാറ്റ് വീശാന്‍ സാധ്യത ഉള്ളതിനാല്‍ 11 വരെ മത്സ്യതൊഴിലാളികള്‍ കടലില്‍ പോകരുതെന്ന് നിര്‍ദ്ദേശമുണ്ട്.
ബംഗാള്‍ ഉള്‍ക്കടലില്‍ രൂപം കൊണ്ട ന്യൂനമര്‍ദ്ദത്തിനൊപ്പം ശാന്ത സമുദ്രത്തിലെ രണ്ട് ന്യൂനമര്‍ദ്ദവും ചേര്‍ന്നതാണ് ഇപ്പോഴത്തെ ശക്തമായ മഴയ്ക്ക് കാരണമായത്. വടക്കന്‍ കേരളത്തിലാണ് മഴ ശക്തിയാര്‍ജ്ജിച്ചിരിക്കുന്നത്. മലയോര ഭാഗങ്ങള്‍ പലതും വെള്ളത്തിനിടയിലാണ്. രണ്ട് ദിവസത്തെ ദുരിതപെയ്ത്തില്‍ ഇതുവരെ 44 പേര്‍ക്കാണ് ജീവന്‍ നഷ്ടപ്പെട്ടത്. വിവിധ ജില്ലകളിലെ ദുരിതാശ്വാസ ക്യാമ്പുകളിലായി ഒരു ലക്ഷത്തോളം പേർ കഴിയുന്നുണ്ട്.
