ഒഡിഷ തീരത്തിന് മുകളില് തീവ്ര ന്യൂനമര്ദ്ദം: സംസ്ഥാനത്ത് വ്യാഴാഴ്ച വരെ ശക്തമായ മഴയ്ക്ക് സാധ്യത
തിരുവനന്തപുരം: കേരളത്തില് ഇന്ന് മുതല് ആഗസ്റ്റ് പതിനൊന്ന് വരെ വ്യാപകമായ മഴക്കും ഒറ്റപ്പെട്ട ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഒഡിഷ തീരത്തിന് മുകളിലായി നിലനിന്നിരുന്ന ശക്തികൂടിയ ന്യൂനമര്ദ്ദം പടിഞ്ഞാറു-വടക്കു പടിഞ്ഞാറു ദിശയില് സഞ്ചരിച്ചു ശക്തി പ്രാപിച്ചു തീവ്ര ന്യൂനമര്ദ്ദമായി തീര്ന്നു.
ഇത് പടിഞ്ഞാറു - വടക്കു പടിഞ്ഞാറു ദിശയില് സഞ്ചരിച്ചു നാളെ (ആഗസ്റ്റ് 10) ഛത്തിസ്ഗഡിനും സമീപപ്രദേശങ്ങള്ക്കും മുകളിലായി ശക്തി കുറഞ്ഞു ശക്തികൂടിയ ന്യൂനമര്ദ്ദം ആകാന് സാധ്യത. മണ്സൂണ് പാത്തി അതിന്റെ സാധാരണ സ്ഥാനത്തുനിന്നും തെക്കോട്ടു മാറി സ്ഥിതി ചെയ്യുന്നു. ഇതിന്റെ സ്വാധീനത്താലാണ് വ്യാപകമായ മഴ പ്രതീക്ഷിക്കുന്നത്.
അതേസമയം, കേരള- ലക്ഷദ്വീപ് തീരങ്ങളില് ഇന്നും (ആഗസ്റ്റ് ഒന്പത്) നാളെയും കര്ണാടക തീരത്ത് ഇന്ന് മുതല് പതിനൊന്ന് വരെയും മത്സ്യബന്ധനത്തിന് പോകരുതെന്ന് മുന്നറിയിപ്പ്.
കേരള- ലക്ഷദ്വീപ് തീരങ്ങളില് ഇന്നും നാളെയും മണിക്കൂറില് 40 മുതല് 50 കിലോമീറ്റര് വേഗതയില് ശക്തമായ കാറ്റിന് സാധ്യത. കര്ണാടക തീരത്ത് ഇന്ന് മുതല് പതിനൊന്ന് വരെയും മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയിലും ശക്തമായ കാറ്റിന് സാധ്യതയുണ്ട്.
ഇന്നും നാളെയും ഗള്ഫ് ഓഫ് മാന്നാര്, കന്യാകുമാരി തീരം, അതിനോട് ചേര്ന്നുള്ള തെക്കന് തമിഴ്നാട് തീരം, തെക്ക്-പടിഞ്ഞാറ് ബംഗാള് ഉള്ക്കടല് അതിനോട് ചേര്ന്നുള്ള ശ്രീലങ്കന് തീരം, കേരളം തീരം, ലക്ഷദ്വീപ് പ്രദേശം, അതിനോട് ചേര്ന്നുള്ള തെക്ക് കിഴക്ക് അറബിക്കടല്, മണിക്കൂറില് 40 മുതല് 50 കിലോമീറ്റര് വേഗതയില് ശക്തമായ കാറ്റിന് സാധ്യത.
ഇന്നും നാളെയും കര്ണാടക തീരം അതിനോട് ചേര്ന്നുള്ള മധ്യ കിഴക്കന് അറബിക്കടല് എന്നിവിടങ്ങളിലും മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയിലും ശക്തമായ കാറ്റിന് സാധ്യത.
ഇന്നും നാളെയും ആന്ധ്രാ പ്രദേശ് തീരത്തും അതിനോട് ചേര്ന്നുള്ള മധ്യ-പടിഞ്ഞാറന് ബംഗാള് ഉള്ക്കടലില് മണിക്കൂറില് 45 മുതല് 55 കിലോമീറ്റര് വേഗതയില്, ചില അവസരങ്ങളില് മണിക്കൂറില് 65 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത.
റിതു..പൊളി ലുക്കിലാണല്ലോ, പൂവുമായി എങ്ങോട്ടാ...; വൈറല് ചിത്രങ്ങള് ഏറ്റെടുത്ത് ആരാധകര്
പതിനൊന്നിന് കര്ണാടക തീരം, അതിനോട് ചേര്ന്നുള്ള മധ്യ-കിഴക്കന് അറബിക്കടലില് മണിക്കൂറില് 40 മുതല് 50 കിലോമീറ്റര് വേഗതയില്, ചില അവസരങ്ങളില് മണിക്കൂറില് 60 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ഈ സാഹചര്യത്തില് മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതിയില് മല്സ്യബന്ധനത്തിന് പോകരുതെന്ന് അധികൃതര് അറിയിച്ചു.
ഇതിനിടെ, ആഗസ്റ്റ് പത്ത് രാത്രി 11.30 വരെ വിഴിഞ്ഞം മുതല് കാസര്ഗോഡ് വരെയുള്ള കേരളതീരത്ത് 3.5 മുതല് 4.0 മീറ്റര് വരെ ഉയരത്തില് തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രത്തിന്റെ മുന്നറിയിപ്പ്. ഈ സാഹചര്യത്തില് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് ജില്ലാ കളക്ടര് ജെറോമിക് ജോര്ജ് അറിയിച്ചു.
കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം. ബോട്ട്, വള്ളം തുടങ്ങിയ മത്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കണം. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കും. മത്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കണമെന്നും ജാഗ്രതാ നിര്ദേശത്തില് പറയുന്നു.
Click it and Unblock the Notifications
Sign in with Google