• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പൊതു കടം ഇരട്ടിയായി; ഓരോ മലയാളിയും 55,500 രൂപ കടക്കാരനായെന്ന് ഉമ്മൻ ചാണ്ടി

തിരുവനന്തപുരം: കേരളത്തെ കടക്കെണിയിലേക്ക് എൽഡിഎഫ് സർക്കാർ തള്ളി വിട്ടെന്ന് മുൻ മുഖ്യമന്ത്രി ഉമ്മൻ ചാണ്ടി. സംസ്ഥാന സര്‍ക്കാരിന്റെ അനാവശ്യ ചെലവുകള്‍ കാരണം ഓരോ മലയാളിയും ഇന്ന് 55,000 രൂപ കടക്കാരനാണെന്ന് ഉമ്മന്‍ചാണ്ടി. വിവരാവകാശ നിയമ പ്രകാരം ലഭിച്ച വിവരങ്ങള്‍ പങ്കുവെച്ചാണ് ഉമ്മന്‍ചാണ്ടിയുടെ ആരോപണം.

രാഹുല്‍ഗാന്ധിയുടെയും പ്രിയങ്കാഗാന്ധിയുടെയും നേതൃത്വത്തില്‍ കേരളത്തില്‍ കോണ്‍ഗ്രസ് പാര്‍ട്ടിയുടെ തെരഞ്ഞെടുപ്പ് പ്രചാരണം, ചിത്രങ്ങള്‍ കാണാം

പൊതുകടം ഇരട്ടി

പൊതുകടം ഇരട്ടി

കഴിഞ്ഞ യുഡിഎഫ് സർക്കാർ അധികാരം ഒഴിയുമ്പോൾ 1,57,370 കോടി രൂപയായിരുന്ന പൊതു കടം പിണറായി സർക്കാരിന്റെ അഞ്ച് വർഷം പൂർത്തിയാകുമ്പോൾ 3,01,642 കോടിയായി ഉയർന്നതായി ഉമ്മൻ ചാണ്ടി വ്യക്തമാക്കി. ഇടതുസര്‍ക്കാര്‍ ചെലവിനു പണം കണ്ടെത്താനായി തോന്നിയ പോലെ കടമെടുത്തതാണ് കേരളത്തിന്റെ കടം മൂന്ന് ലക്ഷം കോടിയില്‍ എത്താന്‍ പ്രധാന കാരണമെന്ന് ഉമ്മന്‍ചാണ്ടി പറഞ്ഞു.

തോന്നുംപ്പടിയുള്ള അനാവശ്യ ചെലവുകള്‍

തോന്നുംപ്പടിയുള്ള അനാവശ്യ ചെലവുകള്‍

"ഇടതു സര്‍ക്കാരിന്റെ തോന്നുംപ്പടിയുള്ള അനാവശ്യ ചെലവുകള്‍ കാരണം സംസ്ഥാനത്തെ പൊതു കടം പെരുകുകയാണ്. പിണറായി വിജയന്‍ സര്‍ക്കാര്‍ അധികാരമൊഴിയുമ്പോള്‍ സംസ്ഥാനത്തിന്റെ പൊതുകടം 3,01,642 കോടി രൂപയാണ്. ഇടതു സര്‍ക്കാരിന്റെ മണ്ടന്‍ സാമ്പത്തിക നയം കാരണം ഓരോ മലയാളിയും ഇന്ന് 55,000 രൂപ കടക്കാരാണെന്ന് വിവരാവകാശരേഖ വ്യക്തമാക്കുന്നു. ഇടതുസര്‍ക്കാര്‍ ചെലവിനു പണം കണ്ടെത്താനായി തോന്നിയ പോലെ കടമെടുത്തതാണ് കേരളത്തിന്റെ കടം മൂന്ന് ലക്ഷം കോടിയില്‍ എത്താന്‍ പ്രധാന കാരണം. അഞ്ചു വര്‍ഷം ഭരിച്ച് മുടിച്ച് ഇടതു സര്‍ക്കാര്‍ ഗുരുതരമായ കടക്കെണിയിലാണ് നമ്മുടെ നാടിനെ തള്ളിവിട്ടത്," ഉമ്മൻ ചാണ്ടി ഫെയ്സ് ബുക്കിൽ കുറിച്ചു.

തിരിച്ചടിച്ച് യുഡിഎഫ്

തിരിച്ചടിച്ച് യുഡിഎഫ്

വികസന നേട്ടങ്ങൾ ഉയർത്തി പിടിച്ചുള്ള ഇടത് പ്രചരണങ്ങൾക്ക് മറുപടി നൽകുകയാണ് ഉമ്മൻ ചാണ്ടി ഇതുവഴി. ഇടത് സർക്കാരിന്റെ വികസന നേട്ടങ്ങൾ സംസ്ഥാനത്തെ വലിയ കടക്കെണിയിലേക്ക് നയിച്ചുവെന്നാണ് യുഡിഎഫ് ആരോപണം. സമ്പൂർണമായി പരാജയപ്പെട്ട ധനകാര്യ മാനേജ്മെന്റായിരുന്നു ഇടത് സർക്കാരിന്റേതെന്നും ഉമ്മൻചാണ്ടി പറഞ്ഞു.

cmsvideo
    ആ അക്കൗണ്ട് ഞങ്ങള്‍ ക്ലോസ് ചെയ്യും | Oneindia Malayalam
    വെല്ലുവിളിച്ച് മുഖ്യമന്ത്രി

    വെല്ലുവിളിച്ച് മുഖ്യമന്ത്രി

    നിയമസഭ തിരഞ്ഞെടുപ്പിന് മുന്നോടിയായി പ്രതിപക്ഷത്തെ വെല്ലുവിളിച്ച് മുഖ്യമന്ത്രി പിണറായി വിജയൻ. സംസ്ഥാനത്ത് നടപ്പാക്കിയ വികസനവും ക്ഷേമവും സംബന്ധിച്ച് ചർച്ച ചെയ്യാനാണ് മുഖ്യമന്ത്രിയുടെ വെല്ലുവിളി. യുഡിഎഫ്​ സർക്കാറിന്‍റെ പ്രവർത്തനം ഈ സർക്കാറിന്‍റെ പ്രവർത്തനവുമായി താരതമ്യം ചെയ്യാൻ ധൈര്യമുണ്ടോ​യെന്ന്​ പിണറായി ചോദിച്ചു. പ്രതിപക്ഷം വികസനവും ക്ഷേമവും സംബന്ധിച്ച ഒരു ചര്‍ച്ചക്ക് തയ്യാറാണോ എന്ന് പിണറായി ചോദിച്ചു. അവര്‍ക്ക് ധൈര്യമുണ്ടെങ്കില്‍ ഞങ്ങളുടെ അഞ്ചുവര്‍ഷങ്ങളും അവരുടെ 2011-16 ലെ പ്രകടനം താരതമ്യം ചെയ്യട്ടെ. പ്രതിപക്ഷ നേതാവ് ഇതിന് തയ്യാറാണോ? - പിണറായി ട്വീറ്റിലൂടെ ചോദിച്ചു.വെല്ലുവിളി സംബന്ധിച്ച് പ്രതിപക്ഷ നേതാവ് പ്രതികരിച്ചിട്ടില്ല.

    പര്‍നീതി ചോപ്രയുടെ പുതിയ ചിത്രങ്ങള്‍ കാണാം

    English summary
    Kerala public debt and individual debt allegation by Oommen Chandy
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X