വാക്സിനേഷനിൽ മുന്നേറ്റം, സംസ്ഥാനത്ത് വാക്സിന് സ്വീകരിച്ചവരുടെ എണ്ണം രണ്ട് കോടി കടന്നു
തിരുവനന്തപുരം: കൊവിഡ് വാക്സിനേഷനില് മുന്നേറ്റവുമായി കേരളം. സംസ്ഥാനത്ത് വാക്സിന് സ്വീകരിച്ചവരുടെ എണ്ണം രണ്ട് കോടി കടന്നു. ഇന്ന് മാത്രം കേരളത്തില് 3.59 ലക്ഷം പേര്ക്ക് കൊവിഡ് വാക്സിന് നല്കാന് സാധിച്ചുവെന്ന് ആരോഗ്യവകുപ്പ് മന്ത്രി വീണ ജോര്ജ് അറിയിച്ചു. സംസ്ഥാനത്ത് ആകെ 2,01,39,113 ജനങ്ങള്ക്ക് വാക്സിന് നല്കി. ഒന്നും രണ്ടും ഡോസ് ചേര്ത്തുളള കണക്കാണിത്. തുള്ളിയും പാഴാക്കാതെ വാക്സിന് നല്കിയ എല്ലാവരേയും അഭിനന്ദിക്കുന്നുവെന്ന് ആരോഗ്യവകുപ്പ് മന്ത്രി വീണാ ജോർജ് വ്യക്തമാക്കി.
1,40,89,658 പേര്ക്ക് ഒന്നാം ഡോസും 60,49,455 പേര്ക്ക് രണ്ടാം ഡോസും നല്കി. ഇതോടെ സംസ്ഥാനത്ത് 2021-ലെ എസ്റ്റിമേറ്റ് ജനസംഖ്യയനുസരിച്ച് 40.14 ശതമാനം പേര്ക്ക് ഒന്നാം ഡോസും 17.23 ശതമാനം പേര്ക്ക് രണ്ടാം ഡോസ് വാക്സിന് നല്കി. 18 വയസിന് മുകളിലുള്ള 52 ശതമാനം പേര്ക്ക് ഒന്നാം ഡോസും 23 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. 45 വയസിന് മുകളിലുള്ള 79 ശതമാനം പേര്ക്ക് (89,98,405) ഒന്നാം ഡോസും 42 ശതമാനം പേര്ക്ക് (47,44,870) രണ്ടാം ഡോസും നല്കിയിട്ടുണ്ട്.
ഹോട്ട് ലുക്കിൽ അനുപമ; ചിത്രങ്ങളേറ്റെടുത്ത് സോഷ്യൽ മീഡിയ
സംസ്ഥാനത്ത് വാക്സിന് സ്വീകരിച്ചവരില് മുന്നിലുള്ളത് സ്തീകളാണ് . 1,04,71,907 സ്ത്രീകളും, 96,63,620 പുരുഷന്മാരുമാണ് വാക്സിനെടുത്തത്. 18 വയസിനും 45 വയസിനും ഇടയില് പ്രായമുള്ള വിഭാഗത്തില് 25 ശതമാനം പേര്ക്ക് (37,01,130) ഒന്നാം ഡോസ് ലഭിച്ചിട്ടുണ്ട്. ഒന്നാം ഡോസ് ലഭിച്ചിട്ട് 12 ആഴ്ചയ്ക്ക് ശേഷമാണ് ഇവര്ക്ക് രണ്ടാം ഡോസ് ലഭിക്കുന്നത്. അതിനാല് 3,05,308 പേര്ക്കാണ് (2 ശതമാനം) രണ്ടാം ഡോസ് എടുക്കാനായത്.
2021 ജനുവരി 16 മുതലാണ് സംസ്ഥാനത്ത് വാക്സിനേഷന് ആരംഭിച്ചത്. ആദ്യം ആരോഗ്യ പ്രവര്ത്തകര്ക്കാണ് വാക്സിന് നല്കിയത്. സര്ക്കാര്-സ്വകാര്യ ആശുപത്രി ജീവനക്കാര്, ഫീല്ഡ് ജീവനക്കാര്, ആശാവര്ക്കര്മാര്, അങ്കണവാടി വര്ക്കര്മാര് ഉള്പ്പെടെയുള്ളവര്ക്കാണ് ആദ്യഘട്ടത്തില് വാക്സിന് നല്കിയത്. സംസ്ഥാനത്തെ ആരോഗ്യ പ്രവര്ത്തകരിലും കോവിഡ് മുന്നണി പോരാളികള്ക്കും ഏകദേശം 100 ശതമാനം പേര്ക്ക് ഒന്നാം ഡോസും 82 ശതമാനം പേര്ക്ക് രണ്ടാം ഡോസും നല്കിയിട്ടുണ്ട്. സംസ്ഥാനത്ത് വെള്ളിയാഴ്ചയാണ് ഏറ്റവുമധികം പേര്ക്ക് (5,15,241) വാക്സിന് നല്കിയത്. ഈ മാസം 24ന് 4.91 ലക്ഷം പേര്ക്ക് വാക്സിന് നല്കിയിരുന്നു. ഇനിയും കൂടുതല് വാക്സിനെത്തിയാല് ഇതുപോലെ വാക്സിന് നല്കാന് സാധിക്കുന്നതാണ്.
സംസ്ഥാനത്ത് ഇന്ന് 3,59,517 പേര്ക്കാണ് വാക്സിന് നല്കിയത്. ഇന്ന് 1,546 വാക്സിനേഷന് കേന്ദ്രങ്ങളാണ് പ്രവര്ത്തിച്ചത്. സര്ക്കാര് തലത്തില് 1,280 കേന്ദ്രങ്ങളും സ്വകാര്യതലത്തില് 266 കേന്ദ്രങ്ങളുമാണുണ്ടായിരുന്നത്. സംസ്ഥാനത്ത് ഇന്ന് 4 ലക്ഷം ഡോസ് വാക്സിന് കൂടി ലഭ്യമായി. തിരുവനന്തപുരത്ത് 1,35,440 ഡോസ്, എറണാകുളത്ത് 1,57,460 ഡോസ്, കോഴിക്കോട് 1,07,100 ഡോസ് എന്നിങ്ങനെ കോവീഷീല്ഡ് വാക്സിനാണ് ലഭ്യമായത്. സംസ്ഥാനത്ത് ഇതുവരെ 1,82,61,470 ഡോസ് വാക്സിനാണ് ലഭ്യമായത്.
Click it and Unblock the Notifications
Sign in with Google