കേരളത്തില് ഇത്തവണ മണ്സൂണ് മഴ കുറയും; വ്യാഴാഴ്ച എത്തുമെന്ന് കാലാവസ്ഥ നിരീക്ഷണ കേന്ദ്രം
തിരുവനന്തപുരം: സംസ്ഥാനത്ത് ഇത്തവണ മണ്സൂണ് മഴ കുറയുമെന്ന് കേന്ദ്ര കാലാവസ്ഥ നിരീക്ഷണ വകുപ്പിന്റെ പ്രവചനം. ജൂണ് മൂന്ന് ആകുമ്പോഴേക്കും തെക്കുപടിഞ്ഞാറന് കാലവര്ഷം കേരളത്തില് എത്തുമെന്ന് കാലാവസ്ഥ വകുപ്പ് പുറത്തുവിട്ട അറിയിപ്പില് വ്യക്തമാക്കുന്നു. ഇത്തവണ സാധാരണ നിലയിലുള്ള മണ്സൂണാണ് രാജ്യത്ത് പ്രതീക്ഷിക്കുന്നത്.
ഈ കാലയളവില് ശരാശരി 101 ശതമാനം മഴയാണ് പ്രതീക്ഷിക്കുന്നത്. മാധ്യഭാഗങ്ങളില് സാധാരണയേക്കാള് കൂടുതല് മഴ ലഭിക്കുമെന്ന് പ്രതീക്ഷിക്കുന്നു. ദക്ഷിണേന്ത്യയിലും വടക്കേന്ത്യയിലും സാധാരണ മഴയാണ് പ്രതീക്ഷിക്കുന്നത്. എന്നാല് വടക്ക് കിഴക്കന് സംസ്ഥാനങ്ങളില് മഴ കുറയുമെന്നാണ് പ്രതീക്ഷിക്കുന്നത്. എന്നാല് വടക്ക് കിഴക്കന് പടഞ്ഞാറില് മഴ സാധാരണ നിലയിലായിരിക്കുമെന്നാണ് കരുതുന്നത്. 92 മുതല് 108 ശതമാനം വരെ മഴയാണ് ദക്ഷിണേന്ത്യയില് കണക്കുകൂട്ടുന്നത്. കടലിന്റെ ഉപരിതലത്തിലെ താപനിലയില് ഉണ്ടാകുന്ന വ്യത്യാസമാണ് മണ്സൂണിനെ സ്വാധീനിക്കുന്നത്.
അതേസമയം, ജൂണ് അഞ്ചുവരെ സംസ്ഥാനത്തെ ഒറ്റപ്പെട്ടയിടങ്ങളില് 30 മുതല് 40 കി.മീ വരെ വേഗതയില് വീശിയടിച്ചേക്കാവുന്ന കാറ്റിനും ഇടിമിന്നലോടു കൂടിയ മഴയ്ക്കും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണമെന്ന് ദുരന്ത നിവാരണ അതോറിറ്റി അറിയിച്ചു. കാറ്റിലും മഴയിലും വൈദ്യുതി കമ്പികളും പോസ്റ്റുകളും പൊട്ടിവീഴുന്നത് ശ്രദ്ധയില്പ്പെട്ടാല് കെ.എസ്.ഇ.ബി.യുടെ 1912 എന്ന കണ്ട്രോള് റൂം നമ്പരിലോ 1077 എന്ന ജില്ലാ ദുരന്ത നിവാരണ അതോറിറ്റിയുടെ കണ്ട്രോള് റൂമിലോ വിവരം അറിയിക്കണം. ഉച്ചക്ക് രണ്ടുമണി മുതല് രാത്രി പത്തുവരെയുള്ള സമയത്താണ് ഇടിമിന്നലിനുള്ള സാധ്യത കൂടുതല്. ഈ സമയത്ത് കൂടുതല് ജാഗ്രത പുലര്ത്തണമെന്നും അറിയിപ്പില് പറയുന്നു.
കൂടാതെ കേരളതീരത്തും ലക്ഷദ്വീപിലും ഇന്നു മുതല് ( ജൂണ് 01) ജൂണ് മൂന്നുവരെ മണിക്കൂറില് 40 മുതല് 50 കി. മീ വരെ വേഗതയില് ശക്തമായ കാറ്റിനു സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാല് ഈ ദിവസങ്ങളില് മത്സ്യത്തൊഴിലാളികള് കടലില് പോകരുതെന്നും മുന്നറിയിപ്പുണ്ട്.
ഹോളിവുഡ് ലോകത്ത് നിന്ന് മായാത്ത സുന്ദരി; മെര്ലിന് മണ്റോയുടെ ജന്മദിനം ഓര്ത്ത് സിനിമലോകം
Click it and Unblock the Notifications
Sign in with Google