അറബിക്കടലില് ന്യൂനമര്ദ്ദം: ജൂണ് ആറ് മുതല് ശക്തമായ മഴയ്ക്ക് സാധ്യത, ജാഗ്രതാ നിര്ദ്ദേശം
തിരുവനന്തപുരം: തെക്കുകിഴക്കന് അറബിക്കടലില് രൂപപ്പെട്ട ന്യൂനമര്ദ്ദം ബുധനാഴ്ചയോടെ വടക്കുപടിഞ്ഞാറന് ദിശയിലേക്ക് നീങ്ങി ചുഴലിക്കാറ്റായി മാറാന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ഈ സാഹചര്യത്തില് ജൂണ് ആറ് മുതല് പത്ത് വരെ ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം അറിയിക്കുന്നത്. ചുഴലിക്കാറ്റിന്റെ തീവ്രതയും അറബിക്കടലില് അതിന്റെ സ്ഥാനവും കേരളത്തിലെ കാലവര്ഷത്തിന്റെ തുടക്കത്തെ ബാധിക്കുമെന്നും കാലാവസ്ഥ വകുപ്പ് വ്യക്തമാക്കുന്നു.
അടുത്ത 6 മണിക്കൂറിനുള്ളില് വടക്ക് ദിശയില് സഞ്ചരിച്ചു മധ്യ കിഴക്കന് അറബിക്കടലില് ചുഴലിക്കാറ്റായി മാറാന് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പ് അറിയിക്കുന്നകത്. ജൂണ് 6, 7 തീയതികളില് കേരളതീരങ്ങളില് ശക്തമായ കാറ്റിനും കടല് പ്രക്ഷുബ്ദ്ധമാകാനും സാധ്യതയുണ്ട്.
കേരളത്തില് അടുത്ത 5 ദിവസം വ്യാപകമായി ഇടി, മിന്നല്, കാറ്റോട് കൂടിയ മഴക്ക് സാധ്യതയുണ്ട്. ജൂണ് 6 മുതല് 10 വരെ ഒറ്റപ്പെട്ട സ്ഥലങ്ങളില് ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. 2021 ലും സമാനമായ ചുഴലിക്കാറ്റ് അറബിക്കടലില് രൂപപ്പെട്ടിരുന്നു. യാസ് ചുഴലിക്കാറ്റ് എന്ന പേരിലായിരുന്നു ഇത് അറിയപ്പെട്ടത്. അതേസമയം, കേരളത്തില് ജൂണ് എട്ട് അല്ലെങ്കില് ഒമ്പതോട് കൂടി കേരളത്തില് കാലവര്ഷമെത്തുമെന്നാണ് പ്രവചനം.
കേന്ദ്ര കാലാവസ്ഥാവകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം
വിവിധ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ട് പ്രഖാപിച്ചിരിക്കുന്നു.
06-06 -2023: പത്തനംതിട്ട, ഇടുക്കി
07-06 -2023: പത്തനംതിട്ട, ആലപ്പുഴ
08-06 -2023: ആലപ്പുഴ, എറണാകുളം
09-06 -2023: തിരുവനന്തപുരം, കൊല്ലം
10-06 -2023: പത്തനംതിട്ട, ഇടുക്കി
എന്നീ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ട് പ്രഖ്യാപിച്ചിരിയ്ക്കുന്നു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
മത്സ്യത്തൊഴിലാളി ജാഗ്രത നിര്ദേശം
കേരള - കര്ണാടക -ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
06-06-2023: കേരള - കര്ണാടക -ലക്ഷദ്വീപ് തീരങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
07-06-2023: കേരള തീരത്ത് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് മണിക്കൂറില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
07-06-2023 മുതല് 10-06-2023 വരെ: കര്ണാടക തീരങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് മണിക്കൂറില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
Click it and Unblock the Notifications
Sign in with Google