Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പാതി കേരളം സാധാരണ നിലയിലേക്ക്; ചൊവ്വാഴ്ച്ച മുതല്‍ 7 ജില്ലകളില്‍ സ്വകാര്യവാഹനങ്ങള്‍ ഓടും
തിരുവനന്തപുരം: രാജ്യത്ത് കൊറോണ പ്രതിരോധത്തിന്റെ ഭാഗമായി രണ്ടാംഘട്ട ലോക്ക്ഡൗണ്‍ മെയ് മൂന്ന് വരെ നീട്ടിയിട്ടുണ്ടെങ്കിലും ഏപ്രില്‍ 20 മുതല്‍ ചില മേഖലകളില്‍ ഇളവുകള്‍ അനുവദിക്കുമെന്ന് സര്‍ക്കാര്‍ അറിയിച്ചിരുന്നു. ഇത് പ്രകാരം കേരളത്തില്‍ പല ജില്ലകളിലും ചൊവ്വാഴ്ച്ച മുതല്‍ ഒറ്റ, ഇരട്ട വാഹനങ്ങള്‍ നിരത്തിലിറക്കാന്‍ അനുമതി.
കേരളത്തില്‍ കേരളത്തില്‍ ഇന്നലെ നാല് പേര്‍ക്കായിരുന്നു കൊറോണ സ്ഥിരീകരിച്ചത്. അതേസമയം രണ്ട് പേര്‍ക്ക് ഇന്നലെ രോഗം ഭേദമായിരുന്നു. കാസര്‍ഗോഡ് ജില്ലയിലെ 2 പേരുടെ പരിശോധനാഫലമാണ് നെഗറ്റീവായത്. 257 പേരാണ് ഇതുവരെ കോവിഡില്‍ നിന്നും രോഗമുക്തി നേടിയത്. ഇതോടെ 140 പേരാണ് നിലവില്‍ സംസ്ഥാനത്തെ വിവിധ ആശുപത്രികളില്‍ ചികിത്സയിലുള്ളത്. മറ്റു സംസ്ഥാനങ്ങളെ അപേക്ഷിച്ച് കേരളത്തിന്റെ സ്ഥിതിയില്‍ ആശ്വസിക്കാവുന്നതാണ്.
അനുമതി
തിരുവനന്തപുരം, ആലപ്പുഴ, കോട്ടയം, ഇടുക്കി, പാലക്കാട്, തൃശൂര്‍, വയനാട് ജില്ലകളില്‍ ഒന്നിടവിട്ട ദിവസങ്ങളില്‍ ഒറ്റ ഇരട്ട നമ്പര്‍ വാഹനങ്ങള്‍ നിരത്തിലിറക്കാന്‍ അനുമതി. ഒപ്പം എറണാകുളം, കൊല്ലം, പത്തനംതിട്ട, ജില്ലകളില്‍ ശനിയാഴ്ച്ച മുതലും വാഹനങ്ങള്‍ ഓടും. എന്നാല്‍ കാസര്‍ഗോഡ്, കണ്ണൂര്‍, മലപ്പുറം, കോഴിക്കോട് ജില്ലകളില്‍ തല്‍ക്കാലത്തേക്ക് വാഹനങ്ങള്‍ ഓടേണ്ടതില്ലായെന്നാണ് തീരുമാനം.
കര്‍ശന നിബന്ധനകള്‍
വാഹനങ്ങള്‍ ഓടാന്‍ അനുമതി നല്‍കിയെങ്കിലും കര്‍ശന നിബന്ധനകള്‍ നിലനില്‍ക്കുന്നുണ്ട്. ഒറ്റയക്ക നമ്പര്‍ വാഹനങ്ങള്‍ തിങ്കള്‍, ബുധന്‍, വെള്ളി ദിവസങ്ങളിലും ഇരട്ടയക്ക വാഹനങ്ങള്‍ ചൊവ്വ, വ്യാഴം, ശനി ദിവസങ്ങളിലും ഓടാം. അഇതേ സമയം ഞായറാഴ്ച്ച വാഹനങ്ങള്‍ ഓടുന്ന കാര്യത്തില്‍ തീരുമാനമായിട്ടില്ല.
അവശ്യസര്‍വ്വീസുകള്‍
അതേസമയം അവശ്യസര്‍വ്വീസുകള്‍ക്ക് ഈ നിബന്ധനകളൊന്നും ബാധകമല്ല. ജോലിസ്ഥവത്തേക്ക് പോകുന്നവര്‍ക്കും വരുന്നവര്‍ക്കും, സ്ത്രീകള്‍ ഓടിക്കുന്ന വാഹനങ്ങള്‍ക്കും നമ്പര്‍ നിബന്ധനയില്ല. നമ്പര്‍ നിബന്ധന ഇരുചക്ര വാഹനങ്ങള്‍ക്കും ബാധകമാണ്. വാഹനത്തില്‍ ഡ്രൈവര്‍ കൂടാതെ രണ്ട് പേര്‍ മാത്രമെ പാടുള്ളൂ.
ഇരു ചക്രവാഹനം
ഇരു ചക്രവാഹനത്തില്‍ ഒരു കുടുബാംഗത്തെ കൂടി കയറ്റാം. സ്വകാര്യ വാഹനങ്ങള്‍ ഓടിക്കാന്‍ പാസോ മുന്‍കൂര്‍ അനുമതിയോ തേടേണ്ടതില്ല.അതേസമയം ജില്ലക്ക് പുറത്ത് അതിര്‍ത്തി കടന്നുള്ള യാത്രകള്‍ അനുവദിക്കുന്നതല്ല. കോട്ടയത്തും ഇടുക്കിയിലും ഓട്ടോറിക്ഷകള്‍ ഓടാന്‍ അനുമതിയുണ്ട്. എന്നാല്‍ രണ്ട് പേര്‍ മാത്രമെ പാടുള്ളൂ.
കൊറോണ
കേരളത്തില്‍ ഇന്നലെ നാല് പേര്‍ക്കായിരുന്നു കൊറോണ സ്ഥിരീകരിച്ചത്. കണ്ണൂര്‍ ജില്ലയില്‍ നിന്നുള്ള 3 പേര്‍ക്കും കോഴിക്കോട് ജില്ലയില്‍ നിന്നുള്ള ഒരാള്‍ക്കുമായിരുന്നു രോഗം സ്ഥിരീകരിച്ചത്. ഇതില്‍ 3 പേര്‍ ദുബായില്‍ നിന്നും വന്നതാണ്. ഒരാള്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. കണ്ണൂര്‍ ജില്ലയിലെ 2 പേരും കോഴിക്കോട് ജില്ലയിലെ ഒരാളുമാണ് ദുബായില്‍ നിന്നും വന്നത്. കണ്ണൂര്‍ ജില്ലയിലുള്ള ഒരാള്‍ക്കാണ് സമ്പര്‍ക്കത്തിലൂടെ രോഗം ബാധിച്ചത്.മറ്റു സംസ്ഥാനങ്ങളെ അപേക്ഷിച്ച് കേരളത്തിന്റെ സ്ഥിതിയില്‍ ആശ്വസിക്കാവുന്നതാണ്.
