പെട്ടിമുടിയില് തെരച്ചില് തുടരുന്നു, രണ്ട് മൃതദേഹങ്ങള് കൂടി കണ്ടെത്തി, ഇനി കണ്ടെത്താൻ 12 പേർ
LIVE UPDATES
കാലവര്ഷം ശക്തിപ്രാപിച്ചതിനെ തുടര്ന്ന് പത്തനംതിട്ട ജില്ലയില് മണ്ണാറക്കുളഞ്ഞി - പമ്പ റോഡില് (അട്ടത്തോടിനും ചാലക്കയത്തിനും ഇടയിലുള്ള ഭാഗത്ത്) നിരവധി സ്ഥലങ്ങളില് മണ്ണ് ഇടിയുന്ന തരത്തില് റോഡ് കീറി വിള്ളലും താഴ്ച്ചയും അപകടകരമായ വിധത്തില് രൂപപ്പെട്ടിട്ടുള്ളതായും, അതീവ മണ്ണിടിച്ചില് സാധ്യതയുള്ളതിനാല് റോഡിലൂടെയുള്ള ഗതാഗതം പൂര്ണമായും നിരോധിക്കണമെന്നും പത്തനംതിട്ട പൊതുമരാമത്ത് വകുപ്പ് (നിരത്ത് വിഭാഗം) എക്സിക്യൂട്ടീവ് എന്ജിനിയര് അപേക്ഷിച്ചിരുന്നു.
താത്കാലിക പാതയിലൂടെ ശബരിമല പൂജകള്ക്കായി എത്തിച്ചേരുന്ന ദേവസ്വം തന്ത്രി/ മേല്ശാന്തി, തിരുവിതാംകൂര് ദേവസ്വം ബോര്ഡ്/ മറ്റ് വകുപ്പുതല ഉദ്യോഗസ്ഥര്/ ജീവനക്കാര്/ കരാര് തൊഴിലാളികള് എന്നിവര്ക്ക് പമ്പയിലേക്ക് പോകുന്നതിനും, തിരികെ വരുന്നതിനും പ്രത്യേക അനുമതി നല്കി. പത്തനംതിട്ട ജില്ലാ പോലീസ് മേധാവി, പത്തനംതിട്ട പൊതുമരാമത്ത് വകുപ്പ് (നിരത്ത് വിഭാഗം) എക്സിക്യൂട്ടീവ് എന്ജിനിയര് എന്നിവര് ഉത്തരവ് അടിയന്തിര പ്രാധാന്യത്തില് നടപ്പാക്കണമെന്നും നിര്ദേശമുണ്ട്.
ശബരിമല പാതയില് അട്ടത്തോട് മുതല് ചാലക്കയം വരെയുള്ള റോഡിലൂടെയുള്ള ഗതാഗതം പൂര്ണമായും നിരോധിച്ചു. ഇനി ഒരു ഉത്തരവ് ഉണ്ടാകുന്നതുവരെയാണ് നിരോധനത്തിന് പ്രാബല്യമെന്ന് ജില്ലാ കളക്ടര് അറിയിച്ചു. ശബരിമല പൂജകള്ക്കായി എത്തിച്ചേരുന്ന ദേവസ്വം തന്ത്രി/ മേല്ശാന്തി, തിരുവിതാംകൂര് ദേവസ്വം ബോര്ഡ്/ മറ്റ് വകുപ്പുതല ഉദ്യോഗസ്ഥര്/ ജീവനക്കാര്/ കരാര് തൊഴിലാളികള് എന്നിവര്ക്കും പമ്പയിലേക്ക് പോകുന്നതിനും, തിരികെ വരുന്നതിനും അടിയന്തിരമായി തന്നെ ഒരു താത്കാലിക പാത രൂപീകരിക്കുന്നതിന് പത്തനംതിട്ട പൊതുമരാമത്ത് വകുപ്പ് (നിരത്ത് വിഭാഗം) എക്സിക്യൂട്ടീവ് എന്ജിനീയറെ ചുമതലപ്പെടുത്തി.
കൂടുതൽ മൃതദേഹങ്ങൾ കണ്ടെടുത്തതോടെ അടുത്ത മൂന്ന് ദിവസം കൂടി തിരച്ചിൽ നടത്തുമെന്ന് സേന അറിയിച്ചിട്ടുണ്ട്. പത്തോളം ഹിറ്റാച്ചികൾ ഉപയോഗിച്ച് ഉരുൾപൊട്ടിയ പ്രദേശത്തേ കല്ലും മണ്ണും നീക്കിയ ശേഷമാണ് തിരച്ചിൽ നടത്തുന്നത്. ഇനി 29 പേരെയാണ് കണ്ടെത്താനുള്ളത്. മഴ ശക്തമായി തുടരുന്നതാണ് രക്ഷാപ്രവർത്തനം ദുഷ്കരമാക്കിത്തീർക്കുന്നത്.
ഇടുക്കി രാജമല ദുരന്തത്തിൽ മരിച്ച 16 പേരുടെ മൃതദേഹങ്ങൾ കൂടി കണ്ടെത്തി. ഇതോടെ ദുരന്തത്തിൽ മരിച്ചവരുടെ എണ്ണം 42 ആയി ഉയർന്നിട്ടുണ്ട്. ശനിയാഴ്ച പെട്ടിമുടിയിൽ നടത്തിയ തിരച്ചിലിൽ 26 പേരുടെ മൃതദേഹങ്ങളാണ് കണ്ടെത്തിയത്. മണ്ണിനടിയിൽപ്പെട്ടവർക്ക് വേണ്ടി ദേശീയ ദുരന്ത നിവാരണ സേനയാണ് തിരച്ചിൽ നടത്തിവരുന്നത്
കഴിഞ്ഞവർഷം ദുരന്തമുണ്ടായ പുത്തുമലയിലും കവളപ്പാറയിലും പുനരധിവാസം ഇതുവരെ സാധ്യമായിട്ടില്ല. കേന്ദ്രം ഉൾപ്പെടെ നൽകുന്ന ദുരന്തനിവാരണ ഫണ്ട് സംസ്ഥാനം എവിടെയാണ് ചിലവഴിക്കുന്നതെന്ന് മനസിലാവുന്നില്ലെന്നും മുരളീധരൻ പറഞ്ഞു. കരിപ്പൂരിൽ എത്തിയ മുഖ്യമന്ത്രി രാജമലയിലുമെത്തുമെന്ന് കരുതി. കരിപ്പൂരിലും പെട്ടിമുടിയിലും രണ്ട് തരത്തിലുള്ള സഹായധനം പ്രഖ്യാപിച്ചത് ശരിയല്ല. മനുഷ്യജീവന് എല്ലായിടത്തും ഒരേ വിലയാണെന്നും മുരളീധരൻ കൂട്ടിച്ചേർത്തു.
READ MORE
തിരുവനന്തപുരം: മഴ ശക്തമായതോടെ സംസ്ഥാനത്തിന്റെ വിവിധ ഭാഗങ്ങളില് മണ്ണിടിച്ചിലും ഉരുള് പൊട്ടലും രൂക്ഷമായി. മുന്നാറിലെ രാജമലയിലുണ്ടായ മണ്ണിടിച്ചിലില് നിരവധി പേരെ കാണാതായി. അഞ്ചുലയങ്ങൾ മണ്ണിനടിയിൽ പെട്ടതായാണ് പഞ്ചായത്ത് അധികൃതര് അറിയിക്കുന്നത്. പ്രദേശത്ത് രക്ഷാപ്രവര്ത്തനങ്ങള് ആരംഭിച്ചിട്ടുണ്ട്..
Click it and Unblock the Notifications
Sign in with Google