വേനല് ചൂടിന് ആശ്വാസം: ഏപ്രില് മാസത്തില് കൂടുതല് മഴ ലഭിക്കാന് സാധ്യതയെന്ന് കാലാവസ്ഥ വകുപ്പ്
തിരുവനന്തപുരം: സംസ്ഥാനത്ത് ഏപ്രില് മാസത്തില് സാധാരണ ലഭിക്കുന്നതിനേക്കാള് കൂടുതല് മഴ ലഭിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ഏപ്രില് മാസത്തില് സാധാരണയായി ലഭിക്കേണ്ട ശരാശരി മഴയുടെ അളവ് 105.1 മില്ലി മീറ്ററാണ്. മാര്ച്ച് മാസത്തില് 45 ശതമാനം അധികം വേനല് മഴ ലഭിച്ചു. പകല് സമയങ്ങളില് സാധാരണയേക്കാള് കുറവ് താപനില അനുഭവപ്പെടാനാണ് സാധ്യതയെന്നും കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പില് പറയുന്നത്.
സംസ്ഥാനത്ത് സൂര്യനില് നിന്നുള്ള അള്ട്രാവയലറ്റ് കിരണങ്ങളുടെ തോത് കൂടിയെന്ന് കാലാവസ്ഥ നിരീക്ഷണ കേന്ദ്രം അറിയിച്ചിരുന്നു. അന്തരീക്ഷത്തിലെ ചൂട് 40 ഡിഗ്രിവരെ ഉയാരാന് സാധ്യതയുണ്ടെന്നും മുന്നറിയിപ്പില് വ്യക്തമാക്കുന്നു. കേരളത്തില് അള്ട്രാ വയലറ്റ് ഇന്ഡക്സ് 12 ആണ് രേഖപ്പെടുത്തിയിരിക്കുന്നത്. ചൂട് വലിയ തോതില് വര്ദ്ധിക്കുന്ന സാഹചര്യത്തില് ജനങ്ങള് 12 മണി മുതല് 2 മണി വരെ പുറത്തിറങ്ങരുതെന്നും ജാഗ്രത നിര്ദ്ദേശത്തില് വ്യക്തമാക്കിയിരുന്നു.
അതേസമയം, 2022 ഏപ്രില് 01 മുതല് 05 വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
Click it and Unblock the Notifications
Sign in with Google