വൃദ്ധന് കേരള പോലീസിന്റെ മര്ദ്ദനം: വാര്ത്തയിലെ സത്യാവസ്ഥ ഇതാണ്
തിരുവനന്തപുരം: റെയില്വേ സ്റ്റേഷനില് വൃദ്ധനായ ആളെ പോലീസ് മര്ദ്ദിക്കുന്നുവെന്ന പേരില് കഴിഞ്ഞ കുറച്ചു ദിവസങ്ങളായി സോഷ്യല് മീഡിയയില് ഒരു വീഡിയോ പ്രചരിച്ചിരുന്നു. എന്നാല് സംഭവത്തിന്റെ സത്യാവസ്ഥ വെളിപ്പെടുത്തി രംഗത്തെത്തിയിരിക്കുകയാണ് പോലീസ്. പ്രചരിക്കുന്നത് വ്യാജ വാര്ത്തയാണെന്നും എന്താണ് യഥാര്ത്ഥത്തില് സംഭവിച്ചതെന്നും കേരള പോലീസിന്റെ ഫേസ്ബുക്ക് പേജില് പങ്കുവെച്ച കുറിപ്പില് പറയുന്നുണ്ട്. കുറിപ്പ് വായിക്കാം
ആ വീഡിയോക്കു പിന്നിലെ വാസ്തവം ഇതാണ്.തൃശൂർ റെയിൽവേ സ്റ്റേഷനിൽ നടന്ന ഒരു സംഭവുമായി ബന്ധപ്പെട്ട് സമൂഹമാധ്യമങ്ങളിൽ പ്രചരിക്കുന്ന വീഡിയോക്കു (ഇടതുവശത്തെ ചിത്രം) പിന്നിലെ വാസ്തവം തിരിച്ചറിയുക. ആ വീഡിയോയിൽ കാണുന്ന വൃദ്ധൻ മദ്യലഹരിയിൽ പ്ലാറ്റ് ഫോമിൽ മറ്റുയാത്രക്കാർക്ക് ശല്യമുണ്ടാക്കുന്നതരത്തിൽ അസഭ്യം വിളിച്ചു മോശമായി പെരുമാറിയപ്പോൾ അയാളെ അവിടെ നിന്ന് നീക്കം ചെയ്യുന്നതിനായി പോലീസ് ശ്രമിക്കുന്നതാണ് ദൃശ്യത്തിലുള്ളത്.
അതിനിടയിൽ വൃദ്ധൻ പോലീസ് ഉദ്യോഗസ്ഥന്റെ യൂണിഫോമിൽ കടന്നുപിടിക്കുകയും, മദ്യലഹരിയിൽ മറിഞ്ഞു വീഴുകയുമാണുണ്ടായത്. പോലീസ് ഉദ്യോഗസ്ഥൻ ആ വൃദ്ധനോട് ഒരുതരത്തിലുള്ള ബലപ്രയോഗവും നടത്തിയിട്ടില്ല. മറിച്ചുള്ള പ്രചരണങ്ങൾ അടിസ്ഥാനരഹിതവും ദൗർഭാഗ്യകരവുമാണ്. പ്രചരിപ്പിക്കപ്പെട്ട വീഡിയോയുടെ അനുബന്ധം (വലതുവശത്തെ വീഡിയോ) ശ്രദ്ധിക്കുക.പോലീസിനെതിരെയുള്ള ഇത്തരം വാർത്തകളുടെ നിജസ്ഥിതി അറിയാതെ അവ പ്രചരിപ്പിക്കാതിരിക്കുക.#keralapolice
Click it and Unblock the Notifications
Sign in with Google