കേരളത്തില് ഇന്നും പരക്കെ മഴയ്ക്ക് സാധ്യത; മുല്ലപ്പെരിയാറില് ജലനിരപ്പ് 142 അടിയായി, 6 ഷട്ടറുകള് ഉയര്ത്തി
തിരുവനന്തപുരം: സംസ്ഥാനത്ത് ഇന്നും പരക്കെ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. അടുത്ത 3 മണിക്കൂറില് കേരളത്തില് ഇടുക്കി, എറണാകുളം, തൃശ്ശൂര്, പാലക്കാട് എന്നീ ജില്ലകളിലെ ഒറ്റപ്പെട്ടയിടങ്ങളില് മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ബംഗാള് ഉള്കടലില് ഇന്നും അറബികടലില് നാളെയും പുതിയ ന്യുന മര്ദ്ദം രൂപപ്പെടാന് സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. തെക്ക് കിഴക്കന് അറബികടലിലിലും സമീപത്തുള്ള മാലദ്വീപ് ലക്ഷദ്വീപ് പ്രദേശങ്ങളിലുമായി ചക്രവാതചുഴി നിലനില്ക്കുന്നു.
ബംഗാള് ഉള്കടലില് തെക്കന് ആന്തമാന് കടലില് പുതിയ ന്യുന മര്ദ്ദം നാളെയോടെ രൂപപ്പെടാന് സാധ്യത. പടിഞ്ഞാറു - വടക്ക് പടിഞ്ഞാറു ദിശയില് സഞ്ചരിക്കുന്ന ന്യുന മര്ദ്ദം തുടര്ന്നുള്ള 48 മണിക്കൂറില് തെക്ക് കിഴക്കന് ബംഗാള് ഉള്കടലില് പ്രവേശിച്ച് തീവ്ര ന്യുന മര്ദ്ദമായി ശക്തി പ്രാപിക്കാന് സാധ്യത.
ബുധനാഴ്ചയോടെ (ഡിസംബര് 1) മധ്യ കിഴക്കന് അറബികടലില് മഹാരാഷ്ട്ര തീരത്ത് പുതിയ ന്യുന മര്ദ്ദം രൂപപ്പെടാന് സാധ്യതയുണ്ട്. കേരളത്തില് ഇന്നും നാളെയും മഴ തുടരാന് സാധ്യത. ഇന്നും നാളെയും ഒറ്റപ്പെട്ട ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അതേസമയം, മുല്ലപ്പെരിയാറിലെ ജലനിരപ്പ് പരമാവധി സംഭരണ ശേഷിയായ 142 അടിയിലെത്തി. ഡാമിലെ ജലനിരപ്പ് ക്രമാതീതമായി ഉയരുന്ന
സാഹചര്യത്തില് ഇന്ന് രാവിലെ 7.30 മുതല് നിലവില് തുറന്നിരിക്കുന്ന ഷട്ടറുകള് (വി 1, വി 2, വി 3, വി 4, വി 5, വി 6, വി 7) കൂടാതെ രണ്ട് ഷട്ടര് (വി 8 & വി 9) കൂടെ അധികമായി 0.30 മീറ്റര് വീതം ഉയര്ത്തി 3785.54 ക്യുസെക്സ് ജലം പുറത്തു വിടുമെന്ന് തമിഴ്നാട് സര്ക്കാര് അറിയിച്ചിട്ടുണ്ട്. ഈ സാഹചര്യത്തില് പെരിയാര് നദിയുടെ ഇരുകരകളിലും താമസിക്കുന്നവര് ജാഗ്രത പാലിക്കണമെന്ന് ഇടുക്കി ജില്ലാ കളക്ടര് അറിയിച്ചു.
Recommended Video
അതേസമയം, ബംഗാള് ഉള്ക്കടലില് പുതിയൊരു ചുഴലിക്കാറ്റ് രൂപപ്പെടാന് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ആന്ഡമാന് കടലില് രൂപപ്പെട്ട ന്യൂനമര്ദ്ദം ഡിംസബര് മൂന്നോടെ മധ്യ ബംഗാള് ഉള്ക്കടലിലേക്ക് എത്തി ജവാദ് ചുഴലിക്കാറ്റായി മാറാന് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കുന്നു .
Click it and Unblock the Notifications
Sign in with Google