ശക്തി കൂടിയ ന്യൂനമര്ദ്ദം; സംസ്ഥാനത്ത് മഴ കനക്കും, 9 ജില്ലകളില് യെല്ലോ അലര്ട്ട്
തിരുവനന്തപുരം: സംസ്ഥാനത്ത് മഴ ശക്തമാകുന്നു. ഇടുക്കി അടക്കമുള്ള ജില്ലകളില് ഇന്ന് ശക്തമായ മഴ ലഭിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പില് പറയുന്നു. തെക്കു പടിഞ്ഞാറന് ബംഗാള് ഉള്ക്കടലില് തമിഴ്നാട് - പുതുച്ചേരിയുടെ വടക്കന് തീരത്തോട് ചേര്ന്ന് നിലകൊള്ളുന്ന 'ശക്തി കൂടിയ ന്യൂനമര്ദ്ദം' പടിഞ്ഞാറ് -വടക്കു പടിഞ്ഞാറ് ദിശയില് തമിഴ്നാട്, കേരളം എന്നീ പ്രദേശങ്ങളിലൂടെ സഞ്ചരിച്ചു തെക്ക് കിഴക്കന് അറബികടലില് ന്യുന മര്ദ്ദം / ചക്രവാതചുഴിയായി നവംബര് 13 ന് പ്രവേശിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഇതിന്റെ ഫലമായി കേരളത്തില് നവംബര് 12 , 13 തീയതികളില് വ്യാപകമായ മഴയ്ക്കും ഒറ്റപ്പെട്ട സ്ഥലങ്ങളില് ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. മഴയുടെ സാഹചര്യത്തില് കൊല്ലം, പത്തനംതിട്ട, കോട്ടയം, എറണാകുളം, തൃശ്ശൂര് പാലക്കാട്, മലപ്പുറം, കോഴിക്കോട് വയനാട് എന്നീ 9 ജില്ലകളില് ജില്ലകളില് ഇന്ന് യെല്ലോ അലര്ട്ടാണ്. ഇടുക്കി അടക്കം 9 ജില്ലകളില് നാളെയും യെല്ലോ അലര്ട്ടുണ്ട്.
മത്സ്യത്തൊഴിലാളികള്ക്കും പ്രത്യേക ജാഗ്രതാ നിര്ദ്ദേശം പുറപ്പെടുവിച്ചിട്ടുണ്ട്. കേരള-ലക്ഷദ്വീപ് തീരങ്ങളില് 2022 നവംബര് 13, 14 തീയതികളില് മത്സ്യബന്ധനത്തിന് പോവാന് പാടുള്ളതല്ല. കര്ണാടക തീരത്തു മത്സ്യബന്ധനത്തിനു തടസ്സമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേരള-ലക്ഷദ്വീപ് തീരങ്ങളില് 2022 നവംബര് 13, 14 തീയതികളില് മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 55 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നാണ് കാലാവസ്ഥ വകുപ്പ് അറിയിക്കുന്നത്.
പ്രത്യേക ജാഗ്രത നിര്ദ്ദേശങ്ങള്
11-11-2022 മുതല് 12-11-2022 വരെ : ഗള്ഫ് ഓഫ് മാന്നാര് അതിനോട് ചേര്ന്നുള്ള കന്യകുമാരി തീരം, തമിഴ്നാട് തീരം, തെക്ക്-പടിഞ്ഞാറന് ബംഗാള് ഉള്ക്കടല്, അതിനോട് ചേര്ന്ന മധ്യ-പടിഞ്ഞാറന് ബംഗാള് ഉള്ക്കടല്, തെക്കന് ആന്ധ്രാ തീരം എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 55 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
13-11-2022: കന്യകുമാരി തീരം, തെക്കു- കിഴക്കന് അറബിക്കടല്, ലക്ഷദ്വീപ്- മാലിദ്വീപ് തീരങ്ങളില് മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 55 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
14-11-2022: തെക്കു- കിഴക്കന് അറബിക്കടല്, അതിനോട് ചേര്ന്നുള്ള മധ്യ-കിഴക്കന് അറബിക്കടല്,
ലക്ഷദ്വീപ്- മാലിദ്വീപ് തീരങ്ങളില് മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 55 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത.
15-11-2022: തെക്കു- കിഴക്കന് അറബിക്കടല്, അതിനോട് ചേര്ന്നുള്ള മധ്യ-കിഴക്കന് അറബിക്കടല് തീരങ്ങളില് മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 55 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതികളില് മല്സ്യബന്ധനത്തിന് പോകാന് പാടുള്ളതല്ല.
Click it and Unblock the Notifications
Sign in with Google