Click it and Unblock the Notifications
Just In
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ആശങ്കകള്‍ക്ക് വിരാമം; തൃശൂര്‍ പൂരം പതിവുപോലെ നടക്കും
കൊച്ചി: എല്ലാ ഒരുക്കങ്ങളും പൂര്‍ത്തിയായശേഷം നടക്കാതിരിക്കുമോ എന്നാശങ്കപ്പെട്ടിരുന്ന തൃശൂര്‍ പൂരം പതിവു ചടങ്ങുകളോടെ നടക്കുമെന്നുറപ്പായി. തൃശൂര്‍ പൂരത്തിന് വെടിക്കെട്ട് നടത്താന്‍ ഹൈക്കോടതി അനുമതി നല്‍കിയതോടെയാണിത്. 2007 ലെ സുപ്രീംകോടതി വിധി പാലിച്ചുവേണം വെടിക്കെട്ട് നടത്താനെന്ന് കോടതി നിര്‍ദ്ദേശിച്ചു.
നിരോധിത വെടിമരുന്നുകള്‍ ഉപയോഗിക്കരുത്, വെടിക്കെട്ടിന്റെ ശബ്ദപരിധി 125 ഡെസിബലായി നിയന്ത്രിക്കണം, ക്ഷേത്രത്തിനോ സമീപത്തെ വസ്തുവകകള്‍ക്ക് വെടിക്കെട്ട് മൂലം കേടുപാടൊന്നും സംഭവിക്കുന്നില്ലെന്ന് ഉറപ്പുവരുത്തണം, പൂര്‍ണ ആരോഗ്യമില്ലാത്ത ആനകളെ എഴുന്നള്ളിക്കരുതെന്നും ജസ്റ്റിസുമാരായ തോട്ടത്തില്‍ ബി.രാധാകൃഷ്ണന്‍, അനുശിവരാമന്‍ എന്നിവരടങ്ങിയ ഡിവിഷന്‍ ബെഞ്ച് വ്യക്തമാക്കി.
രാത്രികാലങ്ങളിലെ വെടിക്കെട്ടിന് നിരോധനം ഏര്‍പ്പെടുത്തിയ ഉത്തരവ് ഹൈക്കോടതി പിന്‍വലിച്ചില്ല. നിയമത്തിലില്ലാത്ത ഒരു നിയന്ത്രണവും ഏര്‍പ്പെടുത്തിയിട്ടില്ലെന്നും നിലവിലുള്ള നിയമങ്ങള്‍ കര്‍ശനമായി പാലിക്കാന്‍ ആവശ്യപ്പെടുക മാത്രമാണ് ഇപ്പോഴത്തെ ഉത്തരവില്‍ ചെയ്തതെന്ന് കോടതി ചൂണ്ടിക്കാട്ടി
അതേസമയം, രാത്രി 10നും രാവിലെ ആറിനും ഇടയ്ക്ക് വെടിക്കെട്ട് പാടില്ലെന്ന ഉത്തരവില്‍ തൃശൂര്‍ പൂരത്തിന് ഭാഗികമായി ഇളവ് നല്‍കും. ഹൈക്കോടതിയില്‍ നിന്നും അനുകൂല വിധി ഉണ്ടായതോടെ തിരുവമ്പാടി പാറമേക്കാവ് ദേവസ്വങ്ങള്‍ വിധിയെ സ്വാഗതം ചെയ്തു. പൂരത്തിന്റെ ചടങ്ങുകള്‍ ആചാരപ്രകാരം നടത്തുമെന്നും അവര്‍ അറിയിച്ചു.
