• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സണ്ണി ലിയോണിനെതിരെ കേസെടുത്തു; ഒന്നാം പ്രതി, ഭര്‍ത്താവും മാനേജറും കൂട്ടുപ്രതികള്‍, ചോദ്യം ചെയ്യും

കൊച്ചി: പണം വാങ്ങി വഞ്ചിച്ചുവെന്ന കേസില്‍ ബോളിവുഡ് നടി സണ്ണി ലിയോണിനെതിരെ പോലീസ് കേസ് രജിസ്റ്റര്‍ ചെയ്തു. വഞ്ചന, പണം അപഹരിക്കുക എന്നീ വകുപ്പുകള്‍ പ്രകാരമാണ് കേസ്. നടി ഒന്നാം പ്രതിയും ഭര്‍ത്താവ് ഡാനിയല്‍ വെബര്‍ രണ്ടാം പ്രതിയും മാനേജര്‍ സണ്ണി രജനി മൂന്നാം പ്രതിയുമാണ്. കേസ് രജിസ്റ്റര്‍ ചെയ്തതിന് പിന്നാലെ സണ്ണി ലിയോണിനെ വീണ്ടും ചോദ്യം ചെയ്യാനാണ് പോലീസ് തീരുമാനം. ഇതിന് വേണ്ടി നോട്ടീസ് നല്‍കും. നോട്ടീസ് നല്‍കിയ ശേഷം മാത്രമേ ചോദ്യം ചെയ്യാവൂ എന്ന് കഴിഞ്ഞ ദിവസം ഹൈക്കോടതി നിര്‍ദേശം നല്‍കിയിരുന്നു. അറസ്റ്റ് ചെയ്യരുതെന്നും കോടതി ഉത്തരവിട്ടിരുന്നു.

cmsvideo
    Kerala Police Registered FIR Against Bollywood Actress Sunny Leone And Husband

    ദുരന്തം മൂടിയ ചമോലി തിരികെ ജീവിതത്തിലേക്ക്- ഉത്തരാഖണ്ഡിലെ പ്രളയഭൂമിയിലെ ഏറ്റവും പുതിയ ചിത്രങ്ങൾ

    സ്‌റ്റേജ് ഷോ നടത്താമെന്ന ഉറപ്പില്‍ പണം വാങ്ങി പരിപാടിക്ക് എത്തിയില്ലെന്നാണ് കേസ്. പെരുമ്പാവൂര്‍ സ്വദേശി ഷിയാസ് ആണ് പരാതിക്കാരന്‍. 29 ലക്ഷം രൂപ പലപ്പോഴായി വാങ്ങി കരാര്‍ ലംഘനം നടത്തിയെന്ന് പരാതിക്കാരന്‍ ആരോപിക്കുന്നു. എന്നാല്‍ സംഘാടകരുടെ വീഴ്ചയാണ് പരിപാടിക്ക് തടസമെന്നും താനിപ്പോഴും പങ്കെടുക്കാന്‍ തയ്യാറാണ് എന്നുമാണ് നടി പോലീസിന് മൊഴി നല്‍കിയത്. നിലവില്‍ കേരളത്തിലുണ്ട് സണ്ണി ലിയോണ്‍. ചാനലിന്റെ ഷൂട്ടിങിന് വേണ്ടി കഴിഞ്ഞമാസമാണ് അവര്‍ കേരളത്തിലെത്തിയത്. ക്വാറന്റൈന്‍ കഴിഞ്ഞതിന് ശേഷം ഷൂട്ടിങിനും സ്‌റ്റേജ് ഷോയ്ക്കും നടി ഡേറ്റ് നല്‍കിയിരുന്നു. പിന്നീടാണ് പരാതിയും ചോദ്യം ചെയ്യലുമെല്ലാം നടന്നത്.

    ആ വാര്‍ത്ത പൂര്‍ണമായും തെറ്റാണ്; നാണക്കേട്... സ്ഥാനാര്‍ഥിത്വത്തെ കുറിച്ച് പാര്‍വതിയുടെ ആദ്യ പ്രതികരണം

    ഗള്‍ഫില്‍ പരിപാടി നടത്താന്‍ തീരുമാനിച്ചിരുന്നു. ഇതിന് വേണ്ടി പണം വാങ്ങുകയും ചെയ്തു എന്ന പരാതിക്കാരന്റെ പുതിയ ആരോപണത്തെ തുടര്‍ന്നാണ് വീണ്ടും ചോദ്യം ചെയ്യാന്‍ പോലീസ് ഒരുങ്ങുന്നത്. പരാതിക്കാരന്റെ മൊഴിയും പോലീസ് രേഖപ്പെടുത്തും. സണ്ണി ലിയോണിനെ അറസ്റ്റ് ചെയ്യുന്നത് ഹൈക്കോടതി ബുധനാഴ്ച ഉത്തരവിട്ടിരുന്നു. അറസ്റ്റ് തടയണം എന്നും മുന്‍കൂര്‍ ജാമ്യം വേണമെന്നുമുള്ള സണ്ണിയുടെ ഹര്‍ജി പരിഗണിക്കവെയാണ് ഹൈക്കോടതി ഈ നിര്‍ദേശം നല്‍കിയത്.

    ബിഗ് ബോസ് ഷോയിലുണ്ടാകുമോ? നടി അഹാന കൃഷ്ണയുടെ പ്രതികരണം ഇങ്ങനെ, ഷോ കാണാറേയില്ല

    English summary
    Kerala Police registered FIR against Actress Sunny Leone and Husband
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X