ഹയര് സെക്കന്ററി പരീക്ഷാ മാന്വല് പ്രസിദ്ധീകരിച്ചു; സമഗ്രമായ പരിഷ്കരങ്ങൾ ഇവ
ഹയര് സെക്കന്ററി പരീക്ഷാ മാന്വല് പ്രസിദ്ധീകരിച്ചു; സമഗ്രമായ പരിഷ്കരങ്ങൾ ഇവ
തിരുവനന്തപുരം: ഹയര് സെക്കന്ററി പരീക്ഷാ മാന്വല് പ്രസിദ്ധീകരിച്ചു. സമഗ്രമായ പരിഷ്കരങ്ങൾ വരുത്തിയാണ് മാന്വല് പ്രസിദ്ധീകരിച്ചിരിക്കുന്നത്. ഹയര്സെക്കന്ററി പരീക്ഷാ നടത്തിപ്പ് സംബന്ധിച്ച് യാതൊരു സംശയങ്ങളും ഉണ്ടാക്കാത്ത തരത്തിലാണ് മാന്വല്. എടുത്തു പറയാവുന്ന പരിഷ്കാരങ്ങള് ഇവയാണ്.
1. അക്കാദമിക് ബോഡിയായ എസ്.സി.ഇ.ആർ.ടിയുടെ ഡയറക്ടറെ പരീക്ഷാ ബോര്ഡില് അംഗമാക്കിയിട്ടുണ്ട്.
2. ഹയര് സെക്കന്ററി മേഖലയിലെ വിവിധ പരീക്ഷകളെയും അവയുടെ നടത്തിപ്പിനെയും അനുവര്ത്തിക്കേണ്ടതായ കാര്യങ്ങളെയും സംബന്ധിച്ച് സമഗ്രമായി പ്രതിപാദിച്ചിട്ടുണ്ട്.
3. പരീക്ഷ ജോലികള്ക്ക് നിയോഗിക്കപ്പെടുന്ന ഓരോ ഉദ്യോഗസ്ഥരെയും അവരുടെ ചുമതലകളെയും സംബന്ധിച്ച് വ്യക്തമായ മാര്ഗനിര്ദ്ദേശങ്ങള് ഉള്ക്കൊള്ളിച്ചിട്ടുണ്ട്.
4. റീവാല്വേഷന് സംബന്ധിച്ച് കാതലായ മാറ്റം വരുത്തിയിട്ടുണ്ട്. റീവാല്വേഷന് അപേക്ഷിക്കുന്ന ഉത്തരക്കടലാസുകള് ഇരട്ടമൂല്യനിര്ണയത്തിന് വിധേയമാക്കും. അത്തരത്തില് ലഭിക്കുന്ന സ്കോറുകള് പരമാവധി മാര്ക്കിന്റെ 10 ശതമാനത്തില് താഴെയാണെങ്കില് ലഭ്യമായ രണ്ട് സ്കോറുകളുടെയും ശരാശരി ലഭ്യമാക്കും. വ്യത്യാസം 10 ശതമാനമോ കൂടുതലോ ആണെങ്കില് മൂന്നാമതും മൂല്യനിര്ണയത്തിന് വിധേയമാക്കും.
5. സ്ക്രൂട്ടിണി നടത്തുമ്പോള് എല്ലാ ഉത്തരങ്ങളും മൂല്യനിര്ണയം നടത്തിയിട്ടുണ്ടെന്നും, ഫെയ്സിംഗ് ഷീറ്റില് മാര്ക്കുകള് രേഖപ്പെടുത്തിയിട്ടുണ്ടെന്നും, കാല്ക്കുലേഷന് ശരിയാണെന്നും ഉറപ്പാക്കുന്നതിന് മാന്വലില് വ്യവസ്ഥ ചെയ്തിട്ടുണ്ട്.
6. ഡ്യൂപ്ലിക്കേറ്റ് സര്ട്ടിഫിക്കറ്റിനുള്ള അപേക്ഷാ നടപടിക്രമങ്ങള് ലളിതമാക്കിയിട്ടുണ്ട്. അപേക്ഷയോടൊപ്പം സമര്പ്പിക്കേണ്ട അഫിഡവിറ്റ് ഫസ്റ്റ് ക്ലാസ് മജിസ്ട്രേട്ട് നല്കണമെന്ന വ്യവസ്ഥയില് ഇളവ് വരുത്തി. നോട്ടറിയില് നിന്നുള്ള അഫിഡവിറ്റ് മതിയാകും എന്ന് മാറ്റം വരുത്തിയിട്ടുണ്ട്.
7. കംപാര്ട്ട്മെന്റല് വിദ്യാര്ത്ഥികള്ക്ക് വിജയിക്കാനാകാത്ത വിഷയങ്ങള്ക്ക് ഒന്നാം വര്ഷമോ രണ്ടാം വര്ഷമോ കുട്ടിയുടെ താല്പ്പര്യം അനുസരിച്ച് രജിസ്റ്റര് ചെയ്ത് പരീക്ഷ എഴുതാവുന്നതാണ്. ഒന്നാം വര്ഷ പരീക്ഷയാണ് രജിസ്റ്റര് ചെയ്യുന്നതെങ്കില് രണ്ടാം വര്ഷത്തെ ഉയര്ന്ന സ്കോറും രണ്ടാം വര്ഷ പരീക്ഷയാണ് രജിസ്റ്റര് ചെയ്യുന്നതെങ്കില് ഒന്നാം വര്ഷത്തെ ഉയര്ന്ന സ്കോറും നിലനിര്ത്തുന്നതായിരിക്കും.
8. രണ്ടാം വര്ഷ തീയറി പരീക്ഷ എഴുതിയ ഒരു വിദ്യാര്ത്ഥിക്ക് ഏതെങ്കിലും സാഹചര്യത്തില് പ്രായോഗിക പരീക്ഷ എഴുതാന് സാധിക്കാതെ വന്നാല് ഈ വിദ്യാര്ത്ഥിക്ക് പ്രായോഗിക പരീക്ഷ മാത്രമായി എഴുതാവുന്നതാണ്.
9. ഹയര് സെക്കന്ററി ചോദ്യ പേപ്പര് നിര്മാണം ഏറെ പ്രാധാന്യമര്ഹിക്കുന്നതാണ്. നിലവില് എസ് സി ഇ ആര് ടി നല്കുന്ന പാനലില് നിന്നാണ് അധ്യാപകരെ തെരഞ്ഞെടുക്കുന്നത്. ഇത് പലപ്പോഴും അധ്യാപകരെ ആവശ്യത്തിന് ലഭിക്കാത്ത അവസ്ഥ ഉണ്ടാക്കുന്നു. അത് പരിഹരിക്കാനായി ചോദ്യപേപ്പര് നിര്മാണത്തില് താല്പര്യമുള്ള അദ്ധ്യാപകരുടെ അപേക്ഷ സ്വീകരിച്ച് ഓരോ വിഷയത്തിന്റെയും ചോദ്യപേപ്പര് സെറ്റിംഗിനായി അദ്ധ്യാപകരുടെ ഒരു പൂള് രൂപീകരിക്കും. അതില് നിന്നും തെരഞ്ഞെടുക്കപ്പെടുന്ന അധ്യാപകരുടെ പാനലില് നിന്നായിരിക്കും ഇതിനായി അധ്യാപകരെ നിയോഗിക്കുക.
10. ഹയര് സെക്കന്ററി ആരംഭിച്ച കാലത്ത് 150 സ്കോറിനുള്ള പരീക്ഷകളാണ് നടത്തിയിരുന്നത്. ഈ കാലഘട്ടങ്ങളില് ഒരു അധ്യാപകന് ഒരു സെഷനില് ബോട്ടണി, സുവോളജി, മ്യൂസിക് ഒഴികെയുള്ള വിഷയങ്ങളില് 13 ഉം, ബോട്ടണി, സുവോളജി, മ്യൂസിക് എന്നിവയ്ക്ക് 20 ഉം പേപ്പറുകള് മൂല്യനിര്ണയം നടത്തുമായിരുന്നു. എന്നാല് ഇപ്പോള് പരമാവധി സ്കോര് 80 ഉം 60 ഉം ബോട്ടണി, സുവോളജി എന്നിവയ്ക്ക് 30 സ്കോറും ആയി കുറഞ്ഞുവെങ്കിലും മൂല്യനിര്ണയം നടത്തേണ്ട ഉത്തരക്കടലാസുകളുടെ എണ്ണത്തില് വര്ദ്ധനവ് വരുത്തിയിട്ടില്ല.
11. മൂല്യനിര്ണയ ക്യാമ്പുകളിലെ ഉദ്യോഗസ്ഥരുടെ ഉദ്യോഗപ്പേരില് മാറ്റം വരുത്തുകയും ചുമതലകള് നിശ്ചയിക്കുകയും ചെയ്തിട്ടുണ്ട്. നിലവില് എല്ലാ മൂല്യനിര്ണയ ക്യാമ്പുകളിലും ടാബുലേഷന് സൗകര്യം ഏര്പ്പെടുത്തി. ദിവസ വേതനത്തില് നിയമിച്ചിരുന്ന ഡാറ്റാ എന്ട്രി ഓപ്പറേറ്റര്ക്ക് പകരം ഉത്തരവാദിത്തത്തോടെയും രഹസ്യ സ്വഭാവത്തോടെയും ടാബുലേഷനും അനുബന്ധ പ്രവര്ത്തനങ്ങളും നടത്താനായി ഓഫീസര്മാരെ നിയോഗിച്ചിട്ടുണ്ട്. പുറമേ ഡബിള് വാല്വേഷന് ക്യാമ്പുകളില് സ്ക്രിപ്റ്റ് കോഡിംഗിനായി ആവശ്യാനുസരണം ഉദ്യോഗസ്ഥരെയും നിയോഗിച്ചിട്ടുണ്ട്.
12. പരീക്ഷ കഴിഞ്ഞ് സ്കീം ഫൈനലൈസേഷന് നടത്തി ചോദ്യപേപ്പറും ഉത്തരസൂചികയും പോര്ട്ടലില് പ്രസിദ്ധപ്പെടുത്തും.
13. 90 ശതമാനം സ്കോര് വരെ ലഭിക്കുന്നതിനായി ഗ്രേസ് മാര്ക്ക് നിജപ്പെടുത്തിയിട്ടുണ്ട്. സര്ട്ടിഫിക്കറ്റില് ഓരോ വിഷയത്തിനും ലഭിച്ച ഗ്രേസ് മാര്ക്ക് പ്രത്യേകം രേഖപ്പെടുത്തി നല്കുന്നതാണ്.
14. പരീക്ഷാ ജോലികള് എല്ലാ അദ്ധ്യാപകര്ക്കും നിര്ബന്ധമാക്കിയിട്ടുണ്ട്. പരീക്ഷാ ജോലികളില് വീഴ്ച വരുത്തുന്ന അദ്ധ്യാപകര്ക്കെതിരെ പിഴ ഉള്പ്പെടെയുള്ള ശിക്ഷാ നടപടികള് വിവിധ കോടതികളുടെയും കമ്മീഷനുകളുടെയും നിര്ദ്ദേശങ്ങള് കൂടെ പരിഗണിച്ച് മാന്വലില് ഉള്പ്പെടുത്തിയിട്ടുണ്ട്.
15. മാല് പ്രാക്ടീസ് തടയുന്നതിനുള്ള സമഗ്രമായ നിര്ദ്ദേശങ്ങള് ഉള്ക്കൊള്ളിച്ചിട്ടുണ്ട്.
16. പ്രായോഗിക പരീക്ഷ കുറ്റമറ്റ രീതിയില് നടക്കുന്നുണ്ട് എന്ന് ഉറപ്പാക്കാന് ബന്ധപ്പെട്ട അധ്യാപകരെ ഉള്പ്പെടുത്തി പ്രാക്ടിക്കല് പരീക്ഷ മോണിറ്ററിംഗ് സ്ക്വാഡ് രൂപീകരിക്കുന്നതാണ്.
17. മൂല്യനിര്ണയ ക്യാമ്പുകളില് നിര്ദ്ദേശാനുസരണം മൂല്യനിര്ണയം നടക്കുന്നുണ്ടെന്ന് ഉറപ്പാക്കാനായി സി.വി ക്യാമ്പ് മോണിറ്ററിഗ് സ്ക്വാഡും രൂപീകരിക്കുന്നതാണ്.
18. മൂല്യനിര്ണയം കഴിഞ്ഞ ഉത്തരക്കടലാസുകള് ക്യാമ്പുകളില് സൂക്ഷിക്കുന്നതിന്റെ കാലാവധി രണ്ട് വര്ഷത്തില് നിന്നും ഒരു വര്ഷമായി കുറച്ചിട്ടുണ്ട്.
19. ഹയര് സെക്കന്ററി പരീക്ഷാ സംബന്ധമായി ലഭിക്കേണ്ട എല്ലാ സേവനങ്ങളുടെയും പരിഷ്കരിച്ച അപേക്ഷാ ഫോമുകള് മാന്വലില് ഉള്പ്പെടുത്തിയിട്ടുണ്ട്.
അതേസമയം, സ്വന്തമായി പരീക്ഷ മാന്വല് ഉള്ള ഇന്ത്യയിലെ ചുരുക്കം ചില ബോര്ഡുകളില് ഒന്നാണ് കേരള ഹയര് സെക്കന്ററി പരീക്ഷാബോര്ഡ്. 2005 ലാണ് ഹയര് സെക്കന്ററി പരീക്ഷാ മാന്വല് ആദ്യമായി പ്രസിദ്ധീകരിച്ചത്. 2005 ലെ മാന്വലിലെ വ്യവസ്ഥകളില് പലതും ഇന്നത്തെ പരീക്ഷാസമ്പ്രദായവുമായി പൊരുത്തപ്പെടാത്ത സാഹചര്യമുണ്ട്.
എന്നാൽ, കാലോചിതമായ മാറ്റങ്ങള് അനിവാര്യമായതിനാല് മാന്വല് പരിഷ്ക്കരിക്കുവാനുള്ള തീരുമാനം സര്ക്കാര് കൈക്കൊണ്ട് 17.08.2018 ല് ആണ്. ഇത് സംബന്ധിച്ച ഉത്തരവ് പുറപ്പെടുവിച്ചിരുന്നു. പരിഷ്കരണ നടപടികള് ആരംഭിച്ചു എങ്കിലും കോവിഡ് മഹാമാരി മൂലം നടപടികള് തടസപ്പെടുന്ന സാഹചര്യമുണ്ടായി. ഇത്തരത്തില് പരിഷ്കരിക്കപ്പെട്ട മാന്വലില് വീണ്ടും ചില പരിഷ്കരണങ്ങള് വരുത്തിയിരുന്നു. അധ്യാപക സംഘടനകളുമായി കൂടിയാലോചിച്ചാണ് തീരുമാനം എടുത്തത്.
-
വിജയ് ദേവരകൊണ്ടയ്ക്കൊപ്പം അഭിനയിക്കുന്നതില് വീട്ടുകാരുമായി വഴക്ക്; തുറന്ന് പറഞ്ഞ് രശ്മിക -
എണ്ണവില 150 ഡോളര് കടക്കുമോ? എങ്കില് പിന്നെ സ്വര്ണം വാങ്ങിവെച്ചവരെ കാത്തിരിക്കുന്നത് വന് നഷ്ടം! -
"സീറ്റ് പോയോ സരിൻ?" സ്ഥാനാർത്ഥി പട്ടിക വന്നതിന് പിന്നാലെ പി സരിന് ട്രോൾ മഴ -
ദിലീപ് ആണ് ആള്, പണികൊടുത്തിരിക്കും എന്ന് അറിയാം';ദിലീപ്-വിനയൻ വീഡിയോ വൈറൽ..കമൻ്റുകൾ -
മമ്മൂട്ടി ദുഷ്ടനല്ല, അങ്ങോട്ട് പേടിപ്പിച്ചാൽ പേടിക്കും..ഇതൊക്കെ നമ്മൾ അനുഭവിച്ചതാണ്': ഗണേഷ് കുമാർ -
ഓവര് ക്യൂട്ട്നെസ് വാരിവിതറാന് അറിയില്ല; അനുമോള്ക്കിട്ട് 'കുത്തി' അനീഷ്: റിലേഷന്ഷിപ്പ് സ്റ്റാറ്റസ് ഇങ്ങനെ -
സര്ക്കാര് ജീവനക്കാരേക്കാള് അധികശമ്പളം കെഎസ്ഇബി ജീവനക്കാര്ക്ക് നല്കേണ്ടതില്ല: സംസ്ഥാന സര്ക്കാര് -
'പാവം' ഗുണ്ടകൾക്ക് പോലും ഈ നാട്ടിൽ ജീവിക്കാൻ പറ്റാത്ത അവസ്ഥ ആയി, അനുഭവിച്ചേ പോകൂ; സന്തോഷ് പണ്ഡിറ്റ് -
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
തനിച്ച് മല്സരിക്കും എന്ന് എസ്ഡിപിഐ; 111 മണ്ഡലങ്ങളില് സ്ഥാനാര്ഥികളായി, 'ബിജെപിയെ ഒറ്റപ്പെടുത്തണം' -
കൈനിറയെ പണം ലഭിക്കും... പലവഴിക്ക് ആസ്തി കൂടും; മഹാലക്ഷ്മിയുടെ അനുഗ്രഹത്തില് രാജയോഗം -
പ്രവാസികൾക്ക് വൻ തിരിച്ചടി; യുഎഇയിലേക്കുള്ള സർവീസുകൾ വെട്ടിച്ചുരുക്കി ഇന്ത്യൻ വിമാന കമ്പനികൾ
Click it and Unblock the Notifications
Sign in with Google