687 രൂപയ്ക്ക് 5 ലക്ഷത്തിന്റെ ഇന്ഷുറന്സ്! വന് പ്രഖ്യാപനവുമായി ധനമന്ത്രി, റീ-ഇംപേഴ്സമെന്റ് ലളിതമാക്കും!
തിരുവനന്തപുരം: സംസ്ഥാന സര്ക്കാര് ജീവനക്കാര്ക്കും പെന്ഷന്കാര്ക്കും സന്തേഷ വാര്ത്ത. ജീവനക്കാര്ക്കും പെന്ഷന്കാര്ക്കും ആശ്രിതര്ക്കുമായി ഏര്പ്പെടുത്തിയിട്ടുള്ള മെഡിസെപ് മെഡിക്കല് ഇന്ഷുറന്സ് പദ്ധതിയുടെ രണ്ടാം ഘട്ടം ഫെബ്രുവരി ഒന്ന് മുതല് നടപ്പിലാക്കി തുടങ്ങുമെന്ന് ധനകാര്യ മന്ത്രി കെ എന് ബാലഗോപാല് അറിയിച്ചു. പ്രതിവര്ഷം അഞ്ച് ലക്ഷം രൂപയുടെ സൗജന്യ ചികിത്സ ഉറപ്പാക്കുന്നതാണ് പുതുക്കിയ പദ്ധതി.
സര്ക്കാര് ജീവനക്കാര്, സര്വീസ് കുടുംബ പെന്ഷന്കാര്, യുണിവേഴ്സിറ്റികളിലെയും തദ്ദേശസ്വയംഭരണ സ്ഥാപനങ്ങളിലേയും ജീവനക്കാരും പെന്ഷന്കാരും, അവരുടെ ആശ്രിതരും ഉള്പ്പെടെ നിലവിലുള്ളവരെല്ലാം പുതുക്കിയ പദ്ധതിയുടെയും ഗുണഭോക്താക്കളായിരിക്കും. മെഡിസെപ്പ് രണ്ടാം ഘട്ടത്തില് അടിസ്ഥാന ഇന്ഷുറന്സ് പരിരക്ഷ മൂന്ന് ലക്ഷം രൂപയില് നിന്ന് അഞ്ച് ലക്ഷം രൂപയായി ഉയര്ത്തിയിട്ടുണ്ട്.
പ്രീമിയം ഇനത്തില് പ്രതിമാസം നല്കേണ്ടത് 687 രൂപയും പദ്ധതി അംഗത്തിന്റെയും ആശ്രിതരുടെയും പ്രിമീയമായി പ്രതിവര്ഷം ആകെ നല്കേണ്ടത് 8,244 രൂപയും മാത്രമാണ്. ദേശീയാടിസ്ഥാനത്തില് അംഗീകരിച്ചിട്ടുള്ള ഹെല്ത്ത് ബെനിഫിറ്റ് പാക്കേജ് 2022 അനുസരിച്ചുള്ള ചികിത്സാ പാക്കേജുകളാണ് പദ്ധതിയില് പുതുതായി ഉള്പ്പെടുത്തിയിട്ടുള്ളത്. ഓറിയന്റല് ഇന്ഷുറന്സ് കമ്പനിയ്ക്കാണ് പദ്ധതിയുടെ നിര്വഹണ ചുമതല.
നേരത്തെ 1920 പാക്കേജുകളാണ് ഉണ്ടായിരുന്നതെങ്കില് മെഡിക്കല്, സര്ജിക്കല് പാക്കേജുകളുള്പ്പെടെ 2,516 പാക്കേജുകള് പുതുക്കിയ പദ്ധതിയില് ഉള്പ്പെടുത്തിയിട്ടുണ്ട് എന്നും മന്ത്രി പറഞ്ഞു. പ്രതിദിനം 5,000 രൂപ വരെയാണ് മുറി വാടക. സര്ക്കാര് പേ വാര്ഡ് മുറി വാടക പ്രതിദിനം 2,000 രൂപ വരെയാക്കി നിശ്ചയിച്ചു. മുട്ട് മാറ്റിവയ്ക്കല്, ഇടുപ്പെല്ല് മാറ്റിവയ്ക്കല് എന്നീ ശസ്ത്രക്രീയകള് നിലവില് സര്ക്കാര് ആശുപത്രികളില് മാത്രമായി പരിമിതപ്പെടുത്തിയിട്ടുണ്ട്.
ഇത് സ്വകാര്യ ആശുപത്രികളിലും ലഭ്യമാക്കും. ശ്രീ ചിത്തിര തിരുനാള് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സ് ആന്റ് ടെക്നോളജി, ജിപ്മര് എന്നീ ആശുപത്രികള് പദ്ധതിയില് എംപാനല് ചെയ്യാത്തപക്ഷം ഈ ആശുപത്രികളില് നടത്തുന്ന ചികിത്സകള്ക്ക് മെഡിസെപില് റീ-ഇംപേഴ്സമെന്റ് ലഭ്യമാക്കാനുള്ള വ്യവസ്ഥയും ഉള്പ്പെടുത്തിയിട്ടുണ്ട്.
മെഡിക്കല് പാക്കേജുകള്ക്ക് അടിസ്ഥാന നിരക്കിന് പുറമെ വില കൂടിയ മരുന്നുകള്, പരിശോധനകള് എന്നിവയ്ക്ക് പ്രത്യേക തുക നിശ്ചയിക്കുകയും അത് അടിസ്ഥാന നിരക്കിനൊപ്പം ലഭ്യമാക്കുകയും ചെയ്യും എന്നും ബാലഗോപാല് പറഞ്ഞു. ഡയാലിസിസ്, കീമോതെറാപ്പി എന്നിങ്ങനെ തുടര്ച്ചയായ ചികിത്സ തേടേണ്ട രോഗങ്ങള്ക്ക് ഇന്ഷുറന്സ് പോര്ട്ടലില് ഒറ്റത്തവണ രജിസ്ട്രേഷന് സംവിധാനമൊരുക്കി സൗജന്യ ചികിത്സ ഉറപ്പാക്കും.
പത്ത് അതീവ ഗുരുതര, അവയവ മാറ്റ ശസ്ത്രക്രിയകള്ക്കുള്ള അധിക പരിരക്ഷ തുടരും. ഇതിനായി രണ്ട് വര്ഷത്തേയ്ക്ക് 40 കോടി രൂപ ഇന്ഷുറന്സ് കമ്പനി മാറ്റി വെക്കും എന്ന് അറിയിച്ചിട്ടുണ്ട്. റോഡ് അപകടം, ഹൃദയാഘാതം, പക്ഷാഘാതം എന്നിവയുമായി ബന്ധപ്പെട്ട അടിയന്തിര സാഹചര്യങ്ങളില് എംപാനല് ചെയ്തിട്ടില്ലാത്ത ആശുപത്രിയില് ചികിത്സ തേടാം. ഇതിന്റെ ചെലവ് കമ്പനി മടക്കി നല്കും.
ഇത്തരത്തില് റീ-ഇംപേഴ്സമെന്റ് ആനുകൂല്യത്തിന് പത്ത് അധിക ചികിത്സകള്ക്കൂടി ഉള്പ്പെടുത്തിയിട്ടുണ്ട്. പദ്ധതിയില് ഗുണഭോക്താക്കളെ ചേര്ക്കുന്നതിന് പ്രായപരിധി ബാധകമാകില്ല എന്നും ഏത് പ്രായത്തിലുള്ളവര്ക്കും പദ്ധതിയില് അംഗത്വം നല്കും എന്നും മന്ത്രി അറിയിച്ചു. 365 ദിവസവും 24 മണിക്കൂറും പ്രവര്ത്തിക്കുന്ന കോള് സെന്റര് സംവിധാനമുണ്ടാകും.
കേരളാ പ്രൈവറ്റ് ഹോസ്പിറ്റല് അസോസിയേഷന്, ഇന്ത്യന് മെഡിക്കല് അസോസിയേഷന് എന്നിവയുടെ പ്രതിനിധികളെയും പരാതി പരിഹാര സംവിധാനത്തില് ഉള്പ്പെടുത്തും. പാക്കേജുകളുടെ വിശദാംശങ്ങളും ആശുപത്രി ശൃംഖലകളുടെ പൂര്ണ വിവരങ്ങളും വെബ്സൈറ്റില് ലഭ്യമാക്കും
-
ഗള്ഫില് സ്വര്ണം കുത്തനെ കുതിച്ചു..! ഇന്ത്യയില് കുറയുമ്പോള് ദുബായില് കൂടാന് കാരണമെന്ത്? -
സ്വർണ വില ഗ്രാമിന് 27000ത്തിന് മുകളിലോ, പവൻ 2.15 ലക്ഷത്തിലേക്കും?സ്വർണം കൂടുതൽ ഞെട്ടിക്കാനൊരുങ്ങുന്നു..പ്രവചനം -
സ്വര്ണത്തിന് എന്തുപറ്റി? യുദ്ധം തുടങ്ങി ഒരാഴ്ചയായിട്ടും വില കൂടുന്നില്ല! വാങ്ങിവെച്ചത് മണ്ടത്തരമായോ? -
സ്വർണ വില ഇനി കുത്തനെ താഴേക്കോ? സ്വർണം വാങ്ങുന്നത് കുറച്ച് കേന്ദ്രബാങ്കുകളും..എന്തുപറ്റി? അമ്പരപ്പ് -
കൊച്ചി മെട്രോയിൽ ജോലി ഒഴിവുണ്ട്; 2 തസ്തികയിൽ അവസരം.. 2.60 ലക്ഷം വരെ ശമ്പളം..യോഗ്യത അറിയാം -
സ്വർണ വില അഞ്ചാം ദിനവും മൂക്കും കുത്തി താഴെ; പവന് 60,000 രൂപയെന്ന ആഗ്രഹമൊക്കെ നടക്കുമോ?അറിയാം -
ഭക്തരോട് മാപ്പ് ചോദിക്കുന്നു; ആറ്റുകാല് അമ്മയ്ക്ക് എന്നെ അറിയാം: വൈകാരിക പ്രതികരണവുമായി അന്ന രാജന് -
പൊങ്കാല ഇടുമ്പോൾ വീട്ടിലെ സ്വകാര്യ ചിത്രങ്ങൾ പുറത്ത് പ്രചരിപ്പിച്ചു'; തുറന്നടിച്ച് നടി രമ്യ പണിക്കർ -
ക്രിസ്ത്യാനിയായിട്ടും പൊങ്കാലയിട്ടു; ബിജെപിയിലേക്കു പോകുന്നു: വിവാദങ്ങളില് പ്രതികരണവുമായി ബീന ആന്റണി -
രണ്ട് വര്ഷത്തിനിടെ സ്വര്ണം വാരിക്കൂട്ടി, ഇനി അതെല്ലാം വില്ക്കാന് പോളണ്ട്! സ്വര്ണവില കുത്തനെ ഇടിയും! -
സ്വർണ വില ഉച്ചയോടെ വീണ്ടും താഴേക്ക്; വിൽക്കാൻ കാത്തിരുന്നവർ പെട്ടു..ഇനിയും ഇടിഞ്ഞ് വീഴും? -
വിജയ്ക്ക് തൃഷയോട് മാത്രമായിരുന്നിരിക്കില്ല ബന്ധം..നടൻ മിടുക്കൻ, ഭാര്യയുടെ ഉദ്ദേശം നടക്കില്ല'; അഡ്വ ജയശങ്കർ
Click it and Unblock the Notifications
Sign in with Google