മഴക്കെടുതിയില് മരണപ്പെട്ടവരുടെ കുടുംബങ്ങള്ക്ക് സര്ക്കാര് ധനസഹായം, നാല് ലക്ഷം രൂപ നൽകും
തിരുവനന്തപുരം: സംസ്ഥാനത്ത് മഴക്കെടുതിയില് മരണപ്പെട്ടവരുടെ കുടുംബങ്ങള്ക്ക് സംസ്ഥാന സര്ക്കാര് ധനസഹായം പ്രഖ്യാപിച്ചു. മരണപ്പെട്ടവരുടെ കുടുംബത്തിന് സര്ക്കാര് നാല് ലക്ഷം രൂപ സഹായം നല്കും. റവന്യൂ വകുപ്പ് മന്ത്രി കെ രാജന് ആണ് ഇക്കാര്യം അറിയിച്ചത്. സംസ്ഥാനത്ത് മഴക്കെടുതിയില് ഇതുവരെ പന്ത്രണ്ട് പേരാണ് മരണപ്പെട്ടത്. കോട്ടയം കൂട്ടിക്കലിലും ഇടുക്കി കൊക്കയാറിലും രക്ഷാപ്രവര്ത്തനം പുരോഗമിക്കുകയാണ്. മരണസംഖ്യ ഉയര്ന്നേക്കുമെന്ന് ആശങ്കയുണ്ട്. മരണപ്പെട്ടവരുടെ കുടുംബങ്ങള്ക്ക് ധനസഹായം കാലതാമസം ഇല്ലാതെ ലഭ്യമാക്കാന് നിര്ദേശം നല്കിയിരിക്കുന്നതായും മന്ത്രി കെ രാജന് അറിയിച്ചു.
സംസ്ഥാനത്ത് 105 ദുരിതാശ്വാസ ക്യാമ്പുകള് തുറന്നതായി മുഖ്യമന്ത്രി പിണറായി വിജയന് അറിയിച്ചു. തിരുവനന്തപുരം മുതല് കോഴിക്കോട് വരെ ഉളള പതിനൊന്ന് ജില്ലകളില് യെല്ലോ അലേര്ട്ട് നിലനില്ക്കുകയാണ്. അറബിക്കടലില് രൂപം കൊണ്ട ന്യൂനമര്ദ്ദത്തിന്റെ ശക്തി കുറഞ്ഞുവെങ്കിലും മഴ തുടര്ന്നേക്കും എന്നാണ് കാലാവസ്ഥാ വകുപ്പ് വ്യക്തമാക്കുന്നത്. എന്നാല് കഴിഞ്ഞ ദിവസത്തേത് പോലുളള അതിതീവ്ര മഴ കേരളത്തില് നിന്നും ഒഴിഞ്ഞ് പോയിട്ടുണ്ട്.
അതേസമയം സംസ്ഥാനത്ത് ബുധനാഴ്ച മുതല് വീണ്ടും മഴ ശക്തമാകും. കിഴക്കന് കാറ്റിന്റെ സ്വാധീനമാണ് കേരളം അടക്കമുളള തെക്കന് സംസ്ഥാനങ്ങളില് മഴയ്ക്ക് കാരണമാവുക. നാല് ദിവസത്തോളം വ്യാപകമായ മഴയ്ക്കുളള സാധ്യതയാണ് പ്രവചിക്കപ്പെട്ടിരിക്കുന്നത്. അടുത്ത 3 മണിക്കൂറിൽ കേരളത്തിൽ ആലപ്പുഴ, കോട്ടയം, പത്തനംതിട്ട, ഇടുക്കി, എറണാകുളം, തൃശ്ശൂർ എന്നീ ജില്ലകളിൽ ഇടിയോട് കൂടിയ മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
പുതുപുത്തന് ലുക്കില് അമല പോള്; ചിത്രങ്ങള് ഏറ്റെടുത്ത് സോഷ്യല് മീഡിയ, വൈറല് ചിത്രങ്ങള്
ദൃശ്യ ഇത് എന്തൊരു ഭംഗിയാണ് കാണാന്; താരത്തിന്റെ ഏറ്റവും പുതിയ ചിത്രം വൈറല്
കേന്ദ്ര കാലാവസ്ഥാവകുപ്പിന്റെ അടുത്ത 5 ദിവസത്തേക്കുള്ള പുതുക്കിയ മഴ സാധ്യത പ്രവചനം
17-10-2021: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്
20-10-2021: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം
21-10-2021: തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, മലപ്പുറം
എന്നീ ജില്ലകളിൽ ശക്തമായ മഴക്കുള്ള സാധ്യതയുള്ളതിനാൽ കേന്ദ്ര കാലാവസ്ഥ വകുപ്പ് മഞ്ഞ (Yellow) അലേർട്ട് പ്രഖ്യാപിച്ചിരിക്കുന്നു. 24 മണിക്കൂറിൽ 64.5 mm മുതൽ 115.5 mm വരെയുള്ള മഴയാണ് ശക്തമായ മഴ കൊണ്ട് അർത്ഥമാക്കുന്നത്.
Click it and Unblock the Notifications
Sign in with Google