എറണാകുളം-ചാലക്കുടി റെയിൽ ഗതാഗതവും നിർത്തി... റോഡ് ഗതാഗതവും താറുമാറിൽ; യാത്രകൾ വേണ്ട

By Muralidharan Ak

Updated: Thursday, August 16, 2018, 1:07 [IST]

Aug 16, 2018, 1:00 am IST

ആലുവയിൽ റെയിൽവേ പാലത്തിൽ വെള്ളം കയറി. എറണാകുളം-ചാലക്കുടി റൂട്ടിൽ തീവണ്ടി ഗതാഗതം നിർത്തിവച്ചു

Aug 16, 2018, 12:47 am IST

അട്ടപ്പാടിയിൽ ചുരം ഇടിഞ്ഞു. മണ്ണാർക്കാട്-അട്ടപ്പാടി ചുരത്തിലെ 9, 10 വളവുകളിൽ ആണ് ചുരം ഇടിഞ്ഞിട്ടുള്ളത്.

Aug 16, 2018, 12:32 am IST

ഇടുക്കി- കോട്ടയം ജില്ലകളെ ബന്ധിപ്പിക്കുന്ന തോപ്പിൽ കടവ് പാലം ഒലിച്ചുപോയി.

Aug 16, 2018, 12:28 am IST

ഈരാറ്റുപേട്ട തീക്കോയ്ക്ക് സമീപം വീടിന് മേലെ മണ്ണിടിഞ്ഞ് വീണ് 4 മരണം. മൂന്ന് പേരെ സ്വകാര്യ ആശുപത്രിയിൽ പ്രവേശിപ്പിച്ചു

Aug 16, 2018, 12:27 am IST

പത്തനംതിട്ടയിൽ ഡാമുകളിൽ നിന്നുള്ള ജലമൊഴുക്ക് നിയന്ത്രിക്കുന്നു. കഴിഞ്ഞ നാലര മണിക്കൂറായി ജയറാമും കുടുംബവും കുതിരാനിൽ കുടുങ്ങിക്കിടക്കുകയാണ്.

Aug 16, 2018, 12:26 am IST

പത്തനംതിട്ടയിൽ ഡാമുകളിൽ നിന്നുള്ള ജലമൊഴുക്ക് നിയന്ത്രിക്കുന്നു

Aug 16, 2018, 12:24 am IST

കോഴിക്കോട് ഇപ്പോഴും കനത്ത മഴ തുടരുന്നു

Aug 16, 2018, 12:23 am IST

കേരളം മുഴുവൻ വൈദ്യുതി ഓഫ് ചെയ്യും എന്ന് വ്യാജ പ്രചാരണം. തെറ്റായ വാർത്തകൾ പ്രചരിപ്പിക്കരുതെന്ന് വൈദ്യുതി മന്ത്രി എംഎം മണി.

Aug 15, 2018, 11:52 pm IST

പത്തനംതിട്ടയിലെ മണിയാർ ഡാം കരകവിഞ്ഞൊഴുകുന്നതായി റിപ്പോർട്ട്. എല്ലാ ഷട്ടറും തുറന്നിട്ടും കരകവിഞ്ഞൊഴുകയാണ്. സ്വകാര്യ വൈദ്യുതി ഉത്പാദന കന്പനി ജീവനക്കാർ കുടുങ്ങിക്കിടക്കുന്നതായും റിപ്പോർട്ടുകളുണ്ട്.

Aug 15, 2018, 11:06 pm IST

രക്ഷാപ്രവർത്തനത്തിനായി പത്തനംതിട്ടയിലേക്ക് തിരുവനന്തപുരത്തു നിന്നും സൈനീക സംഘം തിരിച്ചു. പത്ത് ബോട്ടുകൾ ഉപയോഗിച്ചുകൊണ്ടായിരിക്കും സൈനീക സംഘം രക്ഷാ പ്രവർത്തനം നടത്തുക.

Aug 15, 2018, 10:43 pm IST

ചെങ്ങന്നൂരിലും നൂറ് കണക്കിന് ആളുകൾ കുടുങ്ങിക്കിടക്കുന്നു

Aug 15, 2018, 10:00 pm IST

റാന്നിയിൽ കൂടുതൽ പേർ ഒറ്റപ്പെട്ടു കിടക്കുന്നു. റാന്നി മുതൽ ആറന്മുള വരെ വെള്ളപ്പൊക്കം. പത്തനംതിട്ടയിലേക്ക് കൂടുതൽ കേന്ദ്രസേനയെ അയക്കും

Aug 15, 2018, 9:46 pm IST

മഴക്കെടുതിയെ തുടർന്നുള്ള ഏത് അടിയന്തര സാഹചര്യത്തെയും നേരിടാൻ കെഎസ്ആർടിസി സജ്ജമാണെന്ന് ഗതാഗത മന്ത്രി എകെ ശശീന്ദ്രൻ.ശക്തമായ മഴക്കെടുതിക്കിടയിൽ സംസ്ഥാനത്ത് കെഎസ്ആർടിസി ബുധനാഴ്ച 4600 സർവീസുകൾ നടത്തി.

Aug 15, 2018, 9:42 pm IST

മടിക്കേരി - മംഗലാപുരം റോഡില്‍ മണ്ണിടിഞ്ഞ് ഗതാഗതം തടസ്സപ്പെട്ടു. കൊടകിലെ ജോദുപ്പാളയയിലാണ് റോഡിൽ മണ്ണിടിഞ്ഞ് വീണത്.

blockquote class="twitter-tweet" data-lang="en">

Kodagu: Landslide at Jodupala road has disrupted traffic movement. The road connects Madikeri and Mangaluru. (Earlier visuals) #Karnataka pic.twitter.com/bCHypxPyEi

— ANI (@ANI) August 15, 2018

Aug 15, 2018, 9:34 pm IST

പമ്പാതീരത്ത് നൂറു കണക്കിന് കുടുംബങ്ങൾ ഒറ്റപ്പെട്ടു. ആറന്മുള എഞ്ചിനീയറിംഗ് കോളേജ് ഹോസ്റ്റലിൽ വിദ്യാർത്ഥികൾ കുടുങ്ങിക്കിടക്കുന്നു.

Aug 15, 2018, 9:30 pm IST

ഇനി ഒരു അറിയിപ്പുണ്ടാകുന്നത് വരെ ശബരിമല യാത്ര ഒഴിവാക്കണമെന്ന് ദേവസ്വം ബോർഡ്

Aug 15, 2018, 8:31 pm IST

കൊച്ചി നെടുന്പാശേരി വിമാനത്താവളത്തിൽ നിന്നുള്ള ദൃശ്യങ്ങൾ

#Visuals from Kochi airport that has been shut till August 18 due to incessant rains. #Keralafloods pic.twitter.com/xtXrAbovxg
— ANI (@ANI) August 15, 2018

Aug 15, 2018, 7:46 pm IST

ഇടുക്കിയിൽ അണക്കെട്ടിൽ നിന്ന് തുറന്നുവിടുന്ന ജലത്തിന്റെ അളവ് കൂട്ടും. ആലുവ ഭാഗത്തുള്ളവർ അതീവ ജാഗ്രത പുലർത്തണമെന്ന് മുഖ്യമന്ത്രി

Aug 15, 2018, 7:45 pm IST

സംസ്ഥാനത്ത് അതീവജാഗ്രത പുലർത്തണമെന്ന് മുഖ്യമന്ത്രി. കേന്ദ്ര സംസ്ഥാന വകുപ്പുകളുടെ ഏകോപിത പ്രവർത്തനം സംസ്ഥാനത്ത് നടക്കുന്നു

Aug 15, 2018, 7:19 pm IST

മുല്ലപ്പെരിയാര്‍ ഡാമിൽ നിന്നും കൂടുതൽ ജലം തുറന്നുവിടണമെന്നാവശ്യപ്പെട്ട് മുഖ്യമന്ത്രി പിണറായി വിജയന്‍ തമിഴ്നാട് മുഖ്യമന്ത്രി ഇ കെ പളനിസ്വാമിയുമായി ചർച്ച നടത്തി.

Kerala CM Pinarayi Vijayan has communicated* to Tamil Nadu CM E.K. Palaniswami demanding his intervention to reduce the water level of Mullaperiyar Dam to 139 ft. The water level in Mullaperiyar Dam has reached 142 ft. #KeralaFloods https://t.co/hLdtshcqPe
— ANI (@ANI) August 15, 2018

Aug 15, 2018, 7:14 pm IST

മഴക്കെടുതി: കേരളത്തിലെ സ്ഥിതിഗതികളിൽ ആശങ്കയെന്ന് രാഷ്ട്രപതി രാംനാഥ് കോവിന്ദ്. സംസ്ഥാനത്ത് ഇന്ന് മാത്രം 28 മരണം.

Aug 15, 2018, 6:56 pm IST

കനത്ത മഴയിൽ വീടിനകത്ത് വെള്ളം കയറി മലപ്പുറത്ത് മൂതൂർപെരുംകാട്ടിൽ മനോജും കുടുബവും വീടൊഴിഞ്ഞു.തൊട്ടടുത്ത ടി.പി.വേലായുധന്റെ വീടും വെള്ളത്തിൽ മുങ്ങി വട്ടംകുളം കാന്തള്ളൂർ കണ്ടത്ത് കോച്ചിയുടെ വീട് മഴയിൽ തകർന്നു വീണു. വീടിനകത്തുണ്ടായിരുന്ന കോച്ചി അത്ഭുതകരമായ് രക്ഷപ്പെട്ടു 11 മണിക്കാണ് അപകടം ഉണ്ടായത്

Aug 15, 2018, 6:51 pm IST

കനത്ത മഴ കാരണം കണ്ണൂരിന്റെ വിവിധ ഭാഗങ്ങളിൽ ജല നിരപ്പ് ഉയർന്നതിനാൽ നാളെ ആഗസ്റ്റ് 16 ന് കണ്ണൂർ ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും അവധിയാണ്. ഇതോടെ കാസർഗോഡ് ഒഴികെ എല്ലാ ജില്ലകളിലെയും വിദ്യാഭ്യാസ സ്ഥാപനങ്ങൾക്ക് നാളെ അവധിയായി.

Aug 15, 2018, 6:51 pm IST

മഴക്കെടുതി: പ്രധാനമന്ത്രി നരേന്ദ്രമോദി മുഖ്യമന്ത്രി പിണറായി വിജയനുമായി സംസാരിച്ചു. കേന്ദ്രം കേരളത്തിനൊപ്പമെന്നും എല്ലാ സഹായവും നൽകുമെന്നും പ്രധാനമന്ത്രിയുടെ ട്വീറ്റ്

Had a detailed discussion with Kerala CM Shri Pinarayi Vijayan regarding the unfortunate flood situation in the state. Centre stands firmly with the people of Kerala and is ready to provide any assistance needed, tweets PM Narendra Modi. (File pic) pic.twitter.com/4PfWTYnnqy
— ANI (@ANI) August 15, 2018

Aug 15, 2018, 6:25 pm IST

പൊന്നാനി താലൂക്കിൽ അടിയന്തിര സാഹചര്യം നേരിടാൻ വില്ലേജ് ഓഫീസർമാർക്ക് നിർദ്ദേശം: കനത്ത മഴ നിലനിൽക്കുന്ന സാഹചര്യത്തിൽ പൊന്നാനി താലൂക്കിൽ ഏത് തരത്തിലുള്ള അടിയന്തിര സാഹചര്യവും നേരിടാൻ വില്ലേജ് ഓഫീസർമാർക്ക് താലൂക്ക് ഭരണകൂടം നിർദ്ദേശം നൽകി. ദുരിതാശ്വാസ ക്യാമ്പുകൾ ആരംഭിക്കുന്നതിന് പരമാവധി സ്ഥലങ്ങൾ കണ്ടെത്താനും സുരക്ഷാ പ്രവർത്തനങ്ങൾക്ക് സഹായിക്കാൻ രാഷ്ട്രീയ പാർട്ടി പ്രവർത്തകരുടെയും, സന്നദ്ദ സംഘടനകളുടെയും, പൊതു പ്രവർത്തകരുടെയും സഹായം തേടാനും നിർദ്ദേശം നൽകി.നിലവിൽ താലൂക്കിലെ കാലടി, തവനൂർ ,വില്ലേജിന് കീഴിൽ ദുരിതാശ്വാസ ക്യാമ്പുകൾ ആരംഭിചിട്ടുണ്ട്

Aug 15, 2018, 6:19 pm IST

മലപ്പുറം ജില്ലയിലെ പെരിങ്ങാവിൽ വീടിന് മുകളിൽ മണ്ണിടിഞ്ഞ് 9 പേർ മരിച്ചു. കേരളത്തിൽ ഇന്ന് മഴക്കെടുതിയിൽ മരിച്ചത് 25 പേർ

Aug 15, 2018, 6:19 pm IST

ഇടുക്കി ഗാന്ധി നഗറിൽ ഉരുൾപൊട്ടൽ. മണ്ണിനടിയിൽ പെട്ട് രണ്ട് സ്ത്രീകൾ മരിച്ചു. മൂന്ന് കുട്ടികളടക്കം അടക്കം നാല് പേരെ കാണാനില്ല

Aug 15, 2018, 6:17 pm IST

മലപ്പുറം ജില്ലയിലെ കൺട്രോള്‍ റൂം നമ്പറുകള്‍ ട്രോള്‍ ഫ്രീ നമ്പര്‍- 1077 മലപ്പുറം കളക്ടറേറ്റിലെ ദുരന്തനിവാരണ സെല്‍- 04832 736320. നിലമ്പൂര്‍ താലൂക്ക്- 04931 221471 കൊണ്ടോട്ടി താലൂക്ക് - 04832 713311 ഏറനാട് താലൂക്ക് - 04832 766121 തിരൂര്‍ താലൂക്ക് - 04942 422238 പൊാനി താലൂക്ക് - 04942 666038 പെരിന്തല്‍മണ്ണ താലൂക്ക് - 04933 227230 തിരൂരങ്ങാടി താലൂക്ക് - 04942 461055

Aug 15, 2018, 6:11 pm IST

മണ്ണാർ മല ചീനിക്കപ്പാറ ആദിവാസി കോളനിയിൽ മലമുകളിൽ താമസിച്ചിരുന്ന ആദിവാസി സ്ത്രീയെയും ഒരു മാസം പ്രായമായ കുട്ടിയെയും സുരക്ഷിതമായി താഴെയെത്തിച്ചു.

Aug 15, 2018, 6:05 pm IST

അങ്ങാടിപ്പുറം വില്ലേജ്, വലമ്പൂർ വില്ലേജ് എന്നിവയിലെ ഏറാന്തോട്, പൂന്താനം നഗർ എന്നിവിടങ്ങളിലെ ഏകദേശം നൂറോളം വീടുകൾ വെള്ളത്തിലായതിനെ തുടർന്ന് അവർ മുഴുവനും ബന്ധുവീടുകളിലേക്ക് മാറിത്താമസിച്ചു.

3:48 PM, 15 Aug

മുഖ്യമന്ത്രിയുടെ ദുരിതാശ്വാസ നിധിയിലേക്ക് നിങ്ങൾക്കും സംഭാവന നൽകാം. ഇതാണ് സംഭാവനകൾ അയക്കാനുള്ള വിവരം. Name of Donee: CMDRF Account number : 67319948232 Bank: State Bank of India Branch: City branch, Thiruvananthapuram IFSC Code: SBIN0070028 Swift Code: SBININBBT08 keralacmrdf@sbi എന്ന യുപിഐ ഐഡി വഴിയും സംഭാവനകൾ നല്‍കാവുന്നതാണ്.

3:49 PM, 15 Aug

ചെറുതോണി ഡാം തുറന്നു - ചെറുതോണി, പുഴയുടെയും പെരിയാറിന്റെയും ഇരുകരകളിലുള്ളവർ അതീവ ജാഗ്രത പാലിക്കണമെന്ന് ജില്ലാ കലക്ടർ അറിയിച്ചു. ചെറുതോണി പുഴയുടെയും പെരിയാറിന്റെയും തീരപ്രദേശങ്ങളിലുള്ളവരെ മാറ്റിപാർപ്പിക്കുന്നതിന് പൊലീസ്, റവന്യം, ഫയർ ആൻറ് റസ്ക്യം വൂപ്പുകൾക്കു ദേശീയ ദുരന്തനിവാരണ സേനയുടെ സേവനം ഉപയോഗപ്പെടുത്തുന്നതിനും കലക്ടർ നിർദ്ദേശം നൽകി.

3:51 PM, 15 Aug

കനത്ത മഴ തുടരുന്ന സാഹചര്യത്തിൽ എറണാകുളം ജില്ലയിൽ പ്രൊഫഷണൽ കോളേജുകൾ അടക്കം എല്ലാ വിദ്യാഭ്യാസസ്ഥാപനങ്ങൾക്കും ജില്ലാ കളക്ടർ ഓഗസ്റ്റ് 16, 17 തീയതികളിൽ അവധി പ്രഖ്യാപിച്ചു. അംഗനവാടികൾ, കേന്ദ്രീയ വിദ്യാലയങ്ങൾ, സ്റ്റേറ്റ്, സിബിഎസ്ഇ, ഐസിഎസ്ഇ സ്കൂളുകൾ തുടങ്ങി എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്

3:51 PM, 15 Aug

തൃശൂർ ജില്ലയിൽ പ്രഫഷനല്‍ കോളേജ് ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്കും അംഗൻവാടികള്‍ക്കും നാളെ (ആഗസ്ത് 16) ജില്ലാ കലക്ടർ ടി.വി.അനുപമ അവധി പ്രഖ്യാപിച്ചു.

3:52 PM, 15 Aug

സംസ്ഥാനത്ത് അതിശക്തമായ മഴയ്ക്ക് സാധ്യത.19 വരെ മഴ തുടർന്നേക്കുമെന്ന് റിപ്പോർട്ടുകൾ. തിരുവനന്തപുരം ജില്ലയിലെ മുഴുവൻ വിദ്യാഭ്യാസ സ്ഥാപനങ്ങൾക്കും നാളെ അവധി പ്രഖ്യാപിച്ചു

3:57 PM, 15 Aug

മലപ്പുറം ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപങ്ങൾക്കും നാളെ ( 16.08.18) ജില്ലാകലക്ടർ അമിത് മീണ അവധി പ്രഖ്യാപിച്ചു

4:05 PM, 15 Aug

പരീക്ഷകൾ മാറ്റിവെച്ചു. കണ്ണൂർ സർവ്വകലാശാല നാളെ നടക്കാനുള്ള പരീക്ഷകൾ മാറ്റിവെച്ചു. കേരള സർവ്വകലാശാലയും പരീക്ഷകൾ മാറ്റിവെച്ചു.

4:06 PM, 15 Aug

മലപ്പുറം ജില്ലയിലെ പെരിങ്ങാവിൽ വീടിന് മുകളിൽ മണ്ണിടിഞ്ഞ് മരണം 5 ആയി. മൂന്ന് പേർ മണ്ണിനടിയിൽ കുടുങ്ങിക്കിടക്കുന്നു

4:10 PM, 15 Aug

സംസ്ഥാനത്തെ 9 ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. ആലപ്പുഴ, പത്തനംതിട്ട, തൃശൂർ, കോഴിക്കോട്, കോട്ടയം, എറണാകുളം,മലപ്പുറം, വയനാട്, തിരുവനന്തപുരം ജില്ലകളിലാണ് അവധി.

4:12 PM, 15 Aug

മൂന്നാറിൽ അതീവ ജാഗ്രത ടൗണിലേക്കുള്ള വഴികളെല്ലാം വെള്ളം പൊങ്ങി മൂന്നാർ ഒറ്റപ്പെട്ടു. മൂന്നാറിൽ അതീവ ജാഗ്രത ടൗണിലേക്കുള്ള വഴികളെല്ലാം വെള്ളം പൊങ്ങി മൂന്നാർ ഒറ്റപ്പെട്ടു

4:15 PM, 15 Aug

കുടക് ജില്ലയിലെ സ്വാതന്ത്ര്യദിനാഘോഷങ്ങളെ മഴ ബാധിച്ചപ്പോൾ

Karnataka: Locals of the flood affected Kodagu district's Baradi village unfurled the tricolour earlier today. #IndependenceDayIndia pic.twitter.com/TAOvogZjwO
— ANI (@ANI) August 15, 2018

4:15 PM, 15 Aug

അയൽസംസ്ഥാനങ്ങൾക്ക് നന്ദി പറഞ്ഞ് മുഖ്യമന്ത്രി പിണറായി വിജയൻ

All the officials are involved in the rescue & relief operations. The rain will continue for the next four days too & we all need to be careful. The neighboring states have been helping us & we need their help in the future too: Kerala CM Pinarayi Vijayan #KeralaFloods pic.twitter.com/hESXHeU5NK
— ANI (@ANI) August 15, 2018

4:17 PM, 15 Aug

കർണാടക ആർടിസി കോഴിക്കോട്, കാസർകോട്, കണ്ണൂർ സർവ്വീസുകൾ നിർത്തിവെച്ചു

Karnataka State Road Transport Corporation (KSRTC) has suspended its services from Bengaluru to Kerala's Kannanur, Kozhikode and Kasaragod. #KeralaFloods
— ANI (@ANI) August 15, 2018

4:21 PM, 15 Aug

മലപ്പുറം ജില്ലയിലെ പെരിങ്ങാവിൽ വീടിന് മുകളിൽ മണ്ണിടിഞ്ഞ് മരണം 7 ആയി. ഒരാള്‍ മണ്ണിനടിയിൽ കുടുങ്ങിക്കിടക്കുന്നു. തിരച്ചിൽ തുടരുന്നു

4:23 PM, 15 Aug

കനത്ത മഴ. രക്ഷാപ്രവർത്തനങ്ങൾ തുടരുന്നു. പാലക്കാട് നിന്നുമുള്ള ദൃശ്യം

Aluva: Rescue and relief operations underway for people in the flood affected areas across the state. Visuals near Palakkad area. #KeralaFloods pic.twitter.com/0DbhXdrCWw
— ANI (@ANI) August 15, 2018

4:46 PM, 15 Aug

കർണാടകയില്‍ നിന്നുള്ള രക്ഷാപ്രവര്‍ത്തനങ്ങളുടെ കാഴ്ച

Mysore: Rescue operations underway in flood-hit areas in the city. #Karnataka pic.twitter.com/5sgLU8gTd7
— ANI (@ANI) August 15, 2018

4:50 PM, 15 Aug

മഴക്കെടുതിയിൽ ഇന്ന് സംസ്ഥാനത്ത് മരണം 18. മലപ്പുറം പെരിങ്ങോവിൽ വീടിന് മുകളിൽ മണ്ണിടിഞ്ഞ് വീണ് 7 പേർ മരിച്ചു. ഒരാളെ കാണാതായി. പത്തനം തിട്ട ചിറ്റാറിൽ രണ്ട് പേരെ കാണാതായി. സീതത്തോട് മുണ്ടൻപാറയിൽ ഉരുൾപൊട്ടലിൽ മണ്ണിനടിയിലായവരിൽ ഒരാളെ രക്ഷപ്പെടുത്തി

4:55 PM, 15 Aug

മഹാത്മാഗാന്ധി സർവ്വകലാശാലയുടെ കീഴിൽ ഉള്ള അഫിലീയേറ്റഡ് കോളേജുകളിൽ നാളെ നടത്താനിരുന്ന കോളേജ് യുണിയൻ വോട്ടെടുപ്പും വോട്ടെണ്ണെലും മാറ്റി വച്ചു. പുതുക്കിയ തീയതി പിന്നീട് അറിയിക്കും.

5:19 PM, 15 Aug

രക്ഷാപ്രവര്‍ത്തനങ്ങൾക്കായി എൻഡിആർഎഫിന്റെ നാല് ടീമുകൾ പുനെയിൽ നിന്നും കേരളത്തിലേക്ക് തിരിച്ചു.

Four teams of National Disaster Response Force (NDRF) have been airlifted from Pune Airport to Kerala for rescue operations.They have full-wave rectified (FWR) equipment and communication equipment with them. #KeralaFlood
— ANI (@ANI) August 15, 2018

5:21 PM, 15 Aug

സംസ്ഥാനത്തെ 11 ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. ആലപ്പുഴ, പത്തനംതിട്ട, തൃശൂർ, കോഴിക്കോട്, കോട്ടയം, എറണാകുളം,മലപ്പുറം, വയനാട്, തിരുവനന്തപുരം, പാലക്കാട്, കൊല്ലം ജില്ലകളിലാണ് അവധി.

5:29 PM, 15 Aug

കേരള, കാലിക്കറ്റ് സര്‍വകലാശാലകള്‍ നാളെയും മറ്റന്നാളും നടത്താനിരുന്ന പരീക്ഷകള്‍ മാറ്റി. കുസാറ്റ് അടുത്ത മൂന്ന് ദിവസത്തെ പരീക്ഷകള്‍ മാറ്റി. ആരോഗ്യ സർവകലാശാല നാളെ നടത്താനിരുന്ന പരീക്ഷകൾ മാറ്റിവച്ചു.

5:35 PM, 15 Aug

വയനാട്ടിലെ സുൽത്താന്‍ ബത്തേരിയിൽ കർണാടക ആർ ടി സി ബസ് സർവ്വീസ് റോഡിലെ വെള്ളക്കെട്ടിനെത്തുടർന്ന് തടസ്സപ്പെട്ടു.

5:37 PM, 15 Aug

മലപ്പുറം ജില്ലയിലെ പെരിങ്ങാവിൽ വീടിന് മുകളിൽ മണ്ണിടിഞ്ഞ് അപകടത്തിൽ പെട്ടവരിൽ 8 പേരും മരിച്ചു.

5:49 PM, 15 Aug

14 ജില്ലകളിലും റെഡ് അലർട്ട് പ്രഖ്യാപിച്ച സാഹചര്യത്തിൽ സംസ്ഥാനത്തെ മുഴുവൻ വിദ്യാഭാസ സ്ഥാപനങ്ങൾക്കും നാളെ അവധി പ്രഖ്യാപിച്ചേക്കുമെന്ന് സൂചന

5:51 PM, 15 Aug

ആഗസ്റ്റ് 31 ന് തുടങ്ങാൻ നിശ്ചയിച്ചിരുന്ന ഒന്നാം പാദ വാർഷിക പരീക്ഷ മാറ്റിവയ്ക്കുന്നതായ് പൊതുവിദ്യാഭ്യാസ ഡയറക്ടർ അറിയിക്കുന്നു. പുതുക്കിയ തീയതി പിന്നാലെ അറിയിക്കുന്നതാണ്.

6:05 PM, 15 Aug

6:11 PM, 15 Aug

6:17 PM, 15 Aug

6:19 PM, 15 Aug

തിരുവനന്തപുരം/കൊച്ചി: സംസ്ഥാനത്തെ അക്ഷരാർഥത്തിൽ പിടിച്ചുകുലുക്കി മഴ സംഹാര താണ്ഡവം തുടരുകയാണ്. ആഴ്ചകളായി തുടരുന്ന മഴയിൽ മണ്ണിടിച്ചിലും ഉരുൾപ്പൊട്ടലും വെള്ളപ്പൊക്കവും എന്ന് വേണ്ട ജനജീവിതം എല്ലാ രീതിയിലും താറുമാറായിരിക്കുന്നു. സംസ്ഥാനത്തെ 14 ജില്ലകളിലും റെഡ് അലർട്ട് പ്രഖ്യാപിച്ചു. ഇടുക്കിയും മുല്ലപ്പെരിയാറും അടക്കം 33 ഡാമുകളാണ് തുറന്നത്. മഴക്കെടുതിയുടെ ഏറ്റവും പുതിയ അപ്ഡേറ്റുകളിലേക്ക്.