വസ്തുതകളുടെ തരിമ്പുപോലുമില്ല; സ്വപ്നയുടെ ആരോപണം രാഷ്ട്രീയ അജണ്ടയുടെ ഭാഗമാണെന്ന് മുഖ്യമന്ത്രി
തിരുവനന്തപുരം : സ്വര്ണക്കടത്ത് കേസ് പ്രതി സ്വപ്ന സുരേഷ് ഉന്നയിച്ച ആരോപണള് അടിസ്ഥാനരഹിതമാണെന്ന് മുഖ്യമന്ത്രി പിണറായി വിജയന്. ഇടതുപക്ഷ ജനാധിപത്യമുന്നണി സര്ക്കാരിനെ അപകീര്ത്തിപ്പെടുത്താന് ഉദ്ദേശിച്ചുകൊണ്ടുള്ള അടിസ്ഥാനരഹിതമായ പ്രചരണങ്ങളെ ജനങ്ങള് തിരിച്ചറിഞ്ഞ് തള്ളിക്കളയുക തന്നെ ചെയ്യുമെന്ന് മുഖ്യമന്ത്രി പിണറായി വിജയന് പ്രസ്താവനയില് പറഞ്ഞു.
ചില രാഷ്ട്രീയ അജണ്ടകളുടെ ഭാഗമാണ്. ഇത്തരം അജണ്ടകള് ജനങ്ങള് തള്ളിക്കളഞ്ഞതാണ്. ഒരു ഇടവേളയ്ക്കുശേഷം പഴയ കാര്യങ്ങള് തന്നെ കേസില് പ്രതിയായ വ്യക്തിയെക്കൊണ്ട് വീണ്ടും പറയിക്കുകയാണ്. ഇതില് വസ്തുതകളുടെ തരിമ്പുപോലുമില്ലെന്ന് മുഖ്യമന്ത്രി പറഞ്ഞു.
മുഖ്യമന്ത്രിയുടെ വാക്കുകളിലേക്ക്...
ഇന്ന് ദൃശ്യമാധ്യമങ്ങളിലൂടെ ചില കേസുകളെപ്പറ്റി അവയില് പ്രതിയായ വ്യക്തി നടത്തിയ ചില പരാമര്ശങ്ങള് ശ്രദ്ധയില്പ്പെട്ടു. സ്വര്ണ്ണക്കടത്ത് പുറത്തുവന്ന അവസരത്തില് തന്നെ ഏകോപിതവും കാര്യക്ഷമവുമായ അന്വേഷണം വേണമെന്ന് കേന്ദ്ര സര്ക്കാരിനോട് ആദ്യം ആവശ്യപ്പെട്ടത് സംസ്ഥാന സര്ക്കാരാണ്. പിന്നീട് അന്വേഷണ രീതികളെപ്പറ്റിയുണ്ടായ ന്യായമായ ആശങ്കകള് യഥാസമയം ചൂണ്ടിക്കാണിച്ചിട്ടുമുണ്ട്.
രാജ്യത്തിന്റെ സമ്പദ്ഘടനയെ തകര്ക്കുന്ന സാമ്പത്തിക കുറ്റകൃത്യങ്ങളുടെ സ്രോതസ് മുതല് അവസാന ഭാഗം വരെയുള്ള കാര്യങ്ങള് അന്വേഷിച്ച് കണ്ടെത്തണമെന്ന കാര്യത്തില് ഒരു വിട്ടുവീഴ്ചയും പാടില്ല എന്ന് നിര്ബന്ധമുള്ള ഞങ്ങള്ക്കെതിരെ സങ്കുചിത രാഷ്ട്രീയ കാരണങ്ങളാല് ചില കോണുകളില് നിന്നും അടിസ്ഥാനരഹിതമായ ആരോപണങ്ങള് മാധ്യമങ്ങളിലൂടെ വീണ്ടും വീണ്ടും ഉന്നയിക്കപ്പെട്ടിട്ടുണ്ട്. ഇത് ചില രാഷ്ട്രീയ അജണ്ടകളുടെ ഭാഗമാണ്. ഇത്തരം അജണ്ടകള് ജനങ്ങള് തള്ളിക്കളഞ്ഞതാണ്. ഒരു ഇടവേളയ്ക്കുശേഷം പഴയ കാര്യങ്ങള് തന്നെ കേസില് പ്രതിയായ വ്യക്തിയെക്കൊണ്ട് വീണ്ടും പറയിക്കുകയാണ്. ഇതില് വസ്തുതകളുടെ തരിമ്പുപോലുമില്ല.
അസത്യങ്ങള് വീണ്ടും ജനമധ്യത്തില് പ്രചരിപ്പിച്ച് ഈ സര്ക്കാരിന്റെയും രാഷ്ട്രീയ നേതൃത്വത്തിന്റെയും ഇച്ഛാശക്തി തകര്ക്കാമെന്ന് കരുതുന്നുണ്ടെങ്കില് അത് വൃഥാവിലാണെന്നുകൂടി ബന്ധപ്പെട്ടവരെ ഓര്മിപ്പിക്കട്ടെ.
ദീര്ഘകാലമായി പൊതുരംഗത്ത് ജനങ്ങള്ക്കൊപ്പം നില്ക്കുകയും വ്യാജ ആരോപണങ്ങള് നേരിട്ടിട്ടും പതറാതെ പൊതുജീവിതത്തില് മുന്നോട്ടുനീങ്ങുകയും ചെയ്യുന്നവര്ക്കെതിരെ ഇത്തരം വിലകുറഞ്ഞ ആരോപണങ്ങള് ഉന്നയിപ്പിക്കുന്നതും അത് ഏറ്റെടുക്കുന്നതും ഒരു ഗൂഢപദ്ധതിയുടെ ഭാഗമാണെന്നുള്ളത് വ്യക്തമാണ്. അത്തരമൊരു ആളെക്കൊണ്ട് പഴയ ആരോപണങ്ങള് അയവിറക്കിച്ച് നേട്ടം കൊയ്യാമെന്ന് കരുതുന്നവര്ക്കുള്ള മറുപടി നമ്മുടെ സമൂഹം നല്കുമെന്ന ഉറച്ച വിശ്വാസം എനിക്കുണ്ട്.
കേരളത്തിന്റെ സമഗ്ര വികസനത്തിനും സാമൂഹ്യക്ഷേമത്തിനും വേണ്ടി പ്രവര്ത്തിച്ചുകൊണ്ടിരിക്കുന്ന ഇടതുപക്ഷ ജനാധിപത്യമുന്നണി സര്ക്കാരിനെ അപകീര്ത്തിപ്പെടുത്താന് ഉദ്ദേശിച്ചുകൊണ്ടുള്ള അടിസ്ഥാനരഹിതമായ പ്രചരണങ്ങളെ ജനങ്ങള് തിരിച്ചറിഞ്ഞ് തള്ളിക്കളയുക തന്നെ ചെയ്യും.
അതേസമയം, മുഖ്യമന്ത്രി രാജിവെയ്ക്കണമെന്നും അന്വേഷണം ജുഡീഷ്യറിയുടെ മേല്നോട്ടത്തില് വേണമെന്നും കെ.സുധാകരന് എം പി ആവശ്യപ്പെട്ടു. നയതന്ത്ര പാഴ്സല് സ്വര്ണ്ണക്കടത്തു കേസിലെ പ്രതി സ്വപ്നയുടെ പുതിയ വെളിപ്പെടുത്തലിന്റെ പശ്ചാത്തലത്തില് മുഖ്യമന്ത്രി രാജിവെയ്ക്കണമെന്ന് കെപിസിസി പ്രസിഡന്റ് കെ.സുധാകരന് എംപി.സ്വര്ണ്ണക്കടത്ത് കേസില് സുതാര്യമായ അന്വേഷണം സാധ്യമാകണമെങ്കില് ജുഡീഷ്യറിയുടെ മേല് നോട്ടം ഉണ്ടാകണമെന്നും കേന്ദ്ര ഏജന്സികളുടെ അന്വേഷണത്തില് വിശ്വാസം നഷ്ടമായെന്നും സുധാകരന് കൂട്ടിച്ചേര്ത്തു.
അതേസമയം , അന്താരാഷ്ട്ര സ്വര്ണ്ണക്കള്ളക്കടത്തില് മുഖ്യമന്ത്രിക്കും കുടുംബത്തിനും പങ്കുണ്ടെന്ന സ്വപ്ന സുരേഷിന്റെ വെളിപ്പെടുത്തല് ഗൗരവതരമാണെന്ന് ബി ജെ പി സംസ്ഥാന അദ്ധ്യക്ഷന് കെ. സുരേന്ദ്രന് പറഞ്ഞു. പിണറായി വിജയന് മുഖ്യമന്ത്രി കസേരയില് ഇരിക്കാന് ധാര്മ്മിക യോഗ്യതയില്ല. സ്വപ്ന ഉന്നയിച്ച ആരോപണങ്ങളോട് പ്രതികരിക്കാന് മുഖ്യമന്ത്രി തയ്യാറാവണം. രാജ്യദ്രോഹ കുറ്റമാണ് മുഖ്യമന്ത്രിക്കെതിരെ ഉയര്ന്നിരിക്കുന്നത്. മുഖ്യമന്ത്രി നേരിട്ട് കറന്സി കടത്തിയെന്നത് കേരളത്തിന് നാണക്കേടാണ്. ദേശീയ അന്വേഷണ ഏജന്സികള്ക്ക് തടയിടാന് മുഖ്യമന്ത്രി ശ്രമിച്ചത് മടിയില് കനമുള്ളത് കൊണ്ടാണെന്നും സുരേന്ദ്രന് പറഞ്ഞു .
Click it and Unblock the Notifications
Sign in with Google