ഗാഡ്ഗില് റിപ്പോര്ട്ടില് നിലപാട് മാറ്റി ഉമ്മന്ചാണ്ടി; റിപ്പോര്ട്ട് വീണ്ടും ചര്ച്ച ചെയ്യണം
തിരുവനന്തപുരം: ഗാഡ്ഗില് കമ്മറ്റി റിപ്പോര്ട്ട് നടപ്പാക്കുന്നതിലെ നിലപാട് മാറ്റി മുന്മുഖ്യമന്ത്രി ഉമ്മന്ചാണ്ടി. തുടര്ച്ചയായ രണ്ടാം വര്ഷവും പ്രളയുമുണ്ടായതോടെയാണ് റിപ്പോര്ട്ട് നടപ്പാക്കണമെന്ന ആവശ്യത്തെ പിന്തുണച്ച് ഉമ്മന്ചാണ്ടി രംഗത്ത് എത്തിയത്. പുതിയ സാഹചര്യത്തില് ഗാഡ്ഗില് വീണ്ടും പുനപരിശോധിക്കണമെന്നും ചര്ച്ച ചെയ്യണമെന്നുമാണ് ഇപ്പോള് ആവശ്യപ്പെടുന്നത്. തുടര്ച്ചയായ പ്രകൃതി ദുരന്തങ്ങളുടെ പശ്ചാത്തലത്തിലാണ് താന് ഈ ആവശ്യം ഇപ്പോള് മുന്നോട്ട് വയ്ക്കുന്നതെന്നും അദ്ദേഹം പറഞ്ഞു.
അത്ഭുതങ്ങള് സൃഷ്ടിക്കുമോ സോണിയാ ഗാന്ധി..?; പുതിയ അധ്യക്ഷക്ക് മുന്നിലെ ഏറ്റവും വലിയ വെല്ലുവിളി ഇത്
നേരത്തെ മുഖ്യമന്ത്രിയായിരിക്കെ ഗാഡ്ഗില് കമ്മിറ്റി റിപ്പോര്ട്ടിനെ എതിര്ത്ത വ്യക്തിയാണ് ഉമ്മന്ചാണ്ടി. 123 പഞ്ചായത്ത് പ്രസിഡന്റുമാരുടെ നിര്ദേശമനുസരിച്ചായിരുന്നു അന്ന് റിപ്പോര്ട്ട് നടപ്പിലാക്കുന്നതിനെ എതിര്ത്തത്. പരിസ്ഥിതി സംരക്ഷണത്തില് കേരളം ഒരു കാലത്തും പിന്നോട്ട് പോയിട്ടില്ലെന്നും അന്നത്തെ പൊതുസമൂഹത്തിന്റെ അഭിപ്രായത്തിന്റെ അടിസ്ഥാനത്തിലാണ് ഗാഡ്ഗില് കമ്മിറ്റി റിപ്പോര്ട്ടിനെ എതിര്ക്കേണ്ടി വന്നതെന്നും ഉമ്മന് ചാണ്ടി വ്യക്തമാക്കി.
ഉമ്മന്ചാണ്ടിക്ക് പിന്നാലെ ഗാഡ്ഗിലിനെ പിന്തുണച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രനും രംഗത്തെത്തി. മലയോരത്ത് ജീവിക്കുന്നവരെ ഓര്ത്താണ് കോണ്ഗ്രസ് നേരത്തെ റിപ്പോര്ട്ടിനെ എതിര്ത്തിരുന്നത്. തന്റെ നിലപാട് ഇന്നും ഇന്നലെയും നാളെയും ഒന്നായിരിക്കുമെന്നും അദ്ദേഹം വ്യക്തമാക്കി. ഗാഡ്ഗിലിനെ കുറിച്ച് പറയുമ്പോള് പലരും രോഷാകുലരായി തുള്ളുന്നത് കാണാം. അത്ശരിയല്ലെന്നും അദ്ദേഹം പറഞ്ഞു.
മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്കാം
Name of Donee: CMDRF
Account Number : 67319948232
Bank: State Bank of India
Branch: City branch, Thiruvananthapuram
IFSC Code: SBIN0070028
Swift Code: SBININBBT08
keralacmdrf@sbi എന്ന യുപിഐ ഐഡി വഴിയും സംഭാവനകള് നല്കാവുന്നതാണ്.