'കണക്കുകൾ ശബ്ദിക്കട്ടെ..നുണ ബോംബുകൾ തകരട്ടെ'; രാഷ്ട്രപതി തെരഞ്ഞെടുപ്പില് മുഹമ്മദ് റിയാസ്
രാഷ്ട്രപതി തെരഞ്ഞെടുപ്പിൽ നുണ ബോംബുകൾക്ക് പകരം കണക്കുകൾ സംസാരിക്കട്ടെ എന്ന് പൊതുമരാമത്ത് മന്ത്രി പി എ മുഹമ്മദ് റിയാസ്.പ്രതിപക്ഷ സ്ഥാനാര്ഥി യശ്വന്ത് സിന്ഹക്ക് ലഭിച്ചത് റെക്കോര്ഡ് വോട്ടും വോട്ടു വിഹിതവുമാണെന്ന് അദേഹം ഫെയ്സ്ബുക്കില് കുറിച്ചു. വോട്ടിന്റെ കണക്കുകള് പരിശോധിച്ചാല് ഇക്കാര്യം വ്യക്തമാകുമെന്നും ഫെയ്സ്ബുക്ക് കുറിപ്പില് മന്ത്രി പറയുന്നു.
ഇന്ത്യയുടെ പതിനഞ്ചാം രാഷ്ട്രപതിയായി തെരഞ്ഞെടുക്കപ്പെട്ട ദ്രൗപദി മുർമുവിനെ അഭിനന്ദിക്കുന്നു. രാഷ്ട്രപതി തെരഞ്ഞെടുപ്പ് ഫലത്തെ അംഗീകരിക്കുകയും ചെയ്യുന്നു. എന്നാൽ, പ്രതിപക്ഷ സ്ഥാനാർത്ഥിക്ക് ലഭിച്ച വോട്ടിന്റെ കണക്കുകൾ പരിശോധിച്ചാൽ ഇത്തവണത്തെ സ്ഥാനാർത്ഥി ശ്രീ യശ്വന്ത് സിൻഹക്ക് ലഭിച്ചത് റെക്കോർഡ് വോട്ടും, വോട്ടു വിഹിതവുമാണ് എന്നത് തിരിച്ചറിയാനാകും അദേഹം ഫെയ്സ്ബുക്കില് കുറിച്ചു.
മന്ത്രിയുടെ ഫേസ്ബുക്ക് പോസ്റ്റിന്റെ പൂര്ണ രൂപം:രാഷ്ട്രപതി തിരഞ്ഞെടുപ്പിൽ പ്രതിപക്ഷ ഐക്യം ചലനം സൃഷ്ടിച്ചില്ല എന്ന് നുണഫാക്ടറികളിൽ നിന്ന് നിരന്തരമായി നടത്തുന്ന വ്യാജ പ്രചരണങ്ങൾ ശ്രദ്ധയിൽപ്പെട്ടു. പ്രതിപക്ഷ നിരയുടെ ഐക്യം തകർത്ത് BJP വലിയ മേധാവിത്യം നേടിയെന്ന നിലയിലുള്ള ഇത്തരം സംഘടിത പ്രചരണങ്ങൾ സാമൂഹിക മാധ്യമങ്ങളിൽ വ്യാപകമായിരുന്നു. രാഷ്ട്രപതി തിരഞ്ഞെടുപ്പ് ഫലത്തെ അംഗീകരിക്കുന്നു. ഇന്ത്യയുടെ പതിനഞ്ചാം രാഷ്ട്രപതിയായ ബഹുമാന്യയായ ദ്രൗപദി മുർമുവിനെ അഭിനന്ദിക്കുന്നു. എന്നാൽ, ഇന്ത്യൻ രാഷ്ട്രപതി തിരഞ്ഞെടുപ്പുകളിൽ പ്രതിപക്ഷ സ്ഥാനാർത്ഥിക്കൾക്ക് ലഭിച്ച വോട്ടിന്റെ കണക്കുകൾ പരിശോധിച്ചാൽ ഇത്തവണത്തെ സ്ഥാനാർത്ഥി ശ്രീ യശ്വന്ത്സിൻഹക്ക് ലഭിച്ചത് റെക്കോർഡ് വോട്ടും വോട്ടു വിഹിതവുമാണ് എന്നത് തിരിച്ചറിയാനാകും. കണക്കുകൾ ശബ്ദിക്കട്ടെ..നുണ ബോംബുകൾ തകരട്ടെ.
Click it and Unblock the Notifications
Sign in with Google