kerala rain updates: തീവ്ര ന്യൂനമര്‍ദ്ദം ശക്തി കുറഞ്ഞു, മിക്ക ജില്ലകളിലും മഴ കുറയുന്നു

By Swaroop Tk

Updated: Friday, August 12, 2022, 10:03 [IST]

Aug 12, 2022, 7:20 pm IST

സംസ്ഥാനത്തു മഴ കുറഞ്ഞതോടെ താപനിലയിൽ നേരിയ വർധന.

Aug 12, 2022, 5:10 pm IST

കനത്ത മഴയെ തുടർന്ന് യമുന നദിയിലെ ജലനിരപ്പ് അപകടകരമായ നിലയിൽ ഉയർന്നു

Aug 12, 2022, 2:11 pm IST

കനത്ത മഴ; ഓവാലിയിൽ രണ്ട് വീടുകൾ തകർന്നു

Aug 12, 2022, 2:11 pm IST

കനത്ത മഴ; ഓവാലിയിൽ രണ്ട് വീടുകൾ തകർന്നു

Aug 12, 2022, 10:19 am IST

ഇടുക്കി അണക്കെട്ടിലേക്കുള്ള നീരൊഴുക്കിന്റെ ശക്തി കുറഞ്ഞതോടെ ജലനിരപ്പ് താഴ്ന്നു തുടങ്ങി.

Aug 12, 2022, 10:00 am IST

തീവ്ര ന്യൂനമര്‍ദ്ദം ശക്തി കുറഞ്ഞു, മിക്ക ജില്ലകളിലും മഴ കുറയുന്നു

Aug 10, 2022, 9:45 pm IST

മഴ കുറഞ്ഞുതോടെ മുല്ലപ്പെരിയാറിലെ മൂന്നു ഷട്ടറുകള്‍ അടച്ചു

Aug 10, 2022, 9:27 pm IST

അതിതീവ്രമഴയിലും ഇക്കുറി പ്രളയം ഒഴിവായത് സര്‍ക്കാരിന്റെ മിടുക്ക് കൊണ്ടെന്ന് റോഷി അഗസ്റ്റിന്‍

Aug 10, 2022, 1:29 pm IST

ഇടുക്കി അണക്കെട്ടിൽ ജലനിരപ്പ് ഉയരുന്നു. നിലവിൽ 2387.40 അടിയാണ് ജലനിരപ്പ്. ചെറുതോണി ഭാഗത്ത് ശക്തമായ മഴ തുടരുകയാണ്.

Aug 10, 2022, 11:53 am IST

പാലക്കാട്: കാലവര്‍ഷം ശക്തമായതിനെത്തുടര്‍ന്ന് ജില്ലയില്‍ ഇന്ന് രാവിലെ എട്ട് വരെ ശരാശരി ആറ് മില്ലീമീറ്റര്‍ മഴ ലഭിച്ചതായി മുണ്ടൂര്‍ ഐ.ആര്‍.ടി.സി. അധികൃതര്‍ അറിയിച്ചു.

Aug 10, 2022, 10:51 am IST

അടുത്ത 3 മണിക്കൂറിൽ കേരളത്തിലെ കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി എന്നീ ജില്ലകളിൽ ഒറ്റപ്പെട്ടയിടങ്ങളിൽ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ്

Aug 10, 2022, 10:14 am IST

മാള അന്നമനടയിൽ ചുഴലിക്കാറ്റ് .ഒട്ടേറെ മരങ്ങൾ കടപുഴകി, വ്യാപക നാശം .വൈദ്യുതി ലൈനുകൾ പൊട്ടി വീണു, വീടുകൾക്കും നാശം

Aug 10, 2022, 10:11 am IST

ഇടുക്കി: ഉരുള്‍പൊട്ടൽ ഉണ്ടായ വെള്ളത്തൂവല്‍ ഗ്രാമപഞ്ചായത്തില്‍ ദുരിതാശ്വാസ ക്യാമ്പ് തുറന്നതായി ജില്ലാ കളക്ടർ അറിയിച്ചു

Aug 10, 2022, 9:22 am IST

പാലക്കാട്: വാളയാർ ഡാമിന്റെ ഒരു സ്പിൽവേ ഷട്ടർ 5 സെ. മീ ഉയർത്തിയതായി എക്സിക്യൂട്ടീവ് എഞ്ചിനീയർ അറിയിച്ചു

Aug 10, 2022, 8:27 am IST

മുല്ലപ്പെരിയാര്‍ ഡാമിലെ ജലനിരപ്പ് 139.15 അടിയായി കുറഞ്ഞു

Aug 10, 2022, 8:25 am IST

കേരള തീരത്ത് (വിഴിഞ്ഞം മുതൽ കാസർകോട് വരെ) 11-08-2022 രാത്രി 11.30 വരെ 3.5 മുതൽ 3.8 മീറ്റർ വരെ ഉയരത്തിൽ തിരമാലയ്ക്കും കടലാക്രമണത്തിനും സാധ്യതയുണ്ട്യ മൽസ്യത്തൊഴിലാളികളും തീരദേശവാസികളും ജാഗ്രത തുടരണമെന്ന് കേന്ദ്ര കാലാവസ്ഥ വകുപ്പ് അറിയിച്ചു

Aug 10, 2022, 7:32 am IST

ഇടുക്കി, മലപ്പുറം ,കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ട്

Aug 10, 2022, 7:32 am IST

ഇന്ന് ആറ് ജില്ലകളിൽ യെല്ലോ അലർട്ട്

Aug 09, 2022, 10:32 pm IST

എറണാകുളം, ഇടുക്കി, പത്തനംതിട്ട ജില്ലകളില്‍ ദുരിതാശ്വാസ ക്യാമ്പുകളായി പ്രവര്‍ത്തിക്കുന്ന എല്ലാ വിദ്യാഭ്യാസ സ്ഥാപനങ്ങള്‍ക്കും ബുധനാഴ്ച അവധി ആയിരിക്കുമെന്ന് ജില്ലാ കളക്ടര്‍മാര്‍ അറിയിച്ചു

Aug 09, 2022, 8:29 pm IST

വര്‍ക്കല താഴെ വെട്ടൂരില്‍ വള്ളം മറിഞ്ഞു. വള്ളത്തിലുണ്ടായിരുന്നവരെ രക്ഷപ്പെടുത്തി

Aug 09, 2022, 7:53 pm IST

തമിഴ്‌നാട് ആളിയാര്‍ ഡാമില്‍ നിന്നുള്ള നീരൊഴുക്ക് കൂട്ടി. 11 ഷട്ടറുകള്‍ 21 സെന്റിമീറ്റര്‍ ഉയര്‍ത്തി

Aug 09, 2022, 7:17 pm IST

കക്കയം ഡാം തുറന്നു. ഡാമിന്റെ ഒരു ഷട്ടര്‍ ആണ് തുറന്നത്. കുറ്റ്യാടി പുഴയുടെ തീരത്ത് താമസിക്കുന്നവര്‍ ജാഗ്രത പാലിക്കണം

Aug 09, 2022, 5:55 pm IST

കക്കയം ഡാമിന്റെ ഷട്ടര്‍ അല്‍പസമയത്തിനകം തുറക്കും. കുറ്റ്യാടി പുഴയുടെ തീരത്തുള്ളവര്‍ ജാഗ്രത പാലിക്കണം

Aug 09, 2022, 5:34 pm IST

മുല്ലപ്പെരിയാറിന്റെ നിലവിലെ സ്ഥിതിയില്‍ ആശങ്കപ്പെടേണ്ടതില്ല. അണക്കെട്ട് എല്ലാ അര്‍ഥത്തിലും സുരക്ഷിതമാണെന്നും റൂള്‍ കര്‍വ് അനുസരിച്ചാണു ജലനിരപ്പു നിയന്ത്രിക്കുന്നതെന്നും എം.കെ.സ്റ്റാലിന്‍

Aug 09, 2022, 3:48 pm IST

മുല്ലപ്പെരിയാറിലെ ആശങ്കയറിയിച്ചുള്ള മുഖ്യമന്ത്രിയുടെ കത്തിന് തമിഴ്നാട് മുഖ്യമന്ത്രിയുടെ മറുപടി. മുല്ലപ്പെരിയാറിന്‍റെ കാര്യത്തിൽ ഒരു ആശങ്കയും വേണ്ടെന്നും സ്റ്റാലിന്‍ അറിയിച്ചു

Aug 09, 2022, 2:18 pm IST

മുല്ലപ്പെരിയാർ ഡാമിലെ ജലനിരപ്പ് ഉയരുന്ന സാഹചര്യത്തിൽ നിലവിൽ തുറന്നിരിക്കുന്ന 13 ഷട്ടറുകളിൽ ( V1,V2, V3, V4, V5, V6,V7,V8, V9, V10,R1, R2& R3 ) കൂടി ഒഴുക്കുന്ന ജലം കൂടാതെ * തുറന്നിരിക്കുന്ന അണക്കെട്ടിന്റെ 3 ഷട്ടറുകൾ (R1, R2, R3 ) കൂടി ഇന്ന് (09) 3. 00 മണി മുതൽ 90 സെന്റിമീറ്ററായി ഉയർത്തി ആകെ 10400.00 ക്യുസെക്സ് ജലം പുറത്തേക്കൊഴുക്കും.

Aug 09, 2022, 1:04 pm IST

മലമ്പുഴ ഡാം ഷട്ടറുകൾ ഉച്ചക്ക് 12.10 ന് 70 സെ.മി നിന്ന് 80 സെ.മി ആക്കി ഉയർത്തിയതായി എക്സിക്യൂട്ടീവ് എഞ്ചിനീയർ അറിയിച്ചിട്ടുണ്ട്.

Aug 09, 2022, 12:01 pm IST

പെരിയാർ തീരത്ത് ആശങ്ക. മുല്ലപ്പെരിയാറില്‍ ജലനിരപ്പ് 139.60 അടി, മുഴുവന്‍ ഷട്ടറുകളും തുറന്നു. കൂടുതല്‍ വെള്ളം തുറന്ന് വിട്ടിട്ടും ജലനിരപ്പ് കുറയുന്നില്ല. സെക്കന്‍ഡില്‍ പുറത്തേക്ക് ഒഴുകുന്നത് 8741 ഘനയടി വെള്ളം

Aug 09, 2022, 11:58 am IST

പോത്തുണ്ടി ഡാം: മൂന്ന് സ്പില്‍വേ ഷട്ടറുകള്‍ 40 സെന്റീമീറ്റര്‍ വീതം തുറന്നിരിക്കുന്നു

Aug 09, 2022, 11:50 am IST

മംഗലം ഡാം: ആറ് സ്പില്‍വേ ഷട്ടറുകളില്‍ മൂന്ന് ഷട്ടറുകള്‍ 80 സെന്റീമീറ്റര്‍ വീതവും മൂന്ന് സ്പില്‍വേ ഷട്ടറുകള്‍ 25 സെന്റീമീറ്റര്‍ വീതവും തുറന്നിരിക്കുന്നു

7:42 PM, 1 Aug

നാളെ വരെ അതിതീവ്ര മഴ പ്രധാനമായും തെക്കന്‍ കേരളത്തിലും മധ്യകേരളത്തിലും കേന്ദ്രീകരിക്കുമെന്നും നാളെ കഴിഞ്ഞ് അത് വടക്കന്‍ കേരളത്തിലേക്ക് കൂടി വ്യാപിക്കാന്‍ സാധ്യതയുണ്ടെന്നുമാണ് കാലാവസ്ഥ വകുപ്പിന്‍റെ അറിയിപ്പിലുള്ളത്.

7:46 PM, 1 Aug

അതിതീവ്രമഴ പ്രതീക്ഷിക്കുന്ന തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, ഇടുക്കി എന്നീ ജില്ലകളില്‍ ഇന്നും നാളെയും റെഡ് അലേര്‍ട്ട് പ്രഖ്യാപിച്ചിട്ടുണ്ട്.

7:46 PM, 1 Aug

ഉരുള്‍പൊട്ടല്‍, മലവെള്ളപ്പാച്ചില്‍, മിന്നല്‍ പ്രളയം, നഗരങ്ങളിലും താഴ്ന്ന പ്രദേശങ്ങളിലുമുണ്ടാകുന്ന വെള്ളക്കെട്ടുകള്‍ തുടങ്ങിയ ദുരന്ത സാദ്ധ്യതകള്‍ മുന്നില്‍ കണ്ടുകൊണ്ടുള്ള ജാഗ്രതയും തയ്യാറെടുപ്പു മാണ് നടത്തുന്നത്. റെഡ് അലേര്‍ട്ട് പ്രഖ്യാപിക്കപ്പെട്ട ജില്ലകളില്‍ മാത്രമല്ല സമീപ ജില്ലകളിലും അതീവ ജാഗ്രതയും തയ്യാറെടുപ്പുകളും ആവശ്യമാണ്.

8:58 PM, 1 Aug

മഴക്കെടുതി സംസ്ഥാനത്ത് 6 മരണം. 5 വീടുകൾ തകർന്നു. നിരവധി കുടുംബങ്ങളെ മാറ്റി പാർപ്പിച്ചു. തിരുവനന്തപുരം, പത്തനംതിട്ട , കൊല്ലം ,കോട്ടയം, ഇടുക്കി, ആലപ്പുഴ, എറണാകുളം ജില്ലകളിൽ നാളെ വിദ്യാഭ്യാസ സ്ഥാപനങ്ങൾക്ക് അവധി

8:58 PM, 1 Aug

മഴക്കെടുതിയെ നേരിടാൻ തദ്ദേശ സ്വയം ഭരണ സ്ഥാപനങ്ങൾ രംഗത്തിറങ്ങണമെന്ന് തദ്ദേശ സ്വയം ഭരണ എക്സൈസ് വകുപ്പ് മന്ത്രി എം വി ഗോവിന്ദൻ

9:05 PM, 1 Aug

കനത്ത മഴയെ തുടർന്ന് സംസ്ഥാനത്തെ അഞ്ച് ജില്ലകളിൽ വിദ്യാഭ്യാസ സ്ഥാപനങ്ങള്‍ക്ക് ചൊവ്വാഴ്ച അവധി

9:15 PM, 1 Aug

കോട്ടയത്ത് കനത്ത മഴ തുടരുന്നു

9:15 PM, 1 Aug

കണ്ണൂര്‍ നെടുമ്പൊയില്‍ ടൗണില്‍ വെള്ളപ്പാച്ചില്‍

9:26 PM, 1 Aug

കാലടി, എം ജി പരീക്ഷകള്‍ മാറ്റിവച്ചു

10:08 PM, 1 Aug

കനത്ത മഴയിൽ കോട്ടയം ജില്ലയിലെ ചെറുവള്ളി പഴയിടം പാലം വെള്ളത്തിൽ മുങ്ങി.

#WATCH | Cheruvally Pazhayidom bridge in the Kottayam district of Kerala submerged in water as heavy rainfall lashes the area pic.twitter.com/D2o7NZm8gY
— ANI (@ANI) August 1, 2022

10:09 PM, 1 Aug

കോഴിക്കോട് ജില്ലയിൽ ശക്തമായ മഴ തുടരുന്നത് വെള്ളക്കെട്ടിന് കാരണമാകുന്നു

Continuing heavy rain in the Kozhikode district of Kerala causes waterlogging pic.twitter.com/vJwO7wovAS
— ANI (@ANI) August 1, 2022

10:42 PM, 1 Aug

നെടുപുറം ചാലില്‍ ഒഴുക്കില്‍പ്പെട്ട് ഒരു കുട്ടിയെ കാണാതായി.

10:57 PM, 1 Aug

കണ്ണൂർ ജില്ലയിൽ കണിച്ചാർ പഞ്ചായത്തിലെ കൊളക്കാട് കുരിശുമലയിലും നെടുംപൊയിൽ 24–ാം മൈൽ, പൂളക്കുറ്റി തുടിയാട് എന്നിവിടങ്ങളിൽ ഉരുൾപൊട്ടൽ.

11:53 PM, 1 Aug

കണ്ണൂരിന്റെ മലയോര മേഖലയില്‍ അതിശക്തമായ മഴയ്ക്കും ഉരുള്‍പ്പൊട്ടലും. കണിച്ചാറില്‍ ഉരുള്‍പ്പൊട്ടി നാല് കുടുംബങ്ങള്‍ ഒറ്റപ്പെട്ടതായി സംശയിക്കുന്നു.

1:15 AM, 2 Aug

വേമ്പനാട്ടു കായലിൽ മത്യബന്ധനത്തിന് പോയ രണ്ട് മത്സ്യത്തൊഴിലാളികളെ കാണാതായി

7:51 AM, 2 Aug

സംസ്ഥാനത്ത് ശക്തമായ മഴ തുടരുന്നു. തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകളും, ഇടുക്കി, ആലപ്പുഴ തുടങ്ങിയ 7 ജില്ലകളിൽ ഇന്നും റെഡ് അലർട്ട് ആണ്

7:56 AM, 2 Aug

അടുത്ത 3 മണിക്കൂറിൽ കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളിൽ അതിശക്തമായ മഴയ്ക്കും മണിക്കൂറിൽ 55 കീ.മി വരെ വേഗതയിൽ വീശിയടിച്ചേക്കാവുന്ന കാറ്റിനും മോശം കാലാവസ്ഥക്കും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.

8:07 AM, 2 Aug

ചാലക്കുടി പുഴയില്‍ ജലനിരപ്പ് ഉയർന്നു

8:11 AM, 2 Aug

പേരാവൂരില്‍ മലവെള്ളപ്പാച്ചിലില്‍ കാണാതായ രണ്ടരവയസുകാരി മരിച്ചു

8:13 AM, 2 Aug

ചെങ്ങന്നൂര്‍ സ്വദേശി നദീറയുടെ മകള്‍ നുമ തസ്ലീമാണ് മരിച്ചത്

8:13 AM, 2 Aug

കൂട്ടിക്കലില്‍ ഒഴുക്കില്‍പ്പെട്ട യുവാവിന്റെ മൃതദേഹം കണ്ടെത്തി. റിയാസ് എന്ന യുവാവിന്റെ മൃതദേഹമാണ് കണ്ടെത്തിയത്

9:05 AM, 2 Aug

മഴ രൂക്ഷമായി തുടരുന്ന സാഹചര്യത്തിൽ 8 ജില്ലകളിലെ പ്രൊഫഷണല്‍ കോളേജ് ഉള്‍പ്പടേയുള്ള വിദ്യാഭ്യാസസ്ഥാപനങ്ങൾക്ക് ഇന്ന് കളക്ടർമാർ അവധി പ്രഖ്യാപിച്ചിട്ടുണ്ട്

9:18 AM, 2 Aug

തിരുവനന്തപുരം , കൊല്ലം, ആലപ്പുഴ,പത്തനംതിട്ട , കോട്ടയം, എറണാകുളം,ഇടുക്കി, തൃശ്ശൂർ ജില്ലകളിലെ വിദ്യാഭ്യാസസ്ഥാപനങ്ങൾക്കാണ് അവധി. എംജി, കാലടി സർവകലാശാലകൾ ഇന്ന് നടത്താനിരുന്ന എല്ലാ പരീക്ഷകളും മാറ്റി.

9:19 AM, 2 Aug

കനത്ത മഴയില്‍ ചാലക്കുടി പുഴയില്‍ ആന ഒഴുക്കില്‍പ്പെട്ടു. കരയിലേക്ക് കയറാന്‍ സാധിക്കാതെ പുഴയില്‍ കുടുങ്ങി കിടക്കുന്നു

9:31 AM, 2 Aug

കണ്ണൂർ ജില്ലയിലെ കോളയാട്, കണിച്ചാർ തുടങ്ങിയ പ്രദേശങ്ങളിൽ കനത്ത മഴ മൂലം ഗതാഗത തടസ്സങ്ങൾ അനുഭവപ്പെടുന്നതിനാൽ ഇരിട്ടി, തലശ്ശേരി താലൂക്കുകളിലെ മാത്രം പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കു ഇന്ന് അവധി പ്രഖ്യാപിച്ചിട്ടുണ്ട്

10:01 AM, 2 Aug

ഇടുക്കിയിൽ വിനോദ സഞ്ചാര കേന്ദ്രങ്ങളിലേക്കുള്ള പ്രവേശനം പൂർണമായും നിരോധിച്ചു

10:19 AM, 2 Aug

സംസ്ഥാനത്ത് പത്ത് ജില്ലകളില്‍ റെഡ് അലര്‍ട്ട്. ആലപ്പുഴ മുതല്‍ കണ്ണൂര്‍ വരെ ഇന്നും നാളെയും റെഡ് അലര്‍ട്ട്. നാല് ജില്ലകളില്‍ ഓറഞ്ച് അലര്‍ട്ട്. മഴക്കെടുതിയില്‍ ഇന്ന് നാല് മരണം

11:09 AM, 2 Aug

എറണാകുളം: പെരിയാറില്‍ ജലനിരപ്പ് ഉയർന്നതോടെ ആലുവ ശിവക്ഷേത്രം വെള്ളത്തില്‍ മുങ്ങി. പെരിയാറിന് പുറമെ മൂവാറ്റുപുഴയാറിലും വെള്ളം ഉയർന്നുകൊണ്ടിരിക്കുന്നു

11:10 AM, 2 Aug

മൂവാറ്റുപുഴയിലും കാലടിയിലും ജലനിരപ്പ് അപകടരേഖയ്ക്കും മുകളിലാണെന്നാണ് കളക്ടർ അറിയിക്കുന്നത്. കോതമംഗംലം തങ്കളം ബൈപാസും മണികണ്ഠന്‍ചാലും വെള്ളത്തിലായി. ഏലൂര്‍ പ്രദേശത്ത് വീടുകളില്‍ വെള്ളംകയറി. അപകട സാധ്യത മേഖലയില്‍ നിന്നും കുടുംബങ്ങളെ മാറ്റിപ്പാർപ്പിക്കുന്നത് തുടരുകയാണ്.

11:11 AM, 2 Aug

എറണാകുളം ജില്ലയിലെ മിക്ക താഴ്ന്ന പ്രദേശങ്ങളിലും വെള്ളം കയറിയിട്ടുണ്ട്. മലവെള്ളപ്പാച്ചിലില്‍പ്പെട്ട് ഇന്നലെ കാണാതായ ഉരുളന്‍ തണ്ണി സ്വദേശി പൗലോസിനുവേണ്ടിയുള്ള തിരച്ചില്‍ തുടരുകയാണ്.

തിരുവനന്തപുരം: സംസ്ഥാനത്ത് മഴ ശക്തമാകുകയാണ്. അടുത്ത നാല് ദിവസത്തേക്ക് അതിതീവ്രതയോടെയുള്ള മഴ ഉണ്ടാകുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. വൈകീട്ട് മുതല്‍ തെക്കന്‍ കേരളത്തില്‍ വ്യാപകമായി മഴ ലഭിക്കുന്ന സാഹചര്യമാണ് നിലവിലുള്ളത്. നാളെ വരെ അതിതീവ്ര മഴ പ്രധാനമായും തെക്കന്‍ കേരളത്തിലും മധ്യകേരളത്തിലും കേന്ദ്രീകരിക്കുമെന്നും നാളെ കഴിഞ്ഞ് അത് വടക്കന്‍ കേരളത്തിലേക്ക് കൂടി വ്യാപിക്കാന്‍ സാധ്യതയുണ്ടെന്നുമാണ് കാലാവസ്ഥ വകുപ്പിന്റെ അറിയിപ്പിലുള്ളത്.