ഒക്ടോബര് 24 മുതല് 28 വരെ ഇടിമിന്നലോട് കൂടിയ മഴയ്ക്ക് സാധ്യത; ഏഴ് ജില്ലകളില് യെല്ലോ അലര്ട്ട്
തിരുവനന്തപുരം : സംസ്ഥാനത്ത് ഇന്ന് മുതല് ഒക്ടോബര് 28 വരെ ഒറ്റപ്പെട്ടയിടങ്ങളില് ഇടിമിന്നലോടുകൂടിയ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥാവകുപ്പ് അറിയിച്ചു . ഈ സാഹചര്യത്തില് സംസ്ഥാന ദുരന്ത നിവാരണ അതോറിറ്റി പൊതുജനങ്ങള്ക്കായി ജാഗ്രത നിര്ദേശങ്ങള് പുറത്തിറക്കി. പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, എന്നിങ്ങനെ ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. മലയോര മേഖലകളിലുള്ളവര് ജാഗ്രത പാലിക്കണം . ലക്ഷദ്വീപ് തീരത്തിന് സമീപമുള്ള ചക്രവാതച്ചുഴിയാണ് മഴയ്ക്ക് കാരണം.
മധ്യകേരളത്തില് കഴിഞ്ഞ ദിവസങ്ങളില് ശക്തമായ മഴയാണ് ലഭിച്ചത്. കോട്ടയം, ഇടുക്കി ജില്ലകളിലും കനത്ത മഴ റിപ്പോര്ട്ട് ചെയ്തിരുന്നു. മഴ തുടരുന്ന സാഹചര്യത്തില് മുല്ലപ്പെരിയാര് അണക്കെട്ടില് ജലനിരപ്പ് ഉയര്ന്നിരുന്നു. 136.80 വെള്ളമാണ് ഇപ്പോള് അണക്കെട്ടിലുള്ളത്.
മഴ മുന്നറിയിപ്പുകളുടെ പശ്ചാത്തലത്തില് കനത്ത ജാഗ്രതയിലാണ് കോട്ടയത്തിന്റെ കിഴക്കന് മേഖല. രാത്രിയില് ശക്തമായ മഴ ഒരു പ്രദേശത്തും രേഖപ്പെടുത്തിയില്ല. ഒറ്റപ്പെട്ട ഇടങ്ങളില് ചാറ്റല് മഴ ഉണ്ടായിരുന്നു. പുലര്ച്ചയോടെ അതും നിലച്ചു. ഇന്നലെ വൈകിട്ട് അര മണിക്കൂറോളം സമയമുണ്ടായിരുന്ന കനത്ത മഴയില് കാഞ്ഞിരപ്പള്ളി, മുണ്ടക്കയം മേഖലയിലെ താഴ്ന്ന പ്രദേശങ്ങളില് വെള്ളം കയറിയിരുന്നു. മുണ്ടക്കയം വണ്ടംപതാലില് ആള്പ്പാര്പ്പില്ലാത്ത മേഖലയില് മണ്ണിടിച്ചിലുണ്ടായി.
അതേ സമയം, ഉച്ചയ്ക്കു രണ്ടു മുതല് രാത്രി 10 വരെയുള്ള സമയത്താണ് ഇടിമിന്നല് സാധ്യത കൂടുതല്. ഇടിമിന്നല് ലക്ഷണം കണ്ടാല് തുറസായസ്ഥലങ്ങളില് നില്ക്കുന്നത് ഒഴിവാക്കണം. ജനലും വാതിലും അടച്ചിടണം. ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കണം. വൈദ്യുതി ഉപകരണങ്ങളുമായുള്ള സാമിപ്യം ഒഴിവാക്കണം.
ഇടിമിന്നല് സമയത്ത് ടെറസിലോ ഉയരമുള്ള സ്ഥലങ്ങളിലോ വൃക്ഷക്കൊമ്പിലോ ഇരിക്കുന്നത് അപകടകരമാണ്. പട്ടം പറത്തുന്നത് ഒഴിവാക്കണം
സാരിയില് അതീവ സുന്ദരിയായി റിമി ടോമി; ഏറ്റവും പുതിയ ചിത്രങ്ങള് ഏറ്റെടുത്ത് സോഷ്യല് മീഡിയ
തുണികള് എടുക്കാന് ടെറസിലോ, മുറ്റത്തോ ഇടിമിന്നലുള്ള സമയത്ത് പോകരുത്. അന്തരീക്ഷം മേഘാവൃതമാണെങ്കില്, കുട്ടികളെ ഉച്ചക്ക് 2 മണി മുതല് രാത്രി 10 മണി വരെ തുറസായ സ്ഥലത്തും, ടെറസ്സിലും കളിക്കാന് അനുവദിക്കരുത്.
ജലാശയത്തില് മീന് പിടിക്കാനും കുളിക്കാനും ഇറങ്ങരുത്. ഇടിമിന്നല് സമയങ്ങളില് വാഹനത്തിനുള്ളില് സുരക്ഷിതരായിരിക്കുമെന്നതിനാല് വാഹനമോടിക്കുന്നവര് അതിനുള്ളില് തുടരണം. സൈക്കിള് , ബൈക്ക്, ട്രാക്ടര് തുടങ്ങിയ വാഹനങ്ങളിലുള്ള യാത്ര ഒഴിവാക്കണമെന്നും ജാഗ്രത നിര്ദേശത്തില് പറയുന്നു .
Click it and Unblock the Notifications
Sign in with Google