Click it and Unblock the Notifications
Just In
-
-
-
Don't Miss
-
'മ്ലേഛകരമായൊന്നും ഞാൻ ചെയ്തിട്ടില്ല; കെട്ടിപ്പിടിച്ച് ഉമ്മ കൊടുക്കാനോ കയറി കിടക്കാനോ നിന്നിട്ടില്ല' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മൂന്ന് വര്‍ഷം പഴക്കമുള്ള വാഹനങ്ങള്‍ വേണ്ട; മന്ത്രിമാര്‍ക്ക് നാല് പുത്തന്‍ ഇന്നോവ ക്രിസ്റ്റ കൂടി
തിരുവനന്തപുരം : ചെലവുചുരുക്കണമെന്ന് പറയുമ്പോഴും സംസ്ഥാനത്തെ മന്ത്രിമാര്‍ക്ക് വേണ്ടി വീണ്ടും പുതിയ കാറുകള്‍ വാങ്ങാന്‍ ഒരുങ്ങുന്നു. മന്ത്രിമാരായ ജി ആര്‍ അനില്‍, വിന്‍ വാസവന്‍, വി അബ്ദുറഹിമാന്‍, ചീഫ് വിപ്പ് ഡോ എന്‍ ജയരാജ് എന്നിവര്‍ക്ക് വേണ്ടിയാണ് പുതിയ കാറുകള്‍ വാങ്ങാന്‍ ഒരുങ്ങുന്നത്. വാഹന ഉപയോഗം സംബന്ധിച്ച ടൂറിസം വകുപ്പിന്റെ നിബന്ധനകളാണ് പുതിയ കാറുകള്‍ മന്ത്രിമാര്‍ക്ക് വേണ്ടി പുതിയ കാറുകള്‍ വാങ്ങാന്‍ വഴിയൊരുക്കുന്നത് .
മൂന്ന് വര്‍ഷം പഴക്കമുള്ള വാഹനങ്ങള്‍ വി ഐ പി ഉപയോഗത്തിന് നല്‍കരുതെന്നാണ് ടൂറിസം വകുപ്പിന്റെ ചട്ടം. പണ്ട് അംബാസഡര്‍ കാറുകള്‍ ഉപയോഗിച്ചിരുന്ന സമയത്ത് നിലനിന്നിരുന്ന ചട്ടമാണിത്. ഇന്നോവ ക്രിസ്റ്റ് പോലുള്ള വാഹനങ്ങള്‍ നിരത്തിലിറങ്ങിയിട്ടും ഈ ചട്ടങ്ങള്‍ക്ക് മാറ്റം വന്നില്ല. മന്ത്രിമാര്‍ ഉപയോഗിക്കുന്നതും മാറി ഉപയോഗിക്കുന്നതുമായ വാഹനങ്ങള്‍ കൃത്യമായ അറ്റകുറ്റപ്പണി നടത്തുന്നവയാണ്.
അഞ്ച് ലക്ഷം കിലോ മീറ്റര്‍ പിന്നിട്ട ഇന്നോവ വാഹനങ്ങള്‍ ഒരു കുഴപ്പവുമില്ലാതെ റോഡിലൂടെ ഓടുമ്പോഴാണ് കാലപ്പഴക്കത്തിന്റെ പേരില്‍ മന്ത്രിമാര്‍ക്ക് ഇടയ്ക്കിടെ വാഹനങ്ങള്‍ മാറ്റുന്നത് . വാഹനങ്ങളുടെ കാര്യക്ഷമതയും പ്രവര്‍ത്തന ക്ഷമതയും പരിശോധിച്ച ശേഷം പിന്‍വലിക്കുന്ന സംവിധാനമാണ് ഏറ്റവും ഉചിതം .
ഇപ്പോള്‍ മാറ്റുന്ന വാഹനങ്ങള്‍ 2018ല്‍ വാങ്ങിയതും രണ്ട് ലക്ഷ കിലോ മീറ്റര്‍ ഒടിയവയുമാണ്. ഇപ്പോള്‍ 1.3 കേടി രൂപയാണ് കാറുകള്‍ക്കായി അനുവദിച്ചിട്ടുള്ളത്. ഇതോടൊപ്പം ഹൈക്കോടതി ജഡ്ജിമാര്‍ക്ക് നാല് ഇന്നോവ ക്രിസ്റ്റകള്‍ കൂടി വാങ്ങാന്‍ അനുമതി നല്‍കിയിട്ടുണ്ട്.
അതേസമയം, മാസങ്ങള്‍ക്ക് മുമ്പാണ് മുഖ്യമന്ത്രിക്ക് സഞ്ചരിക്കുന്നതിന് വേണ്ടി കിയയുടെ കാര്‍ണിവല്‍ വാഹനം സര്‍ക്കാര്‍ വാങ്ങിയത്. 33 ലക്ഷം രൂപയാണ് വാഹനത്തിന്റെ വില. നേരത്തെ വാങ്ങാന്‍ ഉദ്ദേശിച്ചിരുന്ന ടാറ്റയുടെ ഹാരിയറിന് പകരം ഡി ജി പി അനില്‍കാന്തിന്റെ നിദ്ദേശ പ്രകാരമാണ് കിയ കാര്‍ണിവല്‍ വാങ്ങാന്‍ തീരുമാനിച്ചത്. ഡിസംബറിലാണ് മുഖ്യമന്ത്രിക്ക് പുത്തന്‍ ഇന്നോവ ക്രിസ്റ്റ വാങ്ങിയത്. കെ എല്‍ 01 സി ടി 6683 രജിസ്‌ട്രേഷനിലെ ഫുള്‍ ഓപ്ഷന്‍ ക്രിസ്റ്റല്‍ ഷൈന്‍ ബ്ലാക്ക് ക്രിസ്റ്റയിലായിരുന്നു മുഖ്യമന്ത്രി യാത്ര ചെയ്തിരുന്നത് . ബുള്ളറ്റ് പ്രൂഫ് അടക്കം കൂടുതല്‍ സുരക്ഷാ സംവിധാനങ്ങളുള്ളതാണ് പുതിയ വാഹനം .
