കനത്ത മഴ തുടരുന്നു; നാളെയും സ്കൂളുകള്ക്ക് അവധി, കളക്ടര് മുത്താണ് എന്ന് കമന്റുകള്
കണ്ണൂര്: മഴ ശക്തമായി തുടരുന്ന സാഹചര്യത്തില് മുന്കരുതല് നടപടിയുടെ ഭാഗമായി കണ്ണൂര് ജില്ലയില് ചൊവ്വാഴ്ചയും അവധി പ്രഖ്യാപിച്ചു. തിങ്കളാഴ്ചയ്ക്ക് പിന്നാലെയാണ് നാളെയും ജില്ലാ കളക്ടര് അവധി പ്രഖ്യാപിച്ചിരിക്കുന്നത്. മലബാര് മേഖലയില് ശക്തമായ മഴ തുടരുകയാണ്. സ്കൂള്, കോളജ്, മദ്രസ ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കും.
പ്രൊഫഷണല് കോളജുകള് ഉള്പ്പെടെ നാളെ കണ്ണൂരില് അവധിയായിരിക്കും. അങ്കണവാടികളും പ്രവര്ത്തിക്കില്ല. പിഎസ്സി പരീക്ഷകള്ക്ക് മാറ്റമില്ല. അതേസമയം, ഇത്തരത്തിലുണ്ടാകുന്ന അപ്രതീക്ഷിത അവധികള് കാരണം നഷ്ടപ്പെടുന്ന പഠന സമയം ക്രമീകരിക്കാന് വിദ്യാഭ്യാസ സ്ഥാപനങ്ങള്ക്കു നിര്ദേശം നല്കിയിട്ടുണ്ട്. അവധി നല്കുന്നതോടൊപ്പം കെടുതി സാധ്യതകളില് നിന്ന് വിദ്യാര്ഥികള് വിട്ടു നില്ക്കണമെന്നും കളക്ടര് ഉണര്ത്തി.
അവധി പ്രഖ്യാപിച്ചുകൊണ്ട് ഔദ്യോഗിക ഫേസ്ബുക്ക് പേജില് നല്കിയ അറിയിപ്പിന് താഴെ കളക്ടറെ പുകഴ്ത്തി നിരവധി പേരാണ് പ്രതികരിച്ചിരിക്കുന്നത്. കളക്ടര് മുത്താണ്, കളക്ടറുടെ കരുതല്, എന്തൊരു കെയറിങ് ആണ് സാറേ.... തുടങ്ങി പലരും ഹാസ്യം കലര്ത്തിയാണ് പ്രതികരിച്ചിരിക്കുന്നത്. തിങ്കളാഴ്ച സംസ്ഥാനത്ത് മൂന്ന് ജില്ലകളില് അവധി നല്കിയിരുന്നു.
കണ്ണൂര്, വയനാട്, കോഴിക്കോട് ജില്ലകളിലാണ് തിങ്കളാഴ്ച അവധി നല്കിയത്. മലബാറില് ജില്ലകളില് കനത്ത മഴ തുടരുകയാണ്. പലയിടത്തും നാശനഷ്ടങ്ങള് റിപ്പോര്ട്ട് ചെയ്തിട്ടുണ്ട്. വരുന്ന ഏതാനും ദിവസങ്ങളില് കൂടി മഴ കനക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പ്. ജനങ്ങള് ജാഗ്രത പാലിക്കണമെന്നും നിര്ദേശമുണ്ട്.
അതേസമയം, ഉളിക്കല് പഞ്ചായത്തിനോട് ചേര്ന്ന കര്ണാടക വനമേഖലയില് ഉരുള്പ്പൊട്ടലുണ്ടായി. വട്യാംതോട്, വയത്തൂര്, മണിക്കടവ് എന്നിവിടങ്ങളില് വെള്ളം ഉയര്ന്നു. ചപ്പാത്ത് പാലം വെള്ളത്തില് മുങ്ങിയതോടെ ഗതാഗതം സ്തംഭിച്ചു. കോളയാട് കടവ് പാലവും വട്യാംതോട് പാലവും വെള്ളത്തിലായി. ഉച്ചയ്ക്ക് ശേഷമാണ് മേഖലയില് പൊടുന്നനെ വെള്ളം കയറിയത്. മണിക്കടവ് ടൗണില് കടകളിലും വീടുകളിലും വെള്ളം കയറി.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി
Click it and Unblock the Notifications
Sign in with Google