മഴ ശക്തമാകുന്നു; ഇന്ന് 12 ജില്ലകളിലെ സ്കൂളുകള്ക്ക് അവധി
തിരുവനന്തപുരം: അതിശക്തമായ മഴയും കാറ്റും തുടരുന്ന സാഹചര്യത്തില് സംസ്ഥാനത്തെ 12 ജില്ലകളിലെ സ്കൂളുകള്ക്ക് ഇന്ന് അവധി. കാസര്കോട്, കണ്ണൂര്, വയനാട്, കോഴിക്കോട്, മലപ്പുറം, തൃശൂര്, പാലക്കാട്, എറണാകുളം, ഇടുക്കി, കോട്ടയം, ആലപ്പുഴ, പത്തനംതിട്ട ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് ഇന്ന് അവധി പ്രഖ്യാപിച്ചിരിക്കുന്നത്. അങ്കണ്വാടി മുതല് പ്രൊഫഷണല് കോളേജുകള്ക്ക് വരെ എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
കനത്ത മഴ തുടരുന്ന സാഹചര്യത്തില് സംസ്ഥാനത്ത് അതീവ ജാഗ്രത നിര്ദേശമാണ് പുറപ്പെടുവിച്ചിരിക്കുന്നത്. വടക്കന് ജില്ലകളില് അതിശക്തമായ മഴ തുടരും. മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഇന്ന് ഓറഞ്ച് അലര്ട്ടും എറണാകുളം, ഇടുക്കി. തൃശൂര്, പാലക്കാട് ജില്ലകളില് യെല്ലോ അലര്ട്ടും പ്രഖ്യാപിച്ചിരിക്കുകയാണ്. ഓരോ ജില്ലകളിലേയും അവധി സംബന്ധിച്ച വിവരങ്ങള് പരിശോധിക്കാം.
കാസര്കോട്
കാസര്കോട് ജില്ലയിലെ കോളേജുകള് (പ്രൊഫഷണല് കോളേജുകള് ഉള്പ്പെടെ) സ്റ്റേറ്റ്, സിബിഎസ്ഇ, ഐസിഎസ് സി സ്കൂളുകള് കേന്ദ്രീയ വിദ്യാലയങ്ങള്, അങ്കണവാടികള്, മദ്രസകള് തുടങ്ങിയ വിദ്യാഭ്യാസ സ്ഥാപനങ്ങള്ക്ക് ബുധനാഴ്ച (ജൂലൈ 31) ജില്ലാ കളക്ടര് കെ. ഇമ്പശേഖര് അവധി പ്രഖ്യാപിച്ചു. മുന്കൂട്ടി പ്രഖ്യാപിച്ച പരീക്ഷകളില് മാറ്റമില്ല.
കണ്ണൂര്
മഴ, ശക്തമായ കാറ്റ് എന്നിവ തുടരുന്ന സാഹചര്യത്തില് കണ്ണൂര് ജില്ലയിലെ അങ്കണവാടികള്, പ്രൊഫഷണല് കോളജുകള്, ട്യൂഷന് ക്ലാസ്സുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് ബുധനാഴ്ച (31.07.2024) ജില്ലാ കളക്ടര് അവധി പ്രഖ്യാപിച്ചു. മുന് നിശ്ചയപ്രകാരമുള്ള പൊതുപരീക്ഷകള്, യൂണിവേഴ്സിറ്റി പരീക്ഷകള് എന്നിവയ്ക്ക് മാറ്റമില്ല. അവധി മൂലം നഷ്ട്ടപ്പെടുന്ന പഠനസമയം ക്രമീകരിക്കാന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കണം.
കോഴിക്കോട്
മഴ ശക്തമായി തുടരുന്ന സാഹചര്യത്തില്, കോഴിക്കോട് ജില്ലയിലെ പ്രൊഫഷണല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച (ജൂലൈ 31) അവധിയായിരിക്കുമെന്ന് ജില്ലാ കളക്ടര് അറിയിച്ചു.
മലപ്പുറം
മലപ്പുറം ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് വി ആര് വിനോദ് ബുധനാഴ്ച അവധി പ്രഖ്യാപിച്ചു. അങ്കണവാടികള്, മദ്രസകള്, ട്യൂഷന് സെന്ററുകള് എന്നിവക്കെല്ലാം അവധി ബാധകമാണ്.
വയനാട്
മഴ ശക്തമായ സാഹചര്യത്തില് ട്യൂഷന് സെന്ററുകള്, അങ്കണവാടികള്, പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് ഇന്ന് (ബുധന്) ജില്ലാ കളക്ടര് ഡിആര് മേഘശ്രീ അവധി പ്രഖ്യാപിച്ചു. റസിഡന്ഷല് സ്കൂളുകള്ക്ക് അവധി ബാധകമല്ല. പിഎസ്സി പരീക്ഷയ്ക്കും മാറ്റം ഉണ്ടായിരിക്കില്ല.
തൃശൂര്
തൃശൂര് ജില്ലയില് ശക്തമായി മഴയും കാറ്റും തുടരുന്ന സാഹചര്യത്തില് ഇന്ന് അംഗണവാടികള്, നഴ്സറികള്, കേന്ദ്രീയ വിദ്യാലയങ്ങള്, സിബിഎസ്ഇ, ഐസിഎസ്ഇ സ്കൂളുകള്, പ്രൊഫഷണല് കോളജുകള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധിായിരിക്കും. മുഴുവന് വിദ്യാര്ഥികള് താമസിച്ചു പഠിക്കുന്ന റസിഡന്ഷ്യല് സ്ഥാപനങ്ങള്ക്ക്/ കോഴ്സുകള്ക്ക് അവധി ബാധകമല്ല. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
പാലക്കാട്
പാലക്കാട് ജില്ലയിലെ പ്രൊഫഷണല് കോളേജുകള്, അംഗണവാടികള്, കിന്റര്ഗാര്ട്ടന്, മദ്രസ്സ, ട്യൂഷന് സെന്റര് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ബുധനാഴ്ച ജില്ലാ കലക്ടര് അവധി പ്രഖ്യാപിച്ചു. മുന്കൂട്ടി നിശ്ചയിച്ച പൊതു പരീക്ഷകള്ക്കും റസിഡന്ഷ്യല് രീതിയില് പഠനം നടത്തുന്ന മോഡല് റസിഡന്ഷ്യല് സ്കൂളുകള്ക്കും നവോദയ വിദ്യാലയത്തിനും അവധി ബാധകമല്ല. നഷ്ടമാവുന്ന അധ്യയന ദിനങ്ങള്ക്ക് പകരം പ്രവര്ത്തിദിനങ്ങള് വിദ്യഭ്യാസ വകുപ്പ് ക്രമീകരിക്കേണ്ടതാണ്.
എറണാകുളം
മഴ ശക്തമായി തുടരുന്ന സാഹചര്യത്തില് എറണാകുളം ജില്ലയിലെ അങ്കണവാടികള്, പ്രൊഫഷണല് കോളജുകള്, സ്വകാര്യ ട്യൂഷന് സെന്ററുകള് അടക്കമുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് ജില്ലാ കളക്ടര് അവധി പ്രഖ്യാപിച്ചു. മുന് നിശ്ചയപ്രകാരമുള്ള പൊതുപരീക്ഷകള്, യൂണിവേഴ്സിറ്റി പരീക്ഷകള് എന്നിവയ്ക്ക് മാറ്റം ഉണ്ടായിരിക്കുന്നതല്ല.
കോട്ടയം
കോട്ടയം ജില്ലയിലെ അങ്കണവാടികള്, പ്രൊഫഷണല് കോളജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് അവധി പ്രഖ്യാപിച്ചു. മദ്രസ, നഴ്സറികള്ക്കും അവധി ബാധകമാണ്. ട്യൂഷന് സെന്ററുകള് ഒരു കാരണവശാലും പ്രവര്ത്തിക്കാന് പാടില്ല. പൂര്ണമായും റസിഡന്ഷ്യല് ആയി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല. നഷ്ടപ്പെടുന്ന പഠന സമയം ഓണ്ലൈന് ക്ലാസുകള് ഉള്പ്പെടെ നടത്തി സ്കൂള് അധികാരികള് ക്രമീകരിക്കേണ്ടതാണ്. പൊതു പരീക്ഷകള്ക്കും മുന് നിശ്ചയിച്ച പരീക്ഷകള്ക്കും അവധി ബാധകമല്ല.
ആലപ്പുഴ
ആലപ്പുഴ ജില്ലയില് ശക്തമായ മഴ തുടരുന്ന സാഹചര്യത്തിലും വിവിധ താലൂക്കുകളിലെ നിരവധി സ്കൂളുകളില് വെള്ളക്കെട്ട് രൂപപ്പെട്ടിട്ടുള്ളതിനാലും ബുധനാഴ്ച ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും, അംഗനവാടികള്ക്കും ട്യൂഷന് സെന്ററുകള്ക്കും അവധി നല്കി ജില്ല കളക്ടര്. മുന് നിശ്ചയിച്ച പരീക്ഷകള്ക്ക് മാറ്റമില്ല.
ഇടുക്കി
മഴയും കാറ്റും തുടരുന്ന സാഹചര്യത്തില് അപകട സാധ്യതകള് ഒഴിവാക്കുന്നതിനായി ബുധനാഴ്ച ജില്ലയിലെ പ്രൊഫഷണല് കോളേജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് വി വിഘ്നേശ്വരി അവധി പ്രഖ്യാപിച്ചു. അങ്കണവാടികള്, മദ്രസ, കിന്ഡര്ഗാര്ട്ടന് എന്നിവയ്ക്കും അവധി ബാധകമാണ്. ട്യൂഷന് സെന്ററുകള് ഒരു കാരണവശാലും പ്രവര്ത്തിക്കാന് പാടില്ല. പൂര്ണ്ണമായും റസിഡന്ഷ്യല് ആയി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്ക് അവധി ബാധകമല്ല. നഷ്ടപ്പെടുന്ന പഠന സമയം ഓണ്ലൈന് ക്ലാസുകള് ഉള്പ്പെടെ നടത്തി സ്കൂള് അധികാരികള് ക്രമീകരിക്കേണ്ടതാണ്.
പത്തനംതിട്ട
ശക്തമായ മഴയെത്തുടര്ന്ന് ജില്ലയില് ഇന്ന് പ്രൊഫഷണല് കോളേജുകള്, ട്യൂഷന് സെന്ററുകള് ഉള്പ്പെടെ എല്ലാം വിദ്യാഭ്യാസ സ്ഥാപനങ്ങള്ക്കും കളക്ടര് അവധി പ്രഖ്യാപിച്ചു.
Click it and Unblock the Notifications
Sign in with Google