കേരളത്തിന്റെ സ്വന്തം ലാപ്ടോപ് ബ്രാന്ഡ് കൊക്കോണിക്സ് ജനവരിയിലെന്ന് മുഖ്യമന്ത്രി
തിരുവനന്തപുരം: കേരളത്തിന്റെ സ്വന്തം ലാപ്ടോപ് ബ്രാന്ഡ് ആയ കൊക്കോണിക്സ് മണ്വിളയില് ഉള്ള കെല്ട്രോണിന്റെ പഴയ പ്രിന്റെഡ് സെര്ക്യുട്ട് ബോര്ഡ് നിര്മ്മാണ ശാലയില് സജ്ജമായികൊണ്ടിരിക്കുകയാണെന്ന് മുഖ്യമന്ത്രി പിണറായി വിജയന്.മൂന്നു മോഡലുകളില് നാല് നിറങ്ങളിലായി വരുന്ന ലാപ് ടോപ് അടുത്ത ജനുവരിയോടെ വിപണിയില് എത്തുമെന്നും മുഖ്യമന്ത്രി ഫേസ്ബുക്കില് കുറിച്ചു. .ആഭ്യന്തര വിപണിലക്ഷ്യമാക്കി ഉത്പാദിപ്പിക്കുന്ന കൊക്കോണിക്സ് മെയ്ക്ക് ഇൻ ഇന്ത്യയുടെ മികച്ച മാതൃക, എന്നാണ് കേരളത്തിന്റെ ഈ പരീക്ഷണത്തെ ഇന്റെലിന്റെ ഇന്ത്യാ ഹെഡ് നിര്വൃതി റായ് ഈ അടുത്ത് വിശേഷിപ്പിച്ചതെന്നും കുറിപ്പില് പറയുന്നു. വായിക്കാം
മണ്വിളയില് ഉള്ള കെല്ട്രോണിന്റെ പഴയ പ്രിന്റെഡ് സെര്ക്യുട്ട് ബോര്ഡ് നിര്മ്മാണ ശാല ഇന്ന് ആധുനിക ഇലക്ട്രോണിക് സാമഗ്രികളുടെ നിര്മാണശാലയായി മാറിക്കഴിഞ്ഞു. കേരളത്തിന്റെ സ്വന്തം ലാപ്ടോപ് ബ്രാന്ഡ് ആയ കൊക്കോണിക്സ് ആണ് ഇവിടെ നിന്നും വിപണനത്തിന് സജ്ജമായിയിക്കൊണ്ടിരിക്കുന്നത്. "ആഭ്യന്തര വിപണിലക്ഷ്യമാക്കി ഉത്പാദിപ്പിക്കുന്ന കൊക്കോണിക്സ് മെയ്ക്ക് ഇൻ ഇന്ത്യയുടെ മികച്ച മാതൃക", എന്നാണ് കേരളത്തിന്റെ ഈ പരീക്ഷണത്തെ ഇന്റെലിന്റെ ഇന്ത്യാ ഹെഡ് നിര്വൃതി റായ് ഈ അടുത്ത് വിശേഷിപ്പിച്ചത്.
ഇന്റെല്, യുഎസ്ടി ഗ്ലോബല്, കെല്ട്രോണ്, അക്സിലറോണ് എന്ന സ്റ്റാര്ട്ട് അപ്പ്, കെഎസ്ഐഡിസി തുടങ്ങയി സ്ഥാപനങ്ങള് ഒന്ന് ചേര്ന്നാണ് കൊക്കോണിക്സ് നിര്മ്മിക്കുന്നത്. ഉത്പാദനത്തിലും വിലപനയിലും സര്വീസിലും മാത്രമല്ല കൊക്കോണിക്സ് കേന്ദ്രികരിക്കുന്നത്, പഴയ ലാപ്ടോപുകള് തിരിച്ചു വാങ്ങി സംസ്കരിക്കുന്ന ഈ-വേസ്റ്റ് മാനേജ്മെന്റ് സംവിധാനവും ഇതിനോടൊപ്പം ഒരുങ്ങുന്നുണ്ട്.മൂന്നു മോഡലുകളില് നാല് നിറങ്ങളിലായി വരുന്ന കേരളത്തിന്റെ സ്വന്തം ലാപ് ടോപ് അടുത്ത ജനുവരിയോടെ വിപണിയില് എത്തും.
'എന്തൊക്കെയോ പ്രതീക്ഷിച്ചു കൊണ്ടല്ലേ നിങ്ങൾ അവരെ സഹായിച്ചത്? അത് നടക്കാതെ പോയതിന്റെ വൈരാഗ്യമല്ലേ'
'എവരിതിങ്ങ് ക്ലിയര്'; ഷാജുവിനെ കുരുക്കി ജോളിയുടെ മൊബൈല് സന്ദേശം, സിലിയെ ഇല്ലാതാക്കിയത് ഇങ്ങനെ