Rain Updates: യമുനയിലെ ജലനിരപ്പ് അപകടനിലക്ക് മുകളില്‍: ഹരിയാനയിൽ 730 വിദ്യാർത്ഥികള്‍ കുടുങ്ങി

Updated: Tuesday, July 11, 2023, 18:55 [IST]

Jul 12, 2023, 7:45 am IST

യമുന നദിയിൽ ജലനിരപ്പ് ഉയർന്നതോടെ ഡല്‍ഹി കടുത്ത ആശങ്കയില്‍. ഏത് സാഹചര്യവും നേരിടാന്‍ സർക്കാർ തയ്യാറാണെന്ന് മുഖ്യമന്ത്രി അരവിന്ദ് കെജ്രിവാള്‍ വ്യക്തമാക്കി

Jul 12, 2023, 7:43 am IST

യമുനയില്‍ മുന്നറിയിപ്പ്

Mathura Police on alert as water level rises in Yamuna

Read @ANI Story | https://t.co/o8eh8gLu9Z #Mathura #Mathurapolice #Yamuna #YamunaWaterLevel pic.twitter.com/ghx3udVBNn
— ANI Digital (@ani_digital) July 12, 2023

Jul 12, 2023, 7:42 am IST

ഹിമാചല്‍ പ്രദേശും പഞ്ചാബും ഉള്‍പ്പെടേയുള്ള ഉത്തരേന്ത്യന്‍ സംസ്ഥാനങ്ങളില്‍ കനത്ത മഴ തുടരുന്നു.

Jul 11, 2023, 9:10 pm IST

കുട്ടനാട് താലൂക്കിലെ സ്‌കൂളുകള്‍ക്കും പ്രൊഫഷണല്‍ കോളേജുകള്‍ക്കും അവധി പ്രഖ്യാപിച്ച് ജില്ലാ കളക്ടര്‍ ഉത്തരവിറക്കി. ഇതോടൊപ്പം ട്യൂഷന്‍ സെന്ററുകള്‍ക്കും അങ്കണവാടികള്‍ക്കും ഉള്‍പ്പെടെ വിദ്യാഭ്യാസവുമായി ബന്ധപ്പെട്ട സ്ഥാപനങ്ങള്‍ക്കും അവധി പ്രഖ്യാപിച്ചിട്ടുണ്ട്. ജില്ലയിലെ ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്ന വിദ്യാഭ്യാസസ്ഥാപനങ്ങള്‍ക്കും അവധി പ്രഖ്യാപിച്ചിട്ടുണ്ട്.

Jul 11, 2023, 7:08 pm IST

സംസ്ഥാനത്ത് അടുത്ത നാല് ദിവസം മഴ തുടരുമെന്ന് കാലാവസ്ഥ വകുപ്പിന്‍റെ പ്രവചനം.

Jul 11, 2023, 6:00 pm IST

ഇന്ന് (ജൂലൈ 11) തെക്കന്‍ തമിഴ്‌നാട് തീരം, ഗള്‍ഫ് ഓഫ് മന്നാര്‍ അതിനോട് ചേര്‍ന്നുള്ള കന്യാകുമാരി തീരം എന്നിവിടങ്ങളില്‍ മണിക്കൂറില്‍ 45 മുതല്‍ 55 കിലോമീറ്റര്‍ വരെയും ചില അവസരങ്ങളില്‍ മണിക്കൂറില്‍ 65 കിലോമീറ്റര്‍ വരെയും വേഗതയില്‍ ശക്തമായ കാറ്റിനും മോശം കാലാവസ്ഥക്കും സാധ്യത.

Jul 11, 2023, 4:42 pm IST

കേരള - കര്‍ണാടക- ലക്ഷദ്വീപ് തീരങ്ങളില്‍ നാളെ (ജൂലൈ 12) മുതല്‍ ജൂലൈ 15 വരെ മത്സ്യബന്ധനത്തിന് പോകാന്‍ പാടില്ലെന്ന് കേന്ദ്ര കാലാവസ്ഥ വകുപ്പ്.

Jul 11, 2023, 4:04 pm IST

ഡല്‍ഹിയിലെ ഡ്രെയിനേജുകള്‍ ശരിയായി വൃത്തിയാക്കാത്തത് കൊണ്ടാണ് വെള്ളപ്പൊക്കം ജനങ്ങള്‍ അനുഭവിക്കേണ്ടി വന്നതെന്ന് ലെഫ് ഗവര്‍ണര്‍ വികെ സക്‌സേന.

Jul 11, 2023, 3:22 pm IST

ഹോസ്റ്റലില്‍ വെള്ളം കയറിയതിനെ തുടര്‍ന്ന് അംബാലയില്‍ നിന്ന് 730 വിദ്യാര്‍ഥികളെ ഒഴിപ്പിച്ചു. ഇവരെ കുരുക്ഷേത്രയിലേക്കാണ് മാറ്റിയത്.

Jul 11, 2023, 2:56 pm IST

ഹിമാചലിലെ ചന്ദര്‍താലിലെ കുടുങ്ങി കിടക്കുന്നവരെ രക്ഷപ്പെടുത്താന്‍ വ്യോമസേന ഹെലികോപ്ടര്‍ അയക്കും. രക്ഷാപ്രവര്‍ത്തനം സംഘം കുംസും മലനിരകളിലെത്തിയതായി സ്ഥിരീകരിച്ചിട്ടുണ്ട്.

Jul 11, 2023, 2:54 pm IST

യുപിയില്‍ കനത്ത മഴയെ തുടര്‍ന്ന് വീട് തകര്‍ന്ന് യുവാവ് മരിച്ചു. ഇയാളുടെ ഭാര്യക്കും മകനും പരിക്കേറ്റു

Jul 11, 2023, 2:22 pm IST

ഉത്തരാഖണ്ഡിലെ മഴക്കെടുതിയില്‍ കൊല്ലപ്പെട്ടവരില്‍ നാല് മധ്യപ്രദേശ് തീര്‍ത്ഥാടകരും. മണ്ണിടിച്ചില്‍ ഇവരുടെ വാഹനം അകപ്പെട്ട് പോവുകയായിരുന്നു.

Jul 11, 2023, 1:57 pm IST

രാജസ്ഥാനിലും കനത്ത മഴ തുടരുന്നു. ശിരോഹി ജില്ലയിലെ ശിവഗഞ്ചില്‍ 24 മണിക്കൂറിനിടെ ലഭിച്ചത് 13 സെന്റിമീറ്റര്‍ മഴ.

Jul 11, 2023, 1:31 pm IST

ഉത്തരാഖണ്ഡിലെ പലയിടത്തും വെള്ളക്കെട്ടിന് കാരണം ഡ്രെയിനേജ് സംവിധാനമാണെന്ന് മുഖ്യമന്ത്രി പുഷ്‌കര്‍ സിംഗ് ധമി

#WATCH | Uttarakhand | "Poor drainage system caused waterlogging in several parts of Dehradun. I have instructed the concerned authorities to investigate and the repair work will start soon…the state has been put on high alert due to heavy rain.. the government is taking all… pic.twitter.com/iTQ7ZrhnPJ
— ANI UP/Uttarakhand (@ANINewsUP) July 11, 2023

Jul 11, 2023, 1:29 pm IST

ഉത്തരാഖണ്ഡിലെ ജുമ്മാഖണ്ഡ് നദിയില്‍ വെള്ളപ്പൊക്കത്തെ തുടര്‍ന്ന് പാലം ഒലിച്ചുപോയി. നിരവധി ഗ്രാമങ്ങള്‍ ഒറ്റപ്പെട്ടു. ജോഷിമഠ്-മലാരി അതിര്‍ത്തിയിലെ റോഡും തടസ്സപ്പെട്ടിരിക്കുകയാണ്.

Jul 11, 2023, 1:01 pm IST

ബീഹാറിലെ സുപോലില്‍ രണ്ട് ഡസന്‍ ഗ്രാമങ്ങള്‍ വെള്ളപ്പൊക്ക ഭീശണിയില്‍. കോസി നദിയിലെ ജലനിരപ്പ് ഉയരുന്നതാണ് കാരണം. മണ്ണിടിച്ചിലിനെ തുടര്‍ന്ന് നാര്‍ഹയ ഗ്രാമത്തിലെ 48 കുടുംബങ്ങളാണ് ഒഴിഞ്ഞുപോയത്.

Jul 11, 2023, 12:27 pm IST

ജമ്മു കശ്മീരില്‍ അമര്‍നാഥ് യാത്രയ്ക്കായി എത്തി കുടുങ്ങി പോയവരെ സുരക്ഷിതമായി നാട്ടില്‍ തിരിച്ചെത്തിക്കാനുള്ള മാര്‍ഗം ഒരുക്കി രാംഭന്‍ ജില്ലാ ഭരണകൂടം. തീര്‍ത്ഥാടകര്‍ക്കായി ബസുകളും ജില്ലാ ഭരണകൂടം ഒരുക്കിയിട്ടുണ്ട്.

Jul 11, 2023, 12:25 pm IST

നൈനിറ്റാളിലെ രാംഗഡിലുള്ള നദതികളില്‍ ജലനിരപ്പ് ക്രമാതീതമായി ഉയരുന്നു. ഇവിടെ പ്രളയസമാനമായ സാഹചര്യമാണ് ഉള്ളത്. 2021ലെ പ്രകൃതി ദുരന്തത്തില്‍ ഇവിടെ പതിനെട്ട് പേര്‍ മരിച്ചിരുന്നു

Jul 11, 2023, 12:22 pm IST

മഴയെ തുടര്‍ന്ന് ജല പദ്ധതികള്‍ക്കെല്ലാം തടസ്സം നേരിട്ടതായി ഷിംല മേയര്‍ സുരേന്ദര്‍ ചൗഹാന്‍. മുനിസിപ്പല്‍ കോര്‍പ്പേഷന്‍ സ്വകാര്യ ടാങ്കറുകള്‍ ഉപയോഗിച്ചാണ് ജനങ്ങള്‍ക്ക് ജലം ലഭ്യമാക്കുന്നത്‌

#WATCH | "There has been a lot of loss to the state because of the disaster. Be it the water schemes, roads or the dams...In Shimla, we have hired private tankers and Nagar Nigam's tankers are also providing water. With the use of tankers we are trying to reach as many places as… pic.twitter.com/uaH2RZ1Bwp
— ANI (@ANI) July 11, 2023

Jul 11, 2023, 11:40 am IST

ഹാഥ്‌നികുണ്ഡ് ബാരേജില്‍ നിന്ന് യമുനയിലേക്ക് തുറന്ന് വിട്ടത് 3 ലക്ഷം ക്യൂസെക് ജലം. ഇതേ തുടര്‍ന്നാണ് യമുനാ നദിയിലെ ജലം അപകട നിലയ്ക്ക് മുകളിലെത്തിയത്.

Jul 11, 2023, 11:12 am IST

ഹരിയാനയിലെ പഞ്ച്കുലയിലെ മഴയെ തുടര്‍ന്ന് ഒരു ഫ്‌ളൈഓവര്‍ ഒലിച്ച് പോയി. റോഡിലാകെ വിള്ളല്‍ വീണിരിക്കുകയാണ്. കനത്ത മഴയാണ് നഗരത്തില്‍ രേഖപ്പെടുത്തിയിരിക്കുന്നത്.

#WATCH | Haryana: A portion of a flyover in Panchkula washed away due to heavy rainfall in the city. Cracks were also seen at many places on the road. pic.twitter.com/LXiL3YH93c
— ANI (@ANI) July 11, 2023

Jul 11, 2023, 11:03 am IST

അമര്‍നാഥ് യാത്രയ്ക്ക് തുടര്‍ച്ചയായ നാലാം ദിവസവും വിലക്ക്. ജമ്മു-ശ്രീനഗര്‍ ദേശീയ പാത അടച്ചതിനെ തുടര്‍ന്നാണിത്. നിരവധി തീര്‍ത്ഥാടകര്‍ ഇതേ തുടര്‍ന്ന് ജമ്മുവിലാണ് ഉള്ളത്. ഏഴായിരത്തോളം തീര്‍ത്ഥാടകരാണ് ജമ്മുവില്‍ കുടുങ്ങി കിടക്കുന്നതെന്നാണ് റിപ്പോര്‍ട്ട്.

Jul 11, 2023, 11:00 am IST

കനത്ത മഴയെ തുടര്‍ന്ന് റിഷികേഷിലെ എയിംസിലുള്ള എമര്‍ജന്‍സില്‍ വാര്‍ഡില്‍ വെള്ളം കയറി. കഴിഞ്ഞ ദിവസം രാത്രിയോടെയാണ് ഇവിടെ വെള്ളം കയറിയത്.

Jul 11, 2023, 10:27 am IST

ഉത്തേരന്ത്യയില്‍ മഴക്കെടുതിയില്‍ കഴിഞ്ഞ 2 ദിവസത്തിനിടെ മരിച്ചത് 37 പേര്‍. മണ്ണിടിച്ചിലിലാണ് ഭൂരിഭാഗം പേരും കൊല്ലപ്പെട്ടത്.

Jul 11, 2023, 10:13 am IST

ഡൽഹിയിൽനിന്ന് അംബാലയിലേക്കുള്ള 24 ട്രെയിനുകൾ റദ്ദാക്കി.

Jul 11, 2023, 10:13 am IST

ഹരിയാനയിൽ അംബാലയിലെ സ്കൂളില്‍ 730 വിദ്യാർത്ഥികള്‍ കുടുങ്ങി. ഇവരെ രക്ഷിക്കാനായി കരസേന സിരക്പുരിലേക്കു തിരിച്ചു.

Jul 11, 2023, 10:11 am IST

ഡൽഹിയിൽ ഏതു സാഹചര്യവും നേരിടാൻ സർക്കാർ തയാറാണെന്ന് മുഖ്യമന്ത്രി അരവിന്ദ് കെജ്രിവാള്‍

Jul 11, 2023, 10:10 am IST

ഡൽഹിയിൽ യമുന നദിയിലെ ജലനിരപ്പ് അപകടനില കടന്നു

Jul 11, 2023, 10:04 am IST

മാണ്ഡിയിലെ ആറാം മൈലിന് സമീപം മണ്ണിടിച്ചിലിനെ തുടർന്ന് ചണ്ഡീഗഡ്-മണാലി ദേശീയ പാത അടച്ചു.

#WATCH | Himachal Pradesh | Chandigarh-Manali national highway closed following landslide near Six Mile area in Mandi.

(Video - drone visuals) pic.twitter.com/yZE6v4GR43
— ANI (@ANI) July 11, 2023

Jul 11, 2023, 9:59 am IST

തിങ്കളാഴ്ച ഷിംലയിൽ മണ്ണിടിച്ചിലിൽ നാല് പേർ കൂടി മരിച്ചതോടെ മഴയെ തുടർന്നുണ്ടായ അപകടങ്ങളിൽ മൂന്ന് ദിവസത്തിനിടെ ഹിമാചല്‍ പ്രദേശില്‍ മരിച്ചവരുടെ എണ്ണം 20 ആയി

9:23 AM, 4 Jul

കേരളത്തില്‍ രണ്ട് ദിവസംകൂടി വ്യാപകമായ മഴ തുടരാനാണ് സാധ്യതയെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. വ്യാഴാഴ്ചയോടെ മഴയുടെ ശക്തി കുറയും

9:26 AM, 4 Jul

ഇടുക്കിയിലും കണ്ണൂരിലും ഇന്ന് റെഡ് അലര്‍ട്ട് ആണ്. നാളെ കോഴിക്കോടും റെഡ് അലര്‍ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം ജില്ലകളില്‍ ഇന്ന് യെല്ലോ അലര്‍ട്ടും ഇടുക്കിയും കണ്ണൂരും ഒഴികെയുള്ള മറ്റു ജില്ലകളില്‍ ഓറഞ്ച് അലര്‍ട്ടും ആണ്

9:27 AM, 4 Jul

ഇന്ന് എറണാകുളം, ആലപ്പുഴ പ്രൊഫഷണല്‍ കോളേജുകള്‍ അടക്കം എല്ലാ വിദ്യാഭ്യാസ സ്ഥാപനങ്ങള്‍ക്കും അവധി പ്രഖ്യാപിച്ചിട്ടുണ്ട്. കാസര്‍കോട് ജില്ലയിലെ സ്‌കൂളുകള്‍ക്കും അവധി പ്രഖ്യാപിച്ചിട്ടുണ്ട്.

9:36 AM, 4 Jul

മുന്‍ നിശ്ചയിച്ച പ്രകാരമുള്ള പിഎസ്സി, യൂണിവേഴ്‌സിറ്റി പരീക്ഷകള്‍ക്ക് മാറ്റമുണ്ടായിരിക്കില്ല

10:05 AM, 4 Jul

ആലപ്പുഴയിലും ഇടുക്കിയിലുമായി 3 ദുരിതാശ്വാസ ക്യാംപുകള്‍ ആരംഭിച്ചിട്ടുണ്ട്. 57 പേരെ ക്യാംപുകളിലേക്ക് മാറ്റിയിട്ടുണ്ട്. സംസ്ഥാന കണ്‍ട്രോള്‍ റൂം നമ്പറുകള്‍: 0471 2333198, 2331639.

10:31 AM, 4 Jul

പത്തനംതിട്ട മണിയാര്‍ അണക്കെട്ട് തുറന്നു. അണക്കെട്ടിന്റെ രണ്ട് ഷട്ടറുകള്‍ 10 സെ.മീ വീതം ഉയര്‍ത്തിയിരിക്കുകയാണ്. ഇതിന്റെ പശ്ചാത്തലത്തില്‍ പത്തനംതിട്ട കളക്ടറേറ്റിലും താലൂക്ക് ഓഫിസുകളിലും പ്രത്യേക കണ്‍ട്രോണ്‍ റൂം തുറന്നു. ജില്ലാ എമര്‍ജന്‍സി ഓപ്പറേഷന്‍സ് സെന്റര്‍ നമ്പറുകള്‍ ഇവയാണ്: 04682322515, 8078808915, ടോള്‍ഫ്രീ നമ്പര്‍: 1077

10:42 AM, 4 Jul

ശക്തമായ മഴയെ തുടര്‍ന്ന് പത്തനംതിട്ട കോട്ടാങ്ങലില്‍ കിണര്‍ ഇടിഞ്ഞുതാഴ്ന്നു. നിരണത്ത് ശക്തമായ കാറ്റില്‍ തെങ്ങ് വീണ് പശു ചത്തു.

11:12 AM, 4 Jul

കനത്ത മഴയില്‍ റെയില്‍വേ ട്രാക്കില്‍ മരം വീണു. പുനലൂര്‍ - കൊല്ലം, കൊല്ലം - പുനലൂര്‍ മെമു സര്‍വീസുകള്‍ റദ്ദാക്കി.

11:26 AM, 4 Jul

തിരുവനന്തപുരം മുതലപ്പൊഴിയില്‍ ശക്തമായ തിരമാല. വള്ളം മറിഞ്ഞ് അപകടം. വള്ളത്തിലുണ്ടായിരുന്ന മൂന്ന് പേരും രക്ഷപ്പെട്ടു

11:36 AM, 4 Jul

സംസ്ഥാനത്ത് കനത്ത മഴയില്‍ 36 വീടുകള്‍ ഭാഗികമായി തകര്‍ന്നു. മണ്ണിടിച്ചിലും മഴവെള്ളപ്പാച്ചിലും ഉണ്ടാകാന്‍ സാധ്യതയുണ്ടെന്ന് കാലാവസ്ഥാ വകുപ്പിന്റെ മുന്നറിയിപ്പ്. വിവിധ തീരങ്ങളില്‍ കടലാക്രമണം ശക്തമാകാനും സാധ്യത

11:46 AM, 4 Jul

കനത്ത മഴയില്‍ സംസ്ഥാനത്തെ താഴ്ന്ന പ്രദേശങ്ങളില്‍ വെള്ളം കയറി

12:23 PM, 4 Jul

നാളെ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ ഓറഞ്ച് അലര്‍ട്ടായിരിക്കും. മലപ്പുറം, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ മറ്റന്നാളും ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്.

12:54 PM, 4 Jul

മഴ തുടരുന്ന സാഹചര്യത്തില്‍ തിരുവനന്തപുരം ജില്ലയില്‍ ക്വാറിയിംഗ്, മൈനിംഗ് പ്രവര്‍ത്തനങ്ങളും മലയോര മേഖലയിലേക്കുള്ള അവശ്യ സര്‍വീസുകള്‍ ഒഴികെയുള്ള ഗതാഗതം, ബീച്ചിലേക്കുള്ള വിനോദസഞ്ചാരം എന്നിവയും നിരോധിച്ചു. ജില്ലാ കളക്ടര്‍ ജെറോമിക് ജോര്‍ജ് ഇത് സംബന്ധിച്ച ഉത്തരവ് പുറപ്പെടുവിച്ചു.

1:12 PM, 4 Jul

സംസ്ഥാനത്ത് അഞ്ച് ദിവസം വ്യാപകമഴക്ക് സാധ്യത. ഒറ്റപ്പെട്ടയിടങ്ങളില്‍ ശക്തമായ മഴക്ക് സാധ്യതയെന്നും മുന്നറിയിപ്പ്‌

1:57 PM, 4 Jul

ഇന്നലെ കാസര്‍കോട് അംഗടിമുഗര്‍ ഗവണ്‍മെന്റ് ഹയര്‍സെക്കണ്ടറി സ്‌കൂള്‍ കോമ്പൗണ്ടില് മരം മുറിഞ്ഞ് വീണ് മരിച്ച ആയിഷത്ത് മിന്‍ഹയുടെ മൃതദേഹം സംസ്‌ക്കരിച്ചു. ഇന്ന് രാവിലെ പത്തരയോടെ പെര്‍ളാടം ജുമാമസ്ജിദ് ഖബര്‍സ്ഥാനില്‍ വെച്ചായിരുന്നു ഖബറടക്കം.

2:15 PM, 4 Jul

കൊച്ചി പാലാരിവട്ടത്ത് മരം വീണ് രണ്ട് ബൈക്ക് യാത്രികര്‍ക്ക് പരിക്കേറ്റു

2:27 PM, 4 Jul

മഴയുണ്ടെങ്കിൽ തലേദിവസം തന്നെ വിദ്യാഭ്യാസ സ്ഥാപനങ്ങൾക്ക് അവധി നൽകണമെന്ന് വിദ്യാഭ്യാസമന്ത്രി

2:45 PM, 4 Jul

സ്കൂളുകളിൽ ഹെൽപ്പ് ഡസ്ക് ആരംഭിക്കുമെന്ന് വിദ്യാഭ്യാസ മന്ത്രി ശിവൻ കുട്ടി.

3:08 PM, 4 Jul

മഴയിലും കാറ്റിലും മരം വീണ് കൊച്ചി പാലാരിവട്ടത്ത് ദമ്പതികള്‍ക്ക് പരിക്ക്.

3:09 PM, 4 Jul

വരും മണിക്കൂറിൽ വടക്കൻ കേരളത്തിൽ മഴ ശക്തമാകാൻ സാധ്യതയെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ്

3:23 PM, 4 Jul

കേരളത്തിൽ അതിതീവ്ര മഴയ്ക്ക് സാധ്യതയുള്ളതിനാൽ കേന്ദ്ര കാലാവസ്ഥ വകുപ്പ് 3 ജില്ലകളിൽ റെഡ് അലേർട്ട് പ്രഖ്യാപിച്ചു. ഇടുക്കി, കണ്ണൂർ,കാസറഗോഡ് ജില്ലകളിലാണ് റെഡ് അലേർട്ട്.

3:53 PM, 4 Jul

കനത്ത മഴയില്‍ തെങ്ങ് കടപുഴകി വീണ് മധ്യവയസ്‌ക മരിച്ചു. പാലക്കാട് വടക്കഞ്ചേരിയില്‍ തങ്കമണിയാണ് മരിച്ചത്‌

4:13 PM, 4 Jul

പൊന്നാനിയിൽ കടൽക്ഷോഭം: മുപ്പതോളം വീടുകളിൽ വെള്ളം കയറി. കോഴിക്കോട് വാക്കടവിലും കപ്പലങ്ങാടിയിലും കടുക്കബസാറിലും കടൽക്ഷോഭം. നൂറോളം വീടുകളിൽ വെള്ളം കയറി

4:52 PM, 4 Jul

കാസർകോഡ് നാളെ സ്കൂളുകൾക്ക് അവധി- കാസറഗോഡ് നാളെയും അതിശക്തമായ മഴ തുടരുമെന്ന മുന്നറിയിപ്പുള്ളതിനാൽ മുൻകരുതൽ എന്ന നിലയിൽ ജില്ലയിലെ സ്റ്റേറ്റ് , സിബിഎസ്ഇ, ഐസിഎസ് സി സ്‌കൂളുകൾ കേന്ദ്രീയ വിദ്യാലയങ്ങൾ, അങ്കണവാടികൾ, മദ്രസകൾ തുടങ്ങിയ വിദ്യാഭ്യാസ സ്ഥാപനങ്ങൾക്ക് നാളെയും കൂടി അവധി പ്രഖ്യാപിച്ചതായി കളക്ടർ അറിയിച്ചു. അതേസമയം കോളേജുകൾക്ക് നാളത്തെ അവധി ബാധകമല്ല.

5:41 PM, 4 Jul

കണ്ണൂര്‍ ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് കളക്ടര്‍ അവധി പ്രഖ്യാപിച്ചു.ജില്ലയിലെ പ്രൊഫഷണല്‍ കോളജുകള്‍ ഉള്‍പ്പെടെ സ്റ്റേറ്റ്, സിബിഎസ്ഇ, ഐസിഎസ്‍സി സ്‌കൂളുകൾ കേന്ദ്രീയ വിദ്യാലയങ്ങൾ, അങ്കണവാടികൾ, മദ്രസകൾ തുടങ്ങിയ വിദ്യാഭ്യാസ സ്ഥാപനങ്ങൾക്കാണ് അവധി.

6:24 PM, 4 Jul

വ്യാഴാഴ്ച (ജൂലൈ ആറ്) വരെ കേരള, കർണാടക, ലക്ഷദ്വീപ് തീരങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ 65 കിലോമീറ്റർ വരെ വേഗതയിലും വെള്ളി (ജൂലൈ ഏഴ്), ശനി (ജൂലൈ എട്ട്) ദിവസങ്ങളിൽ മണിക്കൂറിൽ 40 മുതൽ 45 കിലോമീറ്റർ വരെയും ചില അവസരങ്ങളിൽ 55 കിലോമീറ്റർ വരെ വേഗതയിലും ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്. ഈ സാഹചര്യത്തിൽ മുന്നറിയിപ്പുള്ള ദിവസങ്ങളിൽ മത്സ്യബന്ധനത്തിന് പോകരുതെന്ന് കേന്ദ്രകാലാവസ്ഥാ വകുപ്പ് അറിയിച്ചു.

7:15 PM, 4 Jul

തൃശ്ശൂരിൽ വിദ്യാർത്ഥി മുങ്ങി മരിച്ചു. പടിയൂർ വളവനങ്ങാടി സ്വദേശി വെറോൺ (20) ആണ് മരിച്ചത്.

7:17 PM, 4 Jul

തൃശൂരിൽ പ്രൊഫഷണൽ കോളേജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും ബുധനാഴ്ച അവധി

7:19 PM, 4 Jul

കണ്ണൂരിൽ മലയോര മേഖലയിലേക്ക് പാത്രി 10 ന് ശേഷം യാത്രാനിരോധനം

7:43 PM, 4 Jul

അതിശക്തമായ മഴ തുടരുന്ന സാഹചര്യത്തിൽ കോട്ടയം ജില്ലയിലെ പ്രൊഫഷനൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും കളക്ടർ അവധി പ്രഖ്യാപിച്ചു

തിരുവനന്തപുരം: സംസ്ഥാനത്ത് കനത്ത മഴ തുടരുന്നു. ഇടുക്കിയിലും കണ്ണൂരിലും റെഡ് അലര്‍ട്ട് പ്രഖ്യാപിച്ചിട്ടുണ്ട്. നാളെ കോഴിക്കോടും റെഡ് അലര്‍ട്ടായിരിക്കും. ഇന്ന് തിരുവനന്തപുരം, കൊല്ലം ജില്ലകളില്‍ യെല്ലോ അലര്‍ട്ടും ഇടുക്കിയും കണ്ണൂരും ഒഴികെയുള്ള മറ്റു ജില്ലകളില്‍ ഓറഞ്ച് അലര്‍ട്ടും പ്രഖ്യാപിച്ചിരിക്കുകയാണ്. വ്യാഴാഴ്ചയോടെ മഴ കുറയാനാണ് സാധ്യത എന്നാണ് വിവരം.

അതേസമയം കനത്ത മഴയുടെ പശ്ചാത്തലത്തില്‍ ഇന്ന് എറണാകുളം, ആലപ്പുഴ, കാസര്‍കോട് ജില്ലകളിലെ സ്‌കൂളുകള്‍ക്ക് അവധി പ്രഖ്യാപിച്ചിരിക്കുകയാണ്. എറണാകുളം, ആലപ്പുഴ ജില്ലകളിലെ പ്രൊഫഷണല്‍ കോളേജുകള്‍ അടക്കം എല്ലാ വിദ്യാഭ്യാസ സ്ഥാപനങ്ങള്‍ക്കുമാണ് അവധി പ്രഖ്യാപിച്ചിരിക്കുന്നത്.