ന്യൂനമര്ദ്ദം രൂപപ്പെടാന് സാധ്യത: കേരളത്തില് മെയ് 14, 15 ദിവസങ്ങളില് അതിശക്തമായ മഴയ്ക്ക് സാധ്യത
തിരുവനന്തപുരം: 2021 മെയ് 14 നോട് കൂടി തെക്ക് കിഴക്കന് അറബിക്കടലില് ഒരു ന്യൂനമര്ദ പ്രദേശം രൂപപ്പെടാന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. മെയ് 15 നോട് കൂടി ലക്ഷദ്വീപിനടുത്തായി ന്യൂനമര്ദം കൂടുതല് ശക്തിപ്രാപിച്ചു ഒരു തീവ്ര ന്യൂനമര്ദമായി മാറാനും മെയ് 16 നോട് കൂടി ചുഴലിക്കാറ്റായി മാറാനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ ചുഴലിക്കാറ്റ് നിരീക്ഷണ കേന്ദ്രം അറിയിക്കുന്നു. ചുഴലിക്കാറ്റായി മാറിയ ശേഷം വടക്ക് പടിഞ്ഞാറ് ദിശയില് സഞ്ചരിക്കുമെന്നാണ് പ്രതീക്ഷിക്കപ്പെടുന്നത്.
നിലവില് പ്രവചിക്കപ്പെടുന്ന ന്യൂനമര്ദത്തിന്റെ സഞ്ചാരപഥത്തില് കേരളം ഉള്പ്പെടുന്നില്ല. എന്നിരുന്നാലും ന്യൂനമര്ദത്തിന്റെ പ്രഭാവം മൂലം കേരളത്തില് മെയ് 14, 15 ദിവസങ്ങളില് അതിശക്തമായ മഴക്കും ശക്തമായ കാറ്റിനും സാധ്യതയുണ്ട്. വിവിധ ജില്ലകളില് ഓറഞ്ച്, യെല്ലോ അലെര്ട്ടുകള് പ്രഖ്യാപിച്ചിരിക്കുന്നു. കടലാക്രമണം, ശക്തമായ ഇടിമിന്നല് തുടങ്ങിയ അപകട സാധ്യതകളെ സംബന്ധിച്ചും ജാഗ്രത പാലിക്കണം.
കൊവിഡ് രോഗികൾക്കായി ഹേംകുന്ത് ഫൗണ്ടഷൻ സൗജന്യ ഓക്സിജൻ എത്തിച്ചപ്പോൾ- ചിത്രങ്ങൾ
മെയ് 13 മുതല് കേരള തീരത്ത് കടലില് പോകുന്നതിന് ദുരന്ത നിവാരണ അതോറിറ്റി പൂര്ണ്ണ വിലക്കേര്പ്പെടുത്തിയിരിക്കുകയാണ്. നിലവില് ആഴക്കടലില് മല്സ്യ ബന്ധനത്തില് ഏര്പ്പെട്ടിരിക്കുന്ന മല്സ്യ തൊഴിലാളികളോട് മെയ് 12 അര്ദ്ധ രാത്രിയോടെ തീരത്തെത്തുവാന് നിര്ദേശം നല്കിയിട്ടുണ്ട്. ന്യൂനമര്ദത്തിന്റെ വികാസവും സഞ്ചാരപഥവും കേന്ദ്ര കാലാവസ്ഥ വകുപ്പും സംസ്ഥാന ദുരന്ത നിവാരണ അതോറിറ്റിയും സസൂക്ഷ്മം നിരീക്ഷിച്ചു വരികയാണെന്നും കാലാവസ്ഥ നിരീക്ഷണ കേന്ദ്രം അറിയിക്കുന്നു.
രഷ്മി ഗൗതമിന്റെ പുതിയ ചിത്രങ്ങള് കാണാം
Click it and Unblock the Notifications
Sign in with Google