ഈ ദൃശ്യങ്ങള് കാണണം; മുഖ്യമന്ത്രി, ലജ്ജ തോന്നുന്നില്ലേ, ഇവരെ പുറത്താക്കണം എന്ന് വിഡി സതീശന്
തൃശൂര്: ചൊവ്വന്നൂര് യൂത്ത് കോണ്ഗ്രസ് മണ്ഡലം പ്രസിഡന്റ് സുജിത്തിനെ പോലീസ് ക്രൂരമായി മര്ദ്ദിച്ച ദൃശ്യം പുറത്തുവന്ന പിന്നാലെ കടുത്ത പ്രതിഷേധം. ഇത്തരം ക്രൂരന്മാരായ പോലീസുകാരെ ഒരു നിമഷം പോലും ഇനി സര്വീസില് തുടരാന് അനുവദിക്കരുത് എന്ന് പ്രതിപക്ഷ നേതാവ് വിഡി സതീശന് ആവശ്യപ്പെട്ടു. എന്തുകൊണ്ടാണ് ഇത്രയും കാലം ഈ ദൃശ്യം മൂടിവച്ചത് എന്ന് എഐസിസി അംഗം വിടി ബല്റാം ചോദിച്ചു.
ഈ ദൃശ്യങ്ങള് ഇതുവരെ പരിശോധിച്ച് എന്തുകൊണ്ട് പോലീസുകാര്ക്കെതിരെ നടപടി എടുത്തില്ല, മൂടിവച്ചത് ക്രിമിനലുകളായ പോലീസുകാരെ സംരക്ഷിക്കാന് വേണ്ടിയായിരുന്നോ, പ്രതികളെ സംരക്ഷിക്കാന് രാഷ്ട്രീയ ഇടപെടലുണ്ടായോ തുടങ്ങിയ ചോദ്യങ്ങളാണ് വിടി ബല്റാം ഉന്നയിച്ചത്. ഇത്തരം ക്രിമിനല് പോലീസുകാരെ വളര്ത്തിയതില് മുഖ്യമന്ത്രിക്കും പങ്കുണ്ട് എന്ന് വിഡി സതീശന് ആരോപിച്ചു.
മര്ദ്ദനത്തിന്റെ വീഡിയോ പങ്കുവച്ച് വിഡി സതീശന് ഫേസ്ബുക്കില് കുറിച്ചത് ഇങ്ങനെ: ''ഇതാ കേരള പൊലീസിന്റെ കണ്ണില്ലാത്ത മറ്റൊരു ക്രൂരത! ഇവര് പൊലീസുകാരല്ല, കാക്കി വേഷധാരികളായ നരാധമന്മാരാണ്. പൊലീസ് സ്റ്റേഷനുകള് കൊലക്കളങ്ങളാക്കാന് മടിയില്ലാത്ത ക്രിമിനലുകളുടെ സംഘമാണ്. ഇത്തരം സംഘങ്ങളെ വളര്ത്തുന്നത് സി.പി.എമ്മും അവരെ നിയന്ത്രിക്കുന്ന ഉപജാപകസംഘങ്ങളുമാണ്.
യൂത്ത് കോണ്ഗ്രസ് ചൊവ്വന്നൂര് മണ്ഡലം പ്രസിഡന്റ് സുജിത്താണ് കുന്നംകുളം പൊലീസിന്റെ ക്രൂര മര്ദ്ദനത്തിന് വിധേയനായത്. സുഹൃത്തുക്കളെ പൊലീസ് ഭീഷണിപ്പെടുത്തിയത് ചോദ്യം ചെയ്തു എന്നതാണ് കുറ്റം. കുന്നംകുളം എസ്.ഐയായിരുന്ന നുഹ്മാന്റെ നേതൃത്വത്തിലായിരുന്നു ക്രൂരമര്ദ്ദനം.
സ്റ്റേഷനില് കൊണ്ടു വന്നതു മുതല് മൂന്നിലധികം പൊലീസുകാര് ചേര്ന്ന് വളഞ്ഞിട്ട് തല്ലി. കുനിച്ചു നിര്ത്തി പുറത്തും മുഖത്തും മര്ദ്ദിച്ചു. സുജിത്തിന്റെ കേള്വി ശക്തി നഷ്ടമായി. കള്ളക്കേസില് കുടുക്കാന് ശ്രമിച്ച പൊലീസ് നീക്കവും പൊളിഞ്ഞു. 2023-ല് നടന്ന സംഭവത്തിന്റെ സി.സി ടി.വി ദൃശ്യങ്ങള് നിയമ പോരാട്ടത്തിനൊടുവിലാണ് വിവരാവകാശ നിയമ പ്രകാരം ലഭ്യമായത്.
പൊലീസിലെ ക്രിമിനലുകളെ വളര്ത്തുന്നതില് ആഭ്യന്തര വകുപ്പിന്റെ ചുമതലയുള്ള മുഖ്യമന്ത്രിക്കും പങ്കുണ്ട്. ക്രിമിനല് പ്രവര്ത്തനങ്ങളെ രക്ഷാപ്രവര്ത്തനമായി വ്യാഖ്യാനിച്ച മുഖ്യമന്ത്രി ഈ ദൃശ്യങ്ങള് കാണണം. ഇവര് അങ്ങയുടെ വകുപ്പില് പ്രവര്ത്തിക്കുന്നവരാണെന്നു പറയാന് ലജ്ജ തോന്നുന്നില്ലേ? കാക്കിയിട്ട ഈ മനുഷ്യ മൃഗങ്ങളെ ഒരു നിമിഷം പോലും സര്വീസില് വച്ചുകൊണ്ടിരിക്കരുത്. ഇന്നു തന്നെ കര്ശന നടപടിയെടുക്കണം. ഇഷ്ടക്കാരെങ്കില് ക്രിമിനലുകളെയും സംരക്ഷിക്കുന്ന പതിവുരീതി തുടര്ന്നാല് കോണ്ഗ്രസും യു.ഡി.എഫും രൂക്ഷമായി പ്രതികരിക്കും.''
-
ഉരുൾപ്പോരും ഉശിരൻ പോരുമായി വയനാട് -
100 വയസ്സ് കഴിഞ്ഞ 1,555 വോട്ടര്മാര്; വീട്ടിലിരുന്നും വോട്ട് ചെയ്യാം -
ആർക്കും തെരഞ്ഞെടുപ്പ് നിരീക്ഷകനാകാം, 100 മിനിറ്റിനുള്ളിൽ നടപടി ഉറപ്പാക്കി ‘സി-വിജിൽ’ -
പോസ്റ്റൽ വോട്ടിങ്ങിൽ മാറ്റം, ചെയ്യേണ്ടത് ഇങ്ങനെ -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ?
Click it and Unblock the Notifications
Sign in with Google