ഇനി പ്ലസ് ടുവിനൊപ്പം ലേണേഴ്സ് ലൈസന്സും!!; ഗതാഗത വകുപ്പിന്റെ കിടിലന് നീക്കം, പദ്ധതി ഇങ്ങനെ
തിരുവനന്തപുരം: സംസ്ഥാനത്ത് റോഡ് സുരക്ഷാ നിയമങ്ങള് പാഠ്യപദ്ധതിയില് ഉള്പ്പെടുത്താന് നീക്കം. ഇതിന്റെ ഭാഗമായി പ്ലസ് ടു പഠനത്തിനൊപ്പം ലേണേഴ്സ് ലൈസന്സും നല്കാന് ആണ് പദ്ധതിയിടുന്നത്. മോട്ടോര് വാഹന വകുപ്പ് ഇത് സംബന്ധിച്ച കരിക്കുലം വിദ്യാഭ്യാസ വകുപ്പിന് ഈ മാസം 28 ന് കൈമാറും എന്നാണ് റിപ്പോര്ട്ട്.
നിര്ദേശം വിദ്യാഭ്യാസ വകുപ്പ് അംഗീകരിക്കുകയാണ് എങ്കില് ഗതാഗത നിയമത്തില് ഭേദഗതി വരുത്താനും ആലോചനയുണ്ട്. എങ്കിലും 18 വയസ് തികഞ്ഞാല് മാത്രമാകും വാഹനം ഓടിക്കാനുള്ള അനുവാദം ഉണ്ടാകുക. സംസ്ഥാനത്ത് ഗതാഗത നിയമ ലംഘനങ്ങളും അപകടങ്ങളും വര്ധിച്ച് വരുന്ന പശ്ചാത്തലത്തിലാണ് മോട്ടോര് വാഹന വകുപ്പിന്റെ തീരുമാനം.
സംസ്ഥാനത്തെ വാഹനാപകടങ്ങളില് കൂടുതലും യുവാക്കളും കൗമാരക്കാരുമാണ് ഇരയാകുന്നത്. കൂടാതെ നിയമലംഘനങ്ങളില് ഏറിയ പങ്കും കൗമാരക്കാരിലാണ് കണ്ട് വരുന്നത്. ഈ സാഹചര്യം കൂടി കണക്കിലെടുത്താണ് മോട്ടോര് വാഹന വകുപ്പിന്റെ നീക്കം. ഇത് പ്രകാരം പ്ലസ് ടു പരീക്ഷയ്ക്കൊപ്പം ലേണേഴ്സ് ലൈസന്സ് ടെസ്റ്റ് കൂടി ഉള്പ്പെടുത്താം എന്നാണ് തീരുമാനം.
ഇതോടെ പ്ലസ് ടുവിന് ഒപ്പം ഗതാഗത നിയമങ്ങളെ കുറിച്ച് കൂടി വിദ്യാര്ഥികളെ പഠിപ്പിക്കുകയും ബോധവാന്മാരാക്കുകയും ചെയ്യും. പരീക്ഷ പാസാകുന്നവര്ക്ക് 18 വയസ് തികഞ്ഞ് കഴിഞ്ഞ് ലൈസന്സിന് അപക്ഷിക്കുമ്പോള് പിന്നീട് ലേണേഴ്സ് ടെസ്റ്റ് എഴുതേണ്ടി വരില്ല. ഇത്തരത്തിലാണ് മോട്ടോര് വാഹന വകുപ്പിന്റെ ആലോചന.
ഇതിന് വിദ്യാഭ്യാസ വകുപ്പ് അംഗീകാരം നല്കുന്ന മുറയ്ക്ക് നിയമത്തില് ഭേദഗതി വരുത്തും. അതേസമയം വിശദമായ പരിശോധനയ്ക്ക് ശേഷം മാത്രമായിരിക്കും ലേണേഴ്സ് ഉള്പ്പെടെയുള്ള കാര്യത്തില് വിദ്യാഭ്യാസ വകുപ്പ് തീരുമാനമെടുക്കുക എന്നാണ് വിവരം. ട്രാഫിക് നിയമങ്ങളും ഒപ്പം ബോധവത്കരണവും പാഠഭാഗത്തില് ഉള്പ്പെടുത്തുന്നതിന് വിദ്യാഭ്യാസ വകുപ്പ് നേരത്തെ തന്നെ തീരുമാനിച്ചിട്ടുണ്ട്.
ഇതിനാവശ്യമായ കരിക്കുലം ഗതാഗത കമ്മീഷണര് എസ് ശ്രീജിത്തിന്റെ നേതൃത്വത്തില് മോട്ടോര് വാഹന വകുപ്പ് തയാറാക്കി. ഗതാഗതമന്ത്രി ആന്റണി രാജു ഇത് വിദ്യാഭ്യാസ മന്ത്രി വി ശിവന്കുട്ടിക്ക് കൈമാറും. പിന്നീട് സര്ക്കാരിന്റെ അംഗീകാരം ലഭിച്ചാല് കേന്ദ്ര വാഹന ഗതാഗത നിയമത്തിലടക്കം മാറ്റം വരുത്തേണ്ടി വരും. അതിനാല് കേന്ദ്ര സര്ക്കാര് നിലപാടും ഇതില് നിര്ണായകമാണ്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google