ജോസിന് എൽഡിഎഫിൽ നിന്ന് ഉണ്ടാകുന്ന ദുരന്തത്തിന്റെ ആദ്യാനുഭവമാണിത്; ഒടുവിൽ തുറന്നുപറഞ്ഞ് ഉമ്മൻ ചാണ്ടി
കോട്ടയം: ജേസ് കെ മാണിക്കെതിരെ രൂക്ഷ വിമര്ശനവുമായി മുന് മുഖ്യമന്ത്രി ഉമ്മന്ചാണ്ടി രംഗത്ത്. കേരള കോണ്ഗ്രസ്സ് ജോസ് വിഭാഗത്തിന്റെ ഇടതു മുന്നണി പ്രവേശനം കെ.എം.മാണി ഉയര്ത്തിപ്പിടിച്ച രാഷ്ട്രീയത്തിനുള്ള അംഗീകാരമാണെന്ന ജോസ് കെ മാണിയുടെ അവകാശവാദം മാണിസാറിനോടുള്ള അവഹേളനമാണെന്ന് മുന് മുഖ്യമന്ത്രി ഉമ്മന് ചാണ്ടി. മാണിസാറിനെ സിപിഎം നിര്ദയം വേട്ടയാടിയത് ജോസ് കെ മാണി മറന്നാലും അദ്ദേഹത്തെ സ്നേഹിക്കുന്നവര് മറക്കുകയോ പൊറുക്കുകയോ ചെയ്യില്ലെന്നും ഉമന്ചാണ്ടി പത്രക്കുറിപ്പിലൂടെ വ്യക്തമാക്കി.
സിപിഎം സമരം നടത്തി
ബാര് കോഴ കേസ്സില് ബിജു രമേശിന്റെ ആരോപണത്തെ തുടര്ന്നാണ് അന്നത്തെ പ്രതിപക്ഷ നേതാവ് വി.എസ്. അച്യുതാനന്ദന് മാണിസാറിനെതിരെ അന്വേഷണം ആവശ്യപ്പെട്ടുകൊണ്ട് കത്ത് നല്കിയത്. പിന്നീട് നിയമസഭയ്ക്ക് പുറത്തും അകത്തും മാണിസാറിനെതിരെ എല്ലാ ജനാധിപത്യ മര്യാദകളെയും കാറ്റില്പറത്തികൊണ്ട് സി.പി.എം. സമരം നടത്തി.
യുഡിഎഫ് തള്ളി
മാണി സാറിനു പകരം മറ്റാരെങ്കിലും ബജറ്റ് അവതരിപ്പിച്ചാല് സഹകരിക്കാമെന്ന പിണറായി വിജയന്റെ നിര്ദേശം യുഡിഎഫ് തള്ളി. തുടര്ന്ന് മാണിസാര് ബജറ്റ് അവതരിപ്പിച്ച അവസരത്തില് ഇന്ത്യയുടെ ചരിത്രത്തില് ഒരു നിയമസഭയിലും ഉണ്ടാകാത്ത ആഭാസ നാടകങ്ങളും സ്പീക്കറുടെ വേദിയില് തന്നെ താണ്ഡവ നൃത്തവുമാണ് പ്രതിപക്ഷം നടത്തിയത്.
നിയമസഭയില്
നിയമസഭയില് മാണി സാറിനു നേരേ നടത്തിയ അക്രമങ്ങള്ക്കെതിരെയുള്ള കേസ്സുകള് പിന്വലിക്കാന് നടന്ന ശ്രമങ്ങള്ക്ക് യു.ഡി.എഫ്. നീക്കം മൂലമാണ് തിരിച്ചടിയേറ്റത്. കാണ്ടാമൃഗത്തെക്കാള് തൊലിക്കട്ടിയുള്ളയാളാണെന്നാണ് മാണി സാറിനെ കോടിയേരി വിശേഷിപ്പിച്ചത്. കെടാത്ത തീയും ചാകാത്ത പുഴുവുമുള്ള നരകത്തില് പോകുമെന്നാണ് വി.എസ് അച്യുതാന്ദന് പറഞ്ഞതത്.
നോട്ടെണ്ണുന്ന യന്ത്രം
മാണി സാറിന്റെ വീട്ടില് നോട്ടെണ്ണുന്ന യന്ത്രമുണ്ടെന്നു വരെ പ്രചരിപ്പിച്ചു. കോഴവീരന്റെ ബജറ്റ് അവതരണം, മാണി ജനാധിപത്യത്തിനു തീരാക്കളങ്കം, മാണി മാനംകെട്ടു തുടങ്ങിയ തലക്കെട്ടുകള് പാര്ട്ടി പത്രം നിരത്തി. ഇതെല്ലാം മറന്ന് നിസാര സംഭവങ്ങള് ഊതിപ്പെരുപ്പിച്ച് സി.പി.എം. പാളയത്തില് എത്തിയ ജോസ് കെ മാണിക്ക് കേരള കോണ്ഗ്രസ് അണികളോട് മറുപടി പറയേണ്ടി വരും.
അവസാനത്തെ ആഗ്രഹം
കേരള കോണ്ഗ്രസ്സിന്റെ ഒപ്പം നിന്ന ജനവിഭാഗത്തിന്റെ ഏതു താല്പര്യമാണ് പിണറായി ഭരണത്തില് അംഗീകരിച്ചതെന്ന് വ്യക്തമാക്കണം. മാണി സാര് പ്രഖ്യാപിച്ച കാരുണ്യ ചികിത്സാ പദ്ധതിയെ കഴുത്തു ഞെരിച്ച് കൊന്നതാണോ മാണിസാറിനുള്ള അംഗീകാരം? കാരുണ്യ പദ്ധതിയെ കൊല്ലരുത് എന്നത് മാണിസാറിന്റെ അവസാനത്തെ ആഗ്രഹമായിരുന്നു.
നാല് കൊല്ലമായി
മാണിസാര് പ്രഖ്യാപിച്ച റബ്ബര്വില സ്ഥിരതാ പദ്ധതിക്ക് 2015-ല് നിശ്ചയിച്ച 150 രൂപാ വര്ദ്ധിപ്പിക്കണമെന്ന് നിയമസഭയില് തന്നെ മാണിസാറും യു.ഡി.എഫ്. എം.എല്.എ. മാരും പലതവണ ആവശ്യപ്പെട്ടിട്ടും നാല് കൊല്ലമായി ഒരു പൈസ പോലും വര്ദ്ധിപ്പിക്കാതിരുന്നതാണോ മാണിസാറിനുള്ള ബഹുമതി?
കര്ഷകപ്രേമം
രണ്ട് പ്രളയങ്ങളില് ഉള്പ്പെടെ കൃഷിക്കാര്ക്ക് കാര്യമായ നഷ്ടപരിഹാരം പോലും നല്കാതെ കാര്ഷിക മേഖലയെ പൂര്ണമായി അവഗണിച്ച ഇടതുപക്ഷ സര്ക്കാരിനോട് ചേര്ന്നു പ്രവര്ത്തിക്കാന് കര്ഷകപ്രേമം പറയുന്ന ജോസ് വിഭാഗത്തിന് സാധിക്കുമോ? കസ്തൂരിരംഗന് റിപ്പോര്ട്ടില് അന്തിമ വിജ്ഞാപനത്തിന് ചെറുവിരല് അനക്കാത്തവരെ എങ്ങനെ ഉള്ക്കൊള്ളാനാകും?
വലിയ വിട്ടുവീഴ്ച
കോണ്ഗ്രസ്സിന് തികച്ചും അര്ഹമായ രാജ്യസഭാ സീറ്റ് അന്ന് ലോകസഭാംഗമായിരുന്ന ജോസ് കെ. മാണിക്ക് നല്കിയത് മാണിസാറിനു വേണ്ടി കോണ്ഗ്രസ്സ് നടത്തിയ വലിയ വിട്ടുവീഴ്ചയായിരുന്നു. യു.ഡി.എഫില് നിന്ന് എം.പി. വീരേന്ദ്രകുമാര് നേടിയ രാജ്യസഭാ സീറ്റ് രാജിവച്ച് അദ്ദേഹം എല്.ഡി.എഫിലേയ്ക്ക് പോയപ്പോള് ആ സിറ്റ് അദ്ദേഹത്തിന് തന്നെ നല്കുകയും അദ്ദേഹത്തിന്റെ മരണശേഷം മകന് ശ്രേയാംസ്കുമാറിന് തന്നെ ആ സീറ്റ് ലഭിക്കുകയും ചെയ്തു.
ആദ്യാനുഭവം
എന്നാല്, ജോസ് കെ.മാണി രാജിവച്ച സീറ്റ് സിപിഎം ഏറ്റെടുക്കാന് പോകുന്നുവെന്ന വാര്ത്ത കേരള കോണ്ഗ്രസ്സ് ജോസ് വിഭാഗത്തിന് എല്.ഡി.എഫില് ഉണ്ടാകാന് പോകുന്ന ദുരന്തത്തിന്റെ ആദ്യാനുഭവം ആയിരിക്കും. കോട്ടയം ജില്ലാ പഞ്ചായത്ത് പ്രസിഡന്റ് തെരഞ്ഞെടുപ്പില് മുന്നണിയില് ഉണ്ടായ ധാരണ പാലിക്കണമെന്ന് മാത്രമാണ് യു.ഡി.എഫ്. ആവശ്യപ്പെട്ടത്.
Recommended Video
അവസരവാദ രാഷ്ട്രീയം
2017-ല് യു.ഡി.എഫിന്റെ ഭാഗമായിരുന്നപ്പോള് തന്നെ ലിഖിതമായ ധാരണകളെ കാറ്റില്പറത്തി സി.പി.എമ്മുമായി ചേര്ന്ന് കോണ്ഗ്രസ്സിനെ പരാജയപ്പെടുത്തിയ നടപടിയുടെ തുടര്ച്ച മാത്രമാണ് ഇടതുമുന്നണിയില് ചേക്കേറാനുള്ള ഇപ്പോഴത്തെ തീരുമാനം. മാണി സാറിനെതിരേ ഉന്നയിച്ച എല്ലാ ആരോപണങ്ങളും വിഴുങ്ങിയ സി.പി.എം അവസരവാദ രാഷ്ട്രീയത്തിന്റെ ഉദാഹരണമാണ്. മാണിസാര് തെറ്റുകാരനല്ലെന്ന് അറിഞ്ഞുകൊണ്ട് തന്നെയാണ് അദ്ദേഹത്തിനെതിരായ സി.പി.എം. സമരം നടത്തിയതെന്ന് പറയുന്ന എല്.ഡി.എഫ്. കണ്വീനര് അദ്ദേഹത്തിന്റെ കല്ലറയില് പോയി മാപ്പു പറയണമെന്നും ഉമ്മന് ചാണ്ടി ആവശ്യപ്പെട്ടു.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google