കേരളത്തില് വീണ്ടും മുന്നറിയിപ്പ്; ആഗസ്റ്റ് ഒന്ന് വരെ മഴ, മത്സ്യബന്ധനത്തിന് വിലക്ക്
തിരുവനന്തപുരം : സംസ്ഥാനത്ത് വീണ്ടും മഴ മുന്നറിയിപ്പ്. ആഗസ്റ്റ് ഒന്ന് വരെ മഴയ്ക്ക് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം അറിയിക്കുന്നത്. ഇന്ന് മുതല് ജൂലായ് 31 വരെ കര്ണാടക തീരത്ത് മണിക്കൂറില് 40 മുതല് 45 കിലോ മീറ്റര് വരെയും ചില സമയങ്ങളില് 55 കിലോ മീറ്റര് വരെയും ശക്തമായ കാറ്റിനും മോശമായ കാലാവസ്ഥയ്ക്കും സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിക്കുന്നു.
അടുത്ത 3 മണിക്കൂറില് കേരളത്തിലെ ഇടുക്കി, വയനാട്, കണ്ണൂര്, കാസറഗോഡ് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു .
അതേസമയം, ഇന്ന് ശീലങ്കന് തീരത്തിന്റെ തെക്ക്-പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന തെക്കു-കിഴക്കന് ബംഗാള് ഉള്ക്കടല്, മധ്യ കിഴക്കന് ബംഗാള് ഉള്ക്കടല്, വടക്കന് ആന്ഡമാന് കടല്, അതിനോട് ചേര്ന്ന തെക്കന് ആന്ഡമാന് കടല് എന്നീ പ്രദേശങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
നാളെ ഗള്ഫ് ഓഫ് മാന്നാര് , തെക്കന് തമിഴ്നാട് തീരം അതിനോട് ചേര്ന്ന കന്യാകുമാരി പ്രദേശം , മധ്യ പടിഞ്ഞാറന് ബംഗാള് ഉള്ക്കടല് പ്രദേശങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത. അതുകൊണ്ട് മത്സ്യബന്ധനത്തിന് മേല്പറഞ്ഞ ദിവസങ്ങളില് മത്സ്യബന്ധനത്തിന് പോകരുതെന്ന് കാലാവസ്ഥ നിരീക്ഷണ കേന്ദ്രം അറിയിക്കുന്നു .
ഈ മാസം 31 മുതല് ആഗസ്റ്റ് 1 വരെ മധ്യ പടിഞ്ഞാറന് ബംഗാള് ഉള്ക്കടല്, ശ്രീലങ്കന് തീരത്തിന്റെ തെക്ക് - പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന തെക്കു - കിഴക്കന് ബംഗാള് ഉള്ക്കടല് , മധ്യ കിഴക്കന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട് .
Click it and Unblock the Notifications
Sign in with Google