കവളപ്പാറയിലും പുത്തുമലയിലും തിരച്ചില് തുടരുന്നു: ഇനിയും കണ്ടെത്താനുള്ളത് 47 പേരെ
കോഴിക്കോട്: കവളപ്പാറയിലും പുത്തുമലയിലും ഉരുള്പൊട്ടലില് കാണാതായവര്ക്കായുള്ള തെരച്ചില് ഇന്നും തുടരും. 19 പേരുടെ മൃതദേഹമാണ് ഇതുവരെ കവളപ്പാറയില് നിന്ന് കണ്ടെത്തിയത്. 40 പേരെ ഇനിയും കണ്ടെത്താനുണ്ടെന്നാണ് കണക്കുകള് വ്യക്തമാക്കുന്നത്. പുത്തുമലയില് ഇന്ന് തെരച്ചില് തുടരും. തുടര്ച്ചയായ അഞ്ചാം ദിവസമാണ് ഇവിടെ തെരച്ചില് നടക്കുന്നത്. ഒമ്പത് മൃതദേഹങ്ങളാണ് ഇവിടെ നിന്ന് ഇതുവരെ കണ്ടെത്തിയത്. ഇനിയും ഏഴ് പേരെയാണാ കണ്ടെത്താനുള്ളത്. കുടുതല് മണ്ണുമാന്തിയന്ത്രങ്ങള് ഉള്പ്പടേയുള്ള സൗകര്യങ്ങള് എത്തിച്ച് ചെളിയും മണ്ണും നീക്കല് തുടരും.
ഇവർ നാടിന് അഭിമാനം; നൗഷാദിനും ആദർശിനും അഭിനന്ദനവുമായി മുഖ്യമന്ത്രി പിണറായി വിജയൻ
അനുകൂലമായ കാലാവസ്ഥ തെരച്ചിലിന് സാഹായകരമാവുമെന്നാണ് രക്ഷാപ്രവര്ത്തകരുടെ പ്രതീക്ഷ. സംസ്ഥാനാത്ത് ഇന്ന് മഴയുടെ തീവ്രത കുറയുമെന്നാണ് കാലാവസ്ഥ നിരീക്ഷണ കേന്ദ്രം അറിയിച്ചത്. ബംഗാള് ഉള്ക്കടലില് ന്യൂനമര്ദ്ദം രൂപംകൊണ്ടിട്ടുണ്ടെങ്കിലും കേരളത്തിന് ഭീഷണിയാകില്ലെന്നാണ് വിലയിരുത്തല്. ഇന്ന് ഒരിടത്തും റെഡ് അലര്ട്ട് പ്രഖ്യാപിച്ചിട്ടില്ല. 6 ജില്ലകളില് ഓറഞ്ച് അലര്ട്ട് മാത്രമാണ് നിലനില്ക്കുന്നത്. ആലപ്പുഴ, എറണാകുളം, ഇടുക്കി, മലപ്പുറം, വയനാട്, കണ്ണൂര് എന്നീ ജില്ലകളിലാണ് ഒറഞ്ച് അലര്ട്ട് പ്രഖ്യാപിച്ചിരിക്കുന്നത്.
Recommended Video
മഴക്കെടുതി തുടരുന്ന സാഹചര്യത്തില് 9 ജില്ലകളിലെ വിദ്യാഭ്യാസ സ്ഥാപനങ്ങള് ജില്ലാ കളക്ടര്മാര് ഇന്ന് അവധി പ്രഖ്യാപിച്ചിട്ടുണ്ട്. കോട്ടയം, കണ്ണൂര്, തൃശൂര്, കോഴിക്കോട്, വയനാട്, മലപ്പുറം, എറണാകുളം, ആലപ്പുഴ ജില്ലകളിലെ പ്രൊഫഷണല് കോളേജ് ഉള്പ്പടേയുള്ള വിദ്യാഭ്യാസ സ്ഥാപനങ്ങള്ക്കാണ് അവധിപ്രഖ്യാപിച്ചത്. മഴ കുറഞ്ഞെങ്കിലും പലയിടത്തും വെള്ളക്കെട്ടുകള് നിലനില്ക്കുന്നതിനാലും സ്കൂളുകളില് ദുരിതാശ്വാസ ക്യാംമ്പുകള് പ്രവര്ത്തിക്കുന്നതും കൊണ്ടാണ് അവധി പ്രഖ്യാപിച്ചത്.
മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്കാം
Name of Donee: CMDRF
Account Number : 67319948232
Bank: State Bank of India
Branch: City branch, Thiruvananthapuram
IFSC Code: SBIN0070028
Swift Code: SBININBBT08
keralacmdrf@sbi എന്ന യുപിഐ ഐഡി വഴിയും സംഭാവനകള് നല്കാവുന്നതാണ്.
ബിരിയാണി കഴിച്ച് തീർന്നെങ്കിൽ ഇനി മണ്ഡലത്തിലേക്ക് പോകാം..... സിദ്ധരാമയ്യയെ പരിഹസിച്ച് ബിജെപി