ബംഗാള് ഉള്ക്കടലില് ന്യുനമര്ദ്ദം; ഈ ജില്ലക്കാര്ക്ക് ജാഗ്രതാ നിര്ദ്ദേശം, മഴ കനക്കും
തിരുവനന്തപുരം: വടക്ക് കിഴക്കന് ബംഗാള് ഉള്ക്കടലില് ന്യുനമര്ദ്ദം രൂപപ്പെട്ടതായി കാലാവസ്ഥ നിരീക്ഷണ കേന്ദ്രം അറിയിച്ചു. അടുത്ത 24 മണിക്കൂറിനുള്ളില് ശക്തി പ്രാപിക്കാന് സാധ്യതയുണ്ടെന്നും കേരളത്തില് അടുത്ത 5 ദിവസം വ്യാപകമായ മഴയ്ക്ക് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ജൂണ് 9 മുതല് 11 വരെ ഒറ്റപ്പെട്ട സ്ഥലങ്ങളില് ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
മധ്യകിഴക്കന് അറബിക്കടലിനു മുകളില് ബിപോര്ജോയ് അതി തീവ്ര ചുഴലിക്കാറ്റായി സ്ഥിതി ചെയ്യുന്നു. അടുത്ത 36 മണിക്കൂറില് വീണ്ടും ശക്തി പ്രാപിക്കുന്ന ബിപോര്ജോയ് വടക്ക് കിഴക്ക് ദിശയിലും തുടര്ന്നുള്ള 3 ദിവസം വടക്ക് പടിഞ്ഞാറു ദിശയിലും സഞ്ചരിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
കേന്ദ്ര കാലാവസ്ഥാവകുപ്പിന്റെ അടുത്ത ദിവസത്തേക്കുള്ള പുതുക്കിയ മഴ സാധ്യത പ്രവചനം
09-06-2023 : തിരുവനന്തപുരം, കൊല്ലം, പത്തനംതിട്ട,ആലപ്പുഴ, കോട്ടയം, ഇടുക്കി, കോഴിക്കോട്, കണ്ണൂര്
10-06-2023 : പത്തനംതിട്ട,ആലപ്പുഴ, കോട്ടയം, എറണാകുളം, ഇടുക്കി
11-06-2023 : പത്തനംതിട്ട,ആലപ്പുഴ, കോട്ടയം, എറണാകുളം, ഇടുക്കി
എന്നീ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ട് പ്രഖ്യാപിച്ചിരിയ്ക്കുന്നു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
മത്സ്യത്തൊഴിലാളി ജാഗ്രത നിര്ദേശം
കേരള -കര്ണാടക- ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
09-06-2023 മുതല് 13-06-2023 വരെ: കേരള -കര്ണാടക- ലക്ഷദ്വീപ് തീരങ്ങളില് മണിക്കൂറില് 40മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
മേല്പ്പറഞ്ഞ തീയതിയിലും പ്രദേശത്തും മത്സ്യബന്ധനത്തിന് പോകുവാന് പാടുള്ളതല്ല.
പ്രത്യേക ജാഗ്രതാ നിര്ദേശം
09-06-2023: മധ്യ-കിഴക്കന് അറബിക്കടല് അതിനോട് ചേര്ന്നുള്ള മധ്യ പടിഞ്ഞാറന് അറബിക്കടല് എന്നിവിടങ്ങളില് മണിക്കൂറില് 125 മുതല് 135 കിലോമീറ്റര് വരെയും ചില അവസരങ്ങളില് മണിക്കൂറില് 160 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത. 09-06-2023 രാത്രിയോടെ കാറ്റിന്റെ വേഗത ഈ പ്രദേശങ്ങളില് മണിക്കൂറില് 145 മുതല് 155 കിലോമീറ്റര് വരെയും ചില അവസരങ്ങളില് മണിക്കൂറില് 170 കിലോമീറ്റര് വരെയും മാറി വരുവാന് സാധ്യത.
10-06-2023: മധ്യ-കിഴക്കന് അറബിക്കടല് അതിനോട് ചേര്ന്നുള്ള മധ്യ പടിഞ്ഞാറന് അറബിക്കടല് എന്നിവിടങ്ങളില് മണിക്കൂറില് 145 മുതല് 155 കിലോമീറ്റര് വരെയും ചില അവസരങ്ങളില് മണിക്കൂറില് 170 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത. വടക്ക്-കിഴക്കന് അറബിക്കടലിനോട് ചേര്ന്ന പ്രദേശങ്ങളില് മണിക്കൂറില് 70 മുതല് 80 കിലോമീറ്റര് വരെയും ചില അവസരങ്ങളില് മണിക്കൂറില് 90 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
11-06-2023: മധ്യ-കിഴക്കന് അറബിക്കടല് അതിനോട് ചേര്ന്നുള്ള മധ്യ പടിഞ്ഞാറന് അറബിക്കടല് എന്നിവിടങ്ങളില് മണിക്കൂറില് 135 മുതല് 145 കിലോമീറ്റര് വരെയും ചില അവസരങ്ങളില് മണിക്കൂറില് 160 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത. 11-06-2023 വൈകിട്ടോടെ കാറ്റിന്റെ വേഗത ഈ പ്രദേശങ്ങളില് മണിക്കൂറില് 130 മുതല് 140കിലോമീറ്റര് വരെയും ചില അവസരങ്ങളില് മണിക്കൂറില് 155 കിലോമീറ്റര് വരെയും മാറി വരുവാന് സാധ്യത.
Click it and Unblock the Notifications
Sign in with Google