ജനസമ്മിതി വീണ്ടും കൂടി, ലക്ഷത്തിലേറെ വോട്ട്- ‘നോട്ട’ക്ക് നേട്ടം

2021​ലെ നിയമസഭ തെരഞ്ഞെടുപ്പിനേക്കാൾ നില മെച്ചപ്പെടുത്തി '​നോട്ട’യും ശ്രദ്ധേയമായി. ഇത്തവണ കേരളത്തിൽ 'നോട്ട’ ​നേടിയത് ഒന്നേകാൽ ലക്ഷത്തോളം വോട്ടാണ്. കഴിഞ്ഞ ​നി​യ​മ​സ​ഭ തെ​ര​ഞ്ഞെ​ടു​പ്പിൽ 98,034 ​​പേ​രാ​ണ് 'നോട്ട’ക്ക്​ കുത്തിയത്. ഇത്തവണ ഒരു സ്ഥാനാർഥിയോടും തൽപര്യമില്ലെന്നറിയിച്ച് 'നോട്ട’ക്ക് വോട്ട് ചെയ്തത് 1,23,734 പേരാണ്. അതായത് കഴിഞ്ഞ വർഷത്തേക്കാൾ 25,700 വോട്ട് കൂടുതൽ.

ഒരു മണ്ഡലത്തിൽ എൽഡിഎഫ് സ്ഥാനാർഥിയും രണ്ടിടത്ത് യുഡിഎഫ് സ്ഥാനാർഥികളും തോറ്റത് 'നോട്ട’ പിടിച്ചതിനേക്കാൾ കുറഞ്ഞ വോട്ടിനാണ്. 'നോട്ട’ക്ക് രണ്ടായിരത്തിലധികം വോട്ട് കിട്ടിയ മണ്ഡലങ്ങളുമുണ്ട്. സംസ്ഥാനത്ത് പോൾ ചെയ്ത വോട്ടിന്‍റെ 0.58 ശതമാനമാണ് ഇത്തവണ ​​'നോട്ട’ സ്വന്തമാക്കിയത്. ഭൂരിപക്ഷത്തിൽ റെക്കോഡിട്ട പി.കെ. കുഞ്ഞാലിക്കുട്ടി മത്സരിച്ച മലപ്പുറമടക്കം 40 മണ്ഡലങ്ങളിൽ 'നോട്ട’ക്ക് ആയിരത്തിലധികം വോട്ടുണ്ട്.

ഇതിൽ മഞ്ചേരിയിലാണ് ഏറ്റവും കൂടുതൽ -3,319. നിലമ്പൂരിൽ 2,672 പേർ 'നോട്ട’ക്ക് കുത്തി. മാനന്തവാടി, സുൽത്താൻ ബത്തേരി, കൽപ്പറ്റ എന്നിങ്ങനെ വയനാട് ജില്ലയിലെ മൂന്ന് മണ്ഡലത്തിലും 'നോട്ട’ ആയിരത്തിലധികം വോട്ട് നേടി. മണലൂർ, അഴീക്കോട്, കഴക്കൂട്ടം മണ്ഡലങ്ങളിൽ വിജയിയുടെ ഭൂരിപക്ഷത്തേക്കാൾ കൂടുതൽ വോട്ടും 'നോട്ട’ക്ക് ലഭിച്ചു. മണലൂരിൽ ടി.എൻ. പ്രതാപൻ 126 വോട്ടിന് തോറ്റപ്പോൾ 'നോട്ട’ക്ക് ലഭിച്ചത് 676 വോട്ട്. മുസ്ലിം ലീഗ് സ്ഥാനാർഥി കരീം ചേലേരി 349 വോട്ടിന് തോറ്റ അഴീക്കോട്ട് 'നോട്ട’ 576 വോട്ട് പിടിച്ചു. കടകംപള്ളി സുരേന്ദ്രൻ 428 വോട്ടിന് തോറ്റ കഴക്കൂട്ടത്ത് 981 പേരാണ് 'നോട്ട’യെ തെരഞ്ഞെടുത്തത്.

എല്ലാ തെരഞ്ഞെടുപ്പ് കാലത്തും സ്ഥാനാർഥികളുടെയും മുന്നണികളുടെയും നെഞ്ചിടിപ്പേറ്റുന്ന 'നോട്ടപ്പുള്ളി’യാണ് 'നോട്ട’. ഒരു സ്ഥാനാർഥിയോടും താൽപര്യമില്ലാത്ത വോട്ടർക്ക് തങ്ങളുടെ വിയോജിപ്പ് രേഖപ്പെടുത്താൻ വോട്ടുയന്ത്രത്തിൽ ഉൾപ്പെടുത്തിയ ബട്ടണാണ് 'നോട്ട’ എന്ന 'നൺ ഓഫ് ദി എബൗ’. തന്റെ മണ്ഡലത്തിൽ മത്സരിക്കുന്ന സ്ഥാനാർഥികളിൽ ആരോടും താൽപര്യമില്ലെന്ന് വോട്ടർക്ക് പ്രഖ്യാപിക്കാനുള്ള അവസരമാണ് ഈ ബട്ടൺ നൽകുന്നത്. പേരും ചിഹ്നവുമൊന്നുമില്ലെങ്കിലും 'ലക്ഷം ലക്ഷം പിന്നാലെ’ എന്ന പ്രശസ്ത മുദ്രാവാക്യം ഓർമിപ്പിക്കുന്ന ജനപ്രീതിയാണ് ഓരോ തെരഞ്ഞെടുപ്പിലും '​നോട്ട’ക്ക് ലഭിക്കുന്നത്. ​

2013ലാണ് ​തെ​ര​ഞ്ഞെ​ടു​പ്പ് ക​മീ​ഷ​ൻ 'നോ​ട്ട’ സം​വി​ധാ​നം ഏ​ർ​പ്പെ​ടുത്തുന്നത്. ശേ​ഷം 2016ൽ കേരളത്തിൽ നടന്ന നിയമസഭ തെരഞ്ഞെടുപ്പിൽ 140 മ​ണ്ഡ​ല​ങ്ങ​ളി​ലാ​യി 1,07,245 വോ​ട്ട​ർ​മാർ (ആ​കെ പോ​ൾ ചെ​യ്ത വോ​ട്ടി​ന്റെ 0.53 ശ​ത​മാ​നം) 'നോ​ട്ട​’ക്ക് വോ​ട്ട് ചെ​യ്തു. 2019ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ 1,03,596 പേ​ർ 'നോ​ട്ട​’ക്ക് കുത്തി.

2021ലെ ​നി​യ​മ​സ​ഭ തെ​ര​ഞ്ഞെ​ടു​പ്പ് ആയപ്പോൾ 'നോട്ട’യുടെ ജനസമ്മിതി ഇത്തിരി ഇടിഞ്ഞു. 98,034 ​​പേ​രാ​ണ് അന്ന് 'നോട്ട’ക്ക്​ വോട്ട് ചെയ്തത്. 'നോട്ട’ അപ്രസക്തമായെന്ന് വിലയിരുത്തി വരുന്നതിനിടെ, 2024ലെ ​ലോ​ക്സ​ഭ തെ​ര​​ഞ്ഞെ​ടു​പ്പ് ശ​ക്​​ത​മാ​യ തി​രി​ച്ചു​വ​രവിനാണ് സാക്ഷ്യം വഹിച്ചത്. 1,58,456 പേരാ​ണ്​ തങ്ങൾക്ക് 'നോ​ട്ട’ മതി എന്ന് തീരുമാനിച്ചത്.

2021ലെ കണക്കെടുത്താൽ ഒ​രു മ​ണ്ഡ​ല​ത്തി​ൽ ശ​രാ​ശ​രി 700 പേ​ർ 'നോ​ട്ട’ക്കൊപ്പം നിന്നാതായി കാണാം. ജി​ല്ല​ക​ൾ താ​ര​ത​മ്യം ചെ​യ്യു​മ്പോ​ഴാ​ക​ട്ടെ, 'നോ​ട്ട’​​ക്ക്​ കി​ട്ടി​യ വോ​ട്ടു​ശ​രാ​ശ​രി 2,313 ആ​ണ്. ക​ഴി​ഞ്ഞ നി​യ​മ​സ​ഭ തെ​​ര​ഞ്ഞെ​ടു​പ്പി​ൽ 'നോ​ട്ട​’ക്ക്​ ഏ​റ്റ​വും കൂ​ടു​ത​ൽ വോ​ട്ടു​കി​ട്ടി​യ​ത് ത​ല​ശ്ശേ​രി മ​ണ്ഡ​ല​ത്തി​ലാ​ണ്- 2,313. ക​ള​മ​ശ്ശേ​രി (1,518), ചി​റ്റൂ​ർ (1,285), മ​ഞ്ചേ​രി (1,202), സു​ൽ​ത്താ​ൻ ബ​ത്തേ​രി (1,160) എ​ന്നി​വ​യാ​ണ് തൊ​ട്ടു​പി​ന്നി​ൽ.

ഏ​റ്റ​വും കു​റ​വ് കൊ​ടു​വ​ള്ളി മ​ണ്ഡ​ല​ത്തി​ലായിരുന്നു-269. കു​റ്റ്യാ​ടി (296), നാ​ദാ​പു​രം (316), താ​നൂ​ർ (336), പൂ​ഞ്ഞാ​ർ (345) എ​ന്നി​വ​യാ​ണ്​ പ​ട്ടി​ക​യി​ൽ പി​ന്നി​ലു​ള്ള മ​റ്റു​ മ​ണ്ഡ​ല​ങ്ങ​ൾ. കാ​സ​ർ​കോ​ട്-2,655, ക​ണ്ണൂ​ർ- 8,028, വ​യ​നാ​ട്- 2,785, കോ​ഴി​ക്കോ​ട്-6,622, മ​ല​പ്പു​റം-11,049, പാ​ല​ക്കാ​ട്- 9,735, തൃ​ശൂ​ർ- 10,215, എ​റ​ണാ​കു​ളം-10,958, ഇ​ടു​ക്കി-3,246, കോ​ട്ട​യം-5,158, ആ​ല​പ്പു​ഴ-5,619, പ​ത്ത​നം​തി​ട്ട-2,580, കൊ​ല്ലം-7,864, തി​രു​വ​ന​ന്ത​പു​രം-11,520 എ​ന്നി​ങ്ങ​നെ​യാ​ണ്​ 2021ൽ ​ജി​ല്ല തി​രി​ച്ചു​ള്ള 'നോ​ട്ട’യുടെ നേട്ടം.

ലോ​ക്സ​ഭ തെ​ര​​ഞ്ഞെ​ടു​പ്പു​ക​ൾ താ​ര​ത​മ്യം ചെ​യ്യു​മ്പോ​ൾ 2019നെ ​അ​പേ​ക്ഷി​ച്ച് 2024ൽ ​കേ​ര​ള​ത്തി​ലെ 20 മ​ണ്ഡ​ല​ങ്ങ​ളി​ൽ 19ലും ​'നോ​ട്ട​’ വോ​ട്ടു​ക​ളി​ൽ വ​ലി​യ വ​ർ​ധ​ന​വു​ണ്ടാ​യി. 2019ൽ 1,03,596 ​ആ​യി​രു​ന്ന​ത് 2024ൽ 1,58,456 ​ആ​യി. ഏ​ക​ദേ​ശം 52.95 ശ​ത​മാ​ന​മാ​ണ്​ വ​ർ​ധ​ന. ആ​ല​ത്തൂ​ർ (12,033), കോ​ട്ട​യം (11,933) മ​ണ്ഡ​ല​ങ്ങ​ളി​ലാ​ണ്​ 2024ൽ ​കൂ​ടു​ത​ൽ പേ​ർ 'നോട്ട’ക്ക് കുത്തിയത്. 2019നെ ​അ​പേ​ക്ഷി​ച്ച്​ വ​ർ​ധ​ന ഏ​റ്റ​വും കൂ​ടു​ത​ൽ വ​യ​നാ​ട്ടി​ലാ​ണ്-224.77 ശ​ത​മാ​നം.

2,155ൽ ​നി​ന്ന് 6,999 ആ​യാ​ണ്​ ഉ​യ​ർ​ന്ന​ത്. വ​ട​ക​ര മാ​ത്ര​മാ​ണ്​ മു​ൻ തെ​ര​ഞ്ഞെ​ടു​പ്പി​നെ അ​പേ​ക്ഷി​ച്ച്​ താ​​ഴെ​പ്പോ​യ ഏ​ക മ​ണ്ഡ​ലം. ഇ​വി​ടെ 2019ൽ 3,415 ​വോ​ട്ടു​ക​ൾ 'നോ​ട്ട​’ക്ക്​ ഉ​ണ്ടാ​യി​രു​ന്ന​ത് 2024ൽ 2,909 ​ആ​യി കു​റ​ഞ്ഞു. 18 മ​ണ്ഡ​ല​ങ്ങ​ളി​ലും പ്ര​ധാ​ന മൂ​ന്ന് മു​ന്ന​ണി​ക​ൾ​ക്ക് പി​ന്നി​ലാ​യി നാ​ലാം സ്ഥാ​ന​ത്താ​ണ് നോ​ട്ട എ​ത്തി​യ​ത്.