ഇന്നും മഴ തുടരും, ജാഗ്രതാ നിര്ദേശം പുറപ്പെടുവിച്ചു; ഈ മൂന്ന് ജില്ലകളില് യെല്ലോ അലര്ട്ട്
തിരുവനന്തപുരം: സംസ്ഥാനത്ത് ഇന്നും കനത്ത മഴ തുടരുമെന്ന് കേന്ദ്ര കാലാവസ്ഥാ വകുപ്പ്. മധ്യകിഴക്കന് അറബിക്കടലില് കൊങ്കണ് തീരത്ത് സ്ഥിതി ചെയ്തിരുന്ന തീവ്ര ന്യൂനമര്ദ്ദം ഇന്നലെ രാത്രി പന്ജിമിനും രത്നഗിരിക്കും ഇടയില് കരയില് പ്രവേശിച്ചിട്ടുണ്ട്. കിഴക്ക്, വടക്ക് - കിഴക്ക് ദിശയിലേക്കാണ് ഈ ന്യൂനമര്ദ്ദം നീങ്ങുന്നത്. എന്നാല് അടുത്ത 24 മണിക്കൂറിനുള്ളില് ഇത് ന്യൂനമര്ദ്ദമായി ശക്തി കുറയാന് സാധ്യതയുണ്ട്.
ബംഗാള് ഉള്ക്കടലിലെ ശക്തി കൂടിയ ന്യൂനമര്ദ്ദം നിലവില് തെക്ക് കിഴക്കന് ജാര്ഖണ്ഡിനും, പശ്ചിമ ബംഗാളിനും, വടക്കന് ഒഡീഷക്കും മുകളിലുമാണ് നിലയുറപ്പിച്ചിരിക്കുന്നത്. ഇരട്ട ന്യൂനമര്ദ്ദത്തിന്റെ സാഹര്യത്തില് സാംസ്ഥാനത്ത് അടുത്ത അഞ്ച് ജദിവസം മിതമായതോ ഇടത്തരമായതോ ആയ മഴയ്ക്കും ഇടി മിന്നല് എന്നിവയ്ക്കും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
ഇന്ന് പത്തനംതിട്ട, ആലപ്പുഴ, എറണാകുളം എന്നീ ജില്ലകളില് യെല്ലോ അലര്ട്ട് പ്രഖ്യാപിച്ചിരിക്കുകയാണ്. ഇവിടങ്ങളില് ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഉള്ളത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് ഉദ്ദേശിക്കുന്നത്. യെല്ലോ അലര്ട്ട് പ്രഖ്യാപിച്ചിരിക്കുന്നതിനാല് മഴ ശക്തി പ്രാപിക്കാന് സാധ്യതയുള്ള മലയോര/ തീരദേശ മേഖലയില് പ്രത്യേക ജാഗ്രത പുലര്ത്തണം.
കേരള തീരത്ത് ഇന്ന് രാത്രി 11.30 വരെ 0.9 മുതല് 2.0 മീറ്റര് വരെയും തെക്കന് തമിഴ്നാട് തീരത്ത് 0.8 മുതല് 2.0 മീറ്റര് വരെയും ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ട്. അതിനാല് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണ എന്ന് കാലാവസ്ഥാ വകുപ്പ് മുന്നറിയിപ്പ് നല്കി.
മത്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണമായും ഒഴിവാക്കണം എന്നും അധികൃതര് അറിയിച്ചിട്ടുണ്ട്. ഇന്നലേയും കനത്ത മഴയാണ് സംസ്ഥാനത്ത് പെയ്തത്. ഇന്നലെ രാവിലെ മുതല് ആരംഭിച്ച മഴ തിരുവനന്തപുരത്തെ മലയോര, നഗരമേഖലകളലെ ശക്തമായി ബാധിച്ചു.
ഞായറാഴ്ച രാത്രി പത്തനംതിട്ട, കോട്ടയം, എറണാകുളം, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഒറ്റപ്പെട്ടയിടങ്ങളില് ശക്തമായ മഴയാണ് ലഭിച്ചത്. ഇന്നലെ പത്തനംതിട്ട, കോട്ടയം, എറണാകുളം, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ് ജില്ലകളില് യെല്ലോ അലര്ട്ട് ആയിരുന്നു.
Click it and Unblock the Notifications
Sign in with Google