സംസ്ഥാനത്ത് മഴകുറയുന്നു....രക്ഷാപ്രവര്ത്തനം പുനരാരംഭിച്ചു.. കുട്ടനാട്ടില് എല്ലാവരെയും ഒഴിപ്പിക്കും
ആലപ്പുഴ: കേരളത്തില് ദിവസങ്ങള് നീണ്ട ദുരിതത്തിന് ശേഷം കാലാവസ്ഥ തെളിയുന്നു. മഴയുടെ രൂക്ഷത കുറയുന്നുവെന്നാണ് റിപ്പോര്ട്ട്. അതേസമയം സംസ്ഥാനത്തെ പല ജില്ലകളിലും നിരവധിപ്പേരാണ് കുടുങ്ങി കിടക്കുന്നത്. ചെങ്ങന്നൂരിന് പുറമേ കുട്ടനാട്ടിലും സ്ഥിതി ഭീകരമാണെന്നാണ് വിലയിരുത്തല്. നിലവില് ഇടുക്കി, പത്തനംത്തിട്ട, എറണാകുളം ജില്ലകളില് മാത്രമാണ് ശക്തമായ മഴയ്ക്കുള്ള സാധ്യതയുള്ളത്. ഇവിടെ നേരത്തെ റെഡ് അലര്ട്ട് പ്രഖ്യാപിച്ചിരുന്നു. കോട്ടയം, തൃശൂര്, കൊല്ലം, ആലപ്പുഴ ജില്ലകളിലും നേരത്തെ യെല്ലോ അലര്ട്ടും പ്രഖ്യാപിച്ചിരുന്നു. അതേസമയം എല്ലാ ജില്ലകളിലും രക്ഷാപ്രവര്ത്തനം പുനരാരംഭിച്ചിട്ടുണ്ട്.
കുട്ടനാട്ടില് നിന്ന് ജനങ്ങളെ പൂര്ണമായും ഒഴിപ്പിക്കേണ്ടിവരുമെന്നാണ് സൂചന. കുമരകം മുതല് വൈക്കം വരെയുള്ള പതിനായിരത്തോളം വീടുകള് വെള്ളത്തിനടിയിലാണ്. അതേസമയം ചെങ്ങന്നൂരിലും രക്ഷാപ്രവര്ത്തനം ആരംഭിച്ചു. ഇവിടെ ഇപ്പോഴും കനത്ത മഴയുണ്ട്. ഉള്പ്രദേശങ്ങളില് ഇപ്പോഴും നിരവധി പേര് കുടുങ്ങി കിടക്കുന്നുണ്ട്. ഇവരെ ദുരിതാശ്വാസ കേന്ദ്രങ്ങളില് എത്തിക്കാനുള്ള ശ്രമത്തിലാണ് രക്ഷാപ്രവര്ത്തകര്.
എന്നാല് ആലുവയില് ജലനിരപ്പ് കുറഞ്ഞ് തുടങ്ങിയിട്ടുണ്ട്. കുട്ടനാടില് ഇപ്പോള് മഴ ഇടവിട്ട് മാത്രമാണ് പെയ്യുന്നത്. അപ്പര് കുട്ടനാട്ടില് കടുത്ത പ്രതിസന്ധിയാണുള്ളത്. നെല്ലിയാമ്പതിയില് കുടുങ്ങി കിടക്കുന്നവര്ക്ക് ഹെലികോപ്ടര് വഴി ഭക്ഷണവും വൈദ്യസഹായവും എത്തിക്കും. തൃശൂരില് ഭാരതപ്പുഴ, ചാലക്കുടി പുഴ എന്നിവയില് ജലനിരപ്പ് കുറഞ്ഞത് രക്ഷാപ്രവര്ത്തനം ഊര്ജിതമാക്കിയിട്ടുണ്ട്.
അടിയന്തര സഹായത്തിന് 1077 എന്ന ടോള്ഫ്രീ നമ്പറിലേക്ക് വിളിക്കാം. സ്ഥലത്തെ STD code ചേര്ത്ത് വേണം 1077ലേക്ക് വിളിക്കാന്
വിളിക്കേണ്ട മറ്റ് നമ്പറുകള് ചുവടെ ചേര്ത്തിരിക്കുന്നു
തിരുവനന്തപുരം-
0471
2730045
കൊല്ലം-
0474
2794002
പത്തനംതിട്ട-
0468
2322515
ആലപ്പുഴ-
0477
2238630
കോട്ടയം
0481
2562201
ഇടുക്കി
0486
2233111
എറണാകുളം
0484
2423513
തൃശ്ശൂര്
0487
2362424
പാലക്കാട്
0491
2505309
മലപ്പുറം
0483
2736320
കോഴിക്കോട്
0495
2371002
വയനാട്
9207985027
കണ്ണൂര്
0468
2322515