Click it and Unblock the Notifications
Just In
Don't Miss
-
'കാക്കേ പറന്നു പോ'; ജാസ്മിന് ജിന്റോയ്ക്കെതിരെ വംശീയ അധിക്ഷേപം നടത്തിയോ? ചൂടേറിയ ചര്ച്ച -
ഈ വസ്തുക്കള് വീട്ടില് വെക്കുന്നത് ഐശ്വര്യക്കേട്; കഷ്ടകാലം, ധനനഷ്ടം, മനക്ലേശം എന്നിവയുണ്ടാകും -
IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കേരളത്തിലാണ് മൂന്നാം മുന്നണി വേണ്ടതെന്ന് മോദി
തിരുവനന്തപുരം: കേന്ദ്രത്തിലല്ല കേരളത്തിലാണ് മൂന്നാം മുന്നണി വേണ്ടതെന്ന് ബിജെപി പ്രധാനമന്ത്രി സ്ഥാനാര്‍ത്ഥി നരേന്ദ്ര മോദി. തിരുവനന്തപുരം ശംഖുമുഖം കടപ്പുറത്ത് ബിജെപി നടത്തിയ റാലി ഉദ്ഘാടനം ചെയ്യുകയായിരുന്നു മോദി.
കേരളത്തില്‍ ഒരു മൂന്നാം ബദലിന് നേതൃത്വം നല്‍കേണ്ടത് ബിജെപിയാണ്. ഇടത്-വലത് മുന്നണികള്‍ ചേര്‍ന്ന് ആറ് പതിറ്റാണ്ടുകൊണ്ട് കേരളത്തെ ഇരുട്ടിലാക്കി. ഇരുമുന്നണികളും ശത്രുത നടിക്കുന്നുണ്ടെങ്കിലും ഒത്തുകളിക്കുകയാണെന്നും മോദി പറഞ്ഞു.
ടിപി ചന്ദ്രശേഖരന്‍ വധവും കെകെ രമയുടെ നിരാഹാര സമരവും എല്ലാം മോദിയുടെ പ്രസംഗത്തില്‍ പരാമര്‍ശിക്കപ്പെട്ടു. എല്‍ഡിഎഫിന്റേയും യുഡിഎഫിന്റേയും ഒത്തുകളിയുടെ ഫലമായാണ് രമക്ക് തെരുവിലറങ്ങേണ്ടി വന്നതെന്ന് മോദി പറഞ്ഞു.
സിപിഎമ്മിനെതിരെ രൂക്ഷ വിമര്‍ശനമാണ് മോദി എയ്തുവിട്ടത്. ജനാധിപത്യത്തില്‍ വിശ്വാസമില്ലാത്തവരാണ് കമ്യൂണിസ്റ്റുകാര്‍. തങ്ങളെ ജനം സ്വീകരിക്കില്ല എന്ന് ഉറപ്പുള്ളതുകൊണ്ടാണ് ഇടതുപക്ഷം മൂന്നാം മുന്നണി എന്ന നാടകം കളിക്കുന്നത്. ജനാധിപത്യം കമ്യൂണിസ്റ്റുകാരെ സംബന്ധിച്ചിടത്തോളം പിടിച്ചെടുക്കലാണ്. പശ്ചമ ബംഗാളില്‍ സംഭവിച്ചത് കേരളത്തിലും സംഭവിക്കേണ്ടതാണ്- മോദി പറഞ്ഞു.
കേരളത്തിന്റെ വികസന മുരടിച്ചക്ക് കാരണം ഇടത്-വലത് മുന്നണികളാണ്. കേരളവും ഗുജറാത്തും 1998 ല്‍ എല്‍എന്‍ജി ടെര്‍മിനല്‍ സ്ഥാപിക്കാന്‍ നടപടി തുടങ്ങിയത്. ഗുജറാത്തില്‍ 2004 ആയപ്പോള്‍ ടെര്‍മിനല്‍ പ്രവര്‍ത്തനം തുടങ്ങി. കേരളത്തില്‍ 2014 ലും പ്രവര്‍ത്തനം പൂര്‍ണതോതില്‍ തുടങ്ങാനായിട്ടില്ല.
ടൂറിസത്തിന്റെ കാര്യത്തിലും ആത്മീയ ടൂറിസത്തിന്റെ കാര്യത്തിലും കേരളത്തിന് ഒരുപാട് സാധ്യതകളുണ്ട്. ശബരിമലയുടെ കാര്യത്തില്‍ പോലും സര്‍ക്കാര്‍ കാര്യമായി ഒന്നും ചെയ്യുന്നില്ല. കേരളത്തിന്റെ സമ്പദ്ഘടന തന്നെ മാറ്റി മറിക്കാവുന്ന വരുമാനം ശബരിമലയില്‍ നിന്ന് ലഭിക്കും. പക്ഷേ ഇടത്-വലത് സര്‍ക്കാരുകള്‍ ഒന്നും ചെയ്യുന്നില്ലെന്നും നരേന്ദ്ര മോദി ആരോപിച്ചു.
ലോക്‌സഭ തിരഞ്ഞെടുപ്പിനുള്ള ബിജെപിയുടെ പ്രവര്‍ത്തനങ്ങള്‍ക്ക് തുടക്കം കുറിച്ച റാലിയില്‍ മൂന്ന് ലക്ഷത്തോളം ആളുകള്‍ പങ്കെടുത്തതായാണ് ബിജെപി അവകാശപ്പെടുന്നത്. ബിജെപി ദേശീയ അധ്യക്ഷന്‍ രാജ്‌നാഥ് സിങ്, ബിജെപി നേതാവ് സുബ്രഹ്മണ്യം സ്വാമി എന്നിവര്‍ പ്രസംഗിച്ചു
