മഴയില് കേരളത്തിന് ആശ്വാസം; എല്ലാ ജില്ലകളിലും ഒറ്റപ്പെട്ട മഴയ്ക്ക് സാധ്യത, റെഡ്, ഓറഞ്ച് അലര്ട്ടുകള് ഇല്ല
തിരുവനന്തപുരം: കേരളത്തിലെ എല്ലാ ജില്ലകളിലും ഒറ്റപ്പെട്ട മഴയാക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. റെഡ് അലര്ട്ടോ, ഓറഞ്ച് അലര്ട്ടോ നിലവിലില്ല. തുലാവര്ഷത്തിന്റെ ഭാഗമായുള്ള മഴയാണ് ഉണ്ടാകുകയെന്ന് കാലാവസ്ഥ നിരീക്ഷണ കേന്ദ്രം വ്യക്തമാക്കുന്നു. ഇരട്ട ന്യൂന മര്ദ്ദമുണ്ടെങ്കിലും കേരളത്തില് വലിയ സ്വാധീനമുണ്ടാകില്ലെന്നാണ് കാലാവസ്ഥ നിരീക്ഷണ കേന്ദ്രം വ്യക്തമാക്കുന്നത്.
അറബിക്കടലിലെ ന്യൂനമര്ദ്ദം വടക്കുപടിഞ്ഞാറന് ദിശയില് അകന്നു പോകുകയാണ്. ഇതേ തുടര്ന്ന് വടക്കന് ജില്ലകളില് ഒറ്റപ്പെട്ട മഴ ലഭിച്ചേക്കും. ബംഗാള് ഉള്ക്കടലിലെ ന്യൂനമര്ദ്ദം അടുത്ത 48 മണിക്കൂറിനുള്ളില് തമിഴ്നാട്, ആന്ധ്രാ തീരത്ത് പ്രവേശിക്കും. ഇതിന്റെ പ്രഭാവത്തില് വെള്ളിയാഴ്ച മുതല്, കേരളത്തില് മഴ വീണ്ടും സജീവമാകും.
അതേസമയം, ഇടുക്കി ഡാമിലെ ജലനിരപ്പ് ക്രമീകരിക്കാനായി തുറന്ന ചെറുതോണി അണക്കെട്ടിന്റെ 3 ഷട്ടര് അടച്ചു. ഡാമിലേക്കുള്ള നീരൊഴുക്ക് കുറഞ്ഞ് അണക്കെട്ടിലെ ജലനിരപ്പ് കുറയുന്ന സാഹചര്യത്തിലാണ് ഷട്ടര് അടച്ചത്.അതേസമയം, ഇന്ന് മധ്യ പടിഞ്ഞാറന്, അതിനോട് ചേര്ന്ന് കിടക്കുന്ന തെക്ക് -പടിഞ്ഞാറന് ബംഗാള് ഉള്ക്കടല്, തെക്ക് ആന്ധ്രാ പ്രദേശ് തീരം, വടക്കന് തമിഴ് നാട് തീരം എന്നിവിടങ്ങളില് മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യത എന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേരള തീരത്ത് (വിഴിഞ്ഞം മുതല് കാസര്ഗോഡ് വരെ) 17/11/ 2021 രാത്രി 11.30 വരെ 2.5 മുതല് 3.2 മീറ്റര് വരെ ഉയരത്തില് തിരമാലക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു.
മല്സ്യത്തൊഴിലാളികളും തീരദേശവാസികളും ജാഗ്രത തുടരുക
1. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിര്ദേശാനുസരണം മാറി താമസിക്കണം.
2. മല്സ്യബന്ധന യാനങ്ങള് ഹാര്ബറില് സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള് തമ്മില് സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
3. ബീച്ചിലേക്കുള്ള യാത്രകളും കടലില് ഇറങ്ങിയുള്ള വിനോദങ്ങളും പൂര്ണ്ണമായും ഒഴിവാക്കുക.
Click it and Unblock the Notifications
Sign in with Google