Click it and Unblock the Notifications
Just In
Don't Miss
-
പൊന്നു ചങ്ങായിമാരേ വേഗം രക്ഷപ്പെട്ടോളീൻ...! ഗൂഗിൾ കൈയൊഴിഞ്ഞു, ഈ 3 ആപ്പുകൾ ഉടൻ ഡിലീറ്റ് ചെയ്യാൻ നിർദേശം -
ഹാർട്ട് അറ്റാക്കിൽ രക്ഷകനായി ടെസ്ല; സെൽഫ് ഡ്രൈവിംഗ് കാറിന് ഇങ്ങനേയും ഗുണങ്ങളുണ്ട് -
IPL 2024: ധോണി തല്ലിക്കൂട്ടി, ഹാര്ദിക്ക് മുംബൈ ടീമില് ഒറ്റപ്പെട്ടു! പിന്തുണയില്ലെന്ന് ഗില്ലി -
ആ സിനിമയില് വിനീത് പാടുന്നതിനെ എതിര്ത്തു; ഞാന് പറഞ്ഞിട്ടാണെന്ന് കരുതില്ലേ: ശ്രീനിവാസന് -
ഗര്ഭിണിയാവില്ലെന്ന് ശരീരം പറയും, ഈ ലക്ഷണങ്ങള് നേരത്തെയറിയാം -
കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ -
ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
സ്വര്‍ണ്ണകടത്ത്; പ്രതികളെ 10 ദിവസം കസ്റ്റഡിയില്‍ വേണമെന്ന് എന്‍ഐഎ;അപേക്ഷ ഇന്ന് പരിഗണിക്കും
കൊച്ചി: തിരുവനന്തപുരം വിമാനത്താവളം കേന്ദ്രീകരിച്ച് നടന്ന സ്വര്‍ണ്ണകടത്ത് കേസില്‍ എന്‍ഐഎയുടെ പിടിയിലായ പ്രതികളുടെ കസ്റ്റഡി അപേക്ഷ കൊച്ചി എന്‍ഐഎ കോടതി ഇന്ന് പരിഗണിക്കും. കേസില്‍ രണ്ടാം പ്രതി സ്വപ്‌ന സുരേഷ്, നാലാം പ്രതി സന്ദീപ് നായര്‍ എന്നിവരെ 10 ദിവസം കസ്റ്റഡിയില്‍ വേണമെന്നാണ് എന്‍ഐഎ ആവശ്യപ്പെട്ടിരിക്കുന്നത്.
ഇന്നലെ ഇരുവരേയും കേരളത്തില്‍ എത്തിച്ചതിന് പിന്നാലെ ആലൂവ ജനറല്‍ ആശുപത്രിയില്‍ വെച്ച് കൊവിഡ് പരിശോധന നടത്തിയിരുന്നു. കൊവിഡ് ഇല്ലെന്ന് സ്ഥിരീകരിച്ച സാഹചര്യത്തില്‍ ഇരുവരേയും ഇന്ന് കോടതിയില്‍ ഹാജരാക്കും.
സ്വര്‍ണ്ണകടത്തിന് പിന്നില്‍ വലിയ ഗൂഢാലോചന നടന്നിട്ടുണ്ടെന്നാണ് എന്‍ഐഎ വിലയിരുത്തല്‍. അതിനാല്‍ കൂടുതല്‍ പേര്‍ ഉള്‍പ്പെട്ടിട്ടുണ്ടോയെന്ന് കണ്ടെത്താന്‍ പ്രതികളെ വിശദമായി ചോദ്യം ചെയ്യേണ്ടതുണ്ടെന്നാണ് എന്‍ഐഎ കസ്റ്റഡി അപേക്ഷയില്‍ പറയുന്നത്.
Recommended Video
കേസുമായി ബന്ധപ്പെട്ട് ദുബായിയിലുള്ള മൂന്നാം പ്രതി ഫാസില്‍ ഫരീദിന്റെ മൊഴി സൂഹൃത്ത് മുഖേന എടുത്തതായാണ് റിപ്പോര്‍ട്ട്. ഇന്നലെ മലപ്പുറത്ത് പിടിയിലായ റമീസിനെ ഇന്ന് കോടതിയില്‍ ഹാജരാക്കും.
റമീസ് നേരത്തെയും സമാനമായ കേസില്‍ അറസ്റ്റിലായിട്ടുണ്ട്.. 2015ല്‍ കരിപ്പൂര്‍ വിമാനത്താവളം വഴി സ്വര്‍ണ്ണം കടത്താന്‍ ശ്രമിച്ചതോടെയാണ് ഇയാള്‍ കസ്റ്റംസിന്റെ പിടിയിലായത്. 17.5 ഗ്രാം സ്വര്‍ണ്ണവുമായാണ് ഇയാളെ കസ്റ്റംസ് കസ്റ്റഡിയിലെടുത്തത്. ആറ് തോക്കുകള്‍ ഗ്രീന്‍ ചാനല്‍ വഴി കടത്താന്‍ ശ്രമിച്ചപ്പോഴും കസ്റ്റംസ് ഇയാളെ പിടികൂടിയിരുന്നു.
മലപ്പുറം ജില്ലയിലെ പെരിന്തല്‍മണ്ണ വെട്ടത്തൂര്‍ സ്വദേശിയാണ് ഇയാള്‍. സ്വര്‍ണ്ണക്കടത്ത് കേസില്‍ ഞായറാഴ്ച രാവിലെ റമീസ് അറസ്റ്റിലായതോടെ റമീസിന്റെ വീട്ടില്‍ കസ്റ്റംസ് സംഘം റെയ്ഡ് നടത്തിയിരുന്നു. എഎസ്പി ഹേമലതയുടെ നേതൃത്വത്തിലുള്ള സംഘവും റെയ്ഡിനെത്തിയ കസ്റ്റംസ് ഉദ്യോഗസ്ഥര്‍ക്കൊപ്പമുണ്ടായിരുന്നു.
സ്വപ്‌ന സുരേഷിനെതിരായ ബാബാ സാഹേഹ് അംബേദ്ക്കര്‍ സര്‍വ്വകലാശാല ഇന്ന് മഹാരാഷ്ട്രയില്‍ പരാതി നല്‍കും. ഇവരുടെ ബിരുദ സര്‍ട്ടിഫിക്കറ്റ് വ്യാജമാണെന്ന് നേരത്തെ തെളിഞ്ഞിരുന്നു. സ്വപ്‌നയുടെ നിയമനത്തില്‍ കെഎസ്െഎടിഎല്‍, പിഡബ്ല്യൂസിക്ക് ഇന്ന് വക്കീല്‍ നോട്ടീസ് നല്‍കിയേക്കും. യോഗ്യതയില്ലാത്ത ഉദ്യോഗാര്‍ത്ഥിയെ നിയമിച്ചെന്ന് ചൂണ്ടികാട്ടിയായിരിക്കും നോ്ട്ടീസ്.
