സംസ്ഥാനത്ത് ഇന്നും ശക്തമായ മഴയ്ക്ക് സാധ്യത; 14 ജില്ലകളിലും യെല്ലോ അലര്ട്ട്, ജാഗ്രത നിര്ദ്ദേശം
തിരുവനന്തപുരം: സംസ്ഥാനത്ത് ഇന്നും ശക്തമായ മഴയ്ക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. മഴയുടെ സാഹചര്യത്തില് എല്ലാ ജില്ലകളിലും ഇന്ന് യെല്ലോ അലര്ട്ട് പ്രഖ്യാപിച്ചു. സംസ്ഥാനത്തിന്റെ കിഴക്കന് മേഖലകളില് കൂടുതല് മഴ ലഭിക്കുമെന്നാണ് പ്രതീക്ഷിക്കുന്നത്. ഒറ്റപ്പെട്ട മഴയ്ക്കും അതി ശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. മത്സ്യത്തൊഴിലാളികള്ക്ക് ചൊവ്വാഴ്ച വരെ കടലില് പോകുന്നതിന് വിലക്കുണ്ട്. കാലവര്ഷ കാറ്റിനൊപ്പം വടക്കന് കര്ണാടക മുതല് തെക്കന് തമിഴ്നാട് വരെ നിലനില്ക്കുന്ന ന്യൂനമര്ദ്ദ പാത്തിയുമാണ് മഴ ശക്തമാകാനുള്ള പ്രധാന കാരണം.
ഒരു ചന്തമൊക്കെയുണ്ട്, ഞങ്ങള്ക്ക് ഇഷ്ടായി; ഹണി..സാരിയില് വന്നാല് പൊളിയല്ലേയെന്ന് ആരാധകര്
മത്സ്യത്തൊഴിലാളികള്ക്ക് ജാഗ്രത നിര്ദ്ദേശം
കേരള - കര്ണാടക തീരങ്ങളില് 18 - 06 - 2022 മുതല് 21-06-2022 വരെയും, ലക്ഷദ്വീപ് തീരത്ത് 17 - 06 - 2022 മുതല് 21 - 06- 2022 വരെയും മത്സ്യബന്ധനത്തിന് പോകാന് പാടുള്ളതല്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
പ്രസ്തുത ദിവസങ്ങളില് കേരള - കര്ണാടക - ലക്ഷദ്വീപ് തീരങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.ഈ പ്രദേശങ്ങളില് മല്സ്യബന്ധനത്തിന് പോകാന് പാടുള്ളതല്ല.
പ്രത്യേക ജാഗ്രത നിര്ദ്ദേശങ്ങള്
17 - 06 - 2022 നും 18 - 06 - 2022 നും : തമിഴ്നാട് - കന്യാകുമാരി തീരങ്ങള് ,ഗള്ഫ് ഓഫ് മാന്നാര്, തെക്ക് പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
19-06-2022 നും 21-06-2022 നും: കന്യാകുമാരി തീരത്ത് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
17-06-2022 മുതല് 21-06-2022 വരെ : തെക്ക് കിഴക്കന് അറബിക്കടലില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതികളില് മല്സ്യബന്ധനത്തിന് പോകാന് പാടുള്ളതല്ല.
Click it and Unblock the Notifications
Sign in with Google