സോഷ്യല് മീഡിയ വഴിയുളള വിദ്വേഷ പ്രചാരണം, സംസ്ഥാനത്തുടനീളം 51 കേസുകൾ
തിരുവനന്തപുരം: സോഷ്യല് മീഡിയ വഴിയുളള വിദ്വേഷ പ്രചാരണങ്ങള്ക്കെതിരെ നടപടിയുമായി കേരള പോലീസ്. ആലപ്പുഴയിലെ രണ്ട് കൊലപാതകങ്ങളുടെ അടക്കം പശ്ചാത്തലത്തില് സോഷ്യല് മീഡിയയില് വ്യാപകമായി വിദ്വേഷ പ്രചാരണം നടക്കുന്നുണ്ട്. ഈ സാഹചര്യത്തിലാണ് കര്ശന നടപടിയുണ്ടാകുമെന്ന് കേരള പോലീസ് ഔദ്യോഗിക ഫേസ്ബുക്ക് പേജിലൂടെ അറിയിച്ചിരിക്കുന്നത്.
കേരള പോലീസിന്റെ കുറിപ്പ്: '' നവമാധ്യമങ്ങളിലൂടെയുള്ള വിദ്വേഷ പ്രചാരണങ്ങൾക്ക് നേരെ കർശന നടപടിയുണ്ടാകും. 19.12.2021 മുതൽ ഇന്ന് വരെ സംസ്ഥാനത്തുട നീളമായി 51 കേസുകളാണ് രജിസ്റ്റർ ചെയ്തിട്ടുള്ളത്. ഇത്തരം പോസ്റ്റുകൾ നിങ്ങളുടെ ശ്രദ്ധയിൽപെടുകയാണെങ്കിൽ ഉടൻ തന്നെ ഈ പേജിലേക്ക് ഇൻബോക്സ് ചെയ്യുക.
ഏറ്റവും കൂടുതല് കേസുകള് രജിസ്റ്റര് ചെയ്തത് എറണാകുളം റൂറല് പോലീസ് ജില്ലയിലാണ്- 14 കേസുകള്. മലപ്പുറത്ത് 12 കേസുകള് രജിസ്റ്റർ ചെയ്തിട്ടുണ്ട്. തിരുവനന്തപുരം സിറ്റി ഒന്ന്, തിരുവനന്തപുരം റൂറല് നാല്, കൊല്ലം സിറ്റി ഒന്ന്, പത്തനംതിട്ട ഒന്ന്, ആലപ്പുഴ രണ്ട്, കോട്ടയം ഒന്ന്, തൃശൂര് സിറ്റി നാല്, തൃശൂര് റൂറല് ഒന്ന്, പാലക്കാട് അഞ്ച്, കോഴിക്കോട് റൂറല് രണ്ട്, കണ്ണൂര് റൂറല് ഒന്ന്, കാസര്കോട് രണ്ട് എന്നിങ്ങനെയാണ് മറ്റു ജില്ലയിലെ കണക്കുകള്.
സാമൂഹിക വിദ്വേഷവും മതസ്പര്ദ്ധയും വളര്ത്തുന്ന തരത്തില് സാമൂഹിക മാധ്യമങ്ങളില് സന്ദേശങ്ങള് തയ്യാറാക്കുന്നതും പ്രചരിപ്പിക്കുന്നതും കുറ്റകരമാണ്. ഇത്തരം സന്ദേശങ്ങള് നിരീക്ഷിക്കാനും അതിനുപിന്നില് പ്രവര്ത്തിച്ചവരെ കണ്ടെത്താനും പോലീസ് പ്രത്യേകസംവിധാനം ഒരുക്കിയിട്ടുണ്ട്. ഇത്തരം കേസുകളില് അന്വേഷണം പൂര്ത്തിയാക്കി കുറ്റക്കാര്ക്കെതിരെ അറസ്റ്റ് ഉള്പ്പെടെയുള്ള നടപടികള് സ്വീകരിക്കാന് സംസ്ഥാന പോലീസ് മേധാവി അനില് കാന്ത് എല്ലാ ജില്ലാ പോലീസ് മേധാവിമാര്ക്കും നിര്ദ്ദേശം നല്കിയിട്ടുണ്ട് .
Click it and Unblock the Notifications
Sign in with Google