എസ്എസ്എൽസി പരീക്ഷാ ഫലം പ്രഖ്യാപിച്ചു; 99.26 ശതമാനം വിജയം
തിരുവനന്തപുരം; എസ് എസ് എൽ സി പരീക്ഷാ ഫലം പ്രഖ്യാപിച്ചു. 99.26 ആണ് വിജയശതമാനം. വിദ്യാഭ്യാസ മന്ത്രി വി ശിവൻകുട്ടിയാണ് ഫലം പ്രഖ്യാപിച്ചത്. റെഗുലര് വിഭാഗത്തില് പരീക്ഷയെഴുതിയ 4,26,469 വിദ്യാര്ഥികളിൽ 4,23,303 വിദ്യാര്ഥികളാണ് ഉപരിപഠനത്തിന് യോഗ്യത നേടിയെന്ന് മന്ത്രി അറിയിച്ചു. 44363 വിദ്യാർത്ഥികൾക്ക് എല്ലാ വിഷയത്തിലും എ പ്ലസ് ലഭിച്ചു.
ഏറ്റവും കൂടുതൽ എ പ്ലസ് ലഭിച്ചത് മലപ്പുറത്താണ് (3024). കണ്ണൂർ ആണ് ഏറ്റവും കൂടുതൽ വിജയ ശതമാനമുള്ള റവന്യൂ ജില്ല (99.7 ശതമാനം) . കുറവ് വയനാട് ജില്ലയിലാണ് (92.07 ശതമാനം). വിജയശതമാനം ഏറ്റവും കൂടുതലുള്ള വിദ്യാഭ്യാസ ജില്ല പാല(99.94%) വിജയശതമാനം ഏറ്റവും കുറവുള്ള വിദ്യാഭ്യാസ ജില്ല ആറ്റിങ്ങല് (97.98%).
മാർച്ച് 31 മുതൽ ഏപ്രിൽ 29 വരെയായിരുന്നു പരീക്ഷ നടന്നത്. പ്രൈവറ്റ് വിഭാഗത്തില് 408 വിദ്യാര്ത്ഥികളും പരീക്ഷയ്ക്ക് രജിസ്റ്റര് ചെയ്തിരുന്നു. കൊവിഡ് പ്രതിസന്ധിയുടെ പശ്ചാത്തലത്തിൽ ഫോക്കസ് ഏരിയയില് നിന്ന് 70%-വും ഫോക്കസ് ഏരിയക്ക് പുറത്ത് നിന്ന് 30% വുമായിരുന്നു ചോദ്യങ്ങള്.കോവിഡ് കാരണം കലാ-കായിക മത്സരങ്ങള് നടക്കാത്ത സാഹചര്യത്തില് എസ്എ സ്എ ല് സി, പ്ലസ് ടു പരീക്ഷകളില് ഇത്തവണയും ഗ്രേസ് മാര്ക്ക് നല്കിയിട്ടില്ല.
'സോ ഹോട്ട് ആന്റ് അട്രാക്റ്റീവ്'; സുഹൃത്തിന്റെ വിവാഹത്തിന് ഒരുങ്ങിയ കീർത്തി സുരേഷ്..വൈറൽ ചിത്രങ്ങൾ
കഴിഞ്ഞ വർഷം 99.47 ആയിരുന്നു വിജയശതമാനം. 4,19,651 പേരായിരുന്നു ഉന്നത വിദ്യാഭ്യാസത്തിന് യോഗ്യത നേടിയത്. എല്ലാ വിഷയത്തിലും എ പ്ലസ് നേടിയവര്- 1,21,318 ആയിരുന്നു.
ഫലം അറിയാൻ ഈ വെബ് സൈറ്റുകൾ- വൈകിട്ടു നാലു മുതൽ പിആർഡി ലൈവ്, സഫലം 2022 ആപ്പുകളിലും www.pareekshabhavan.kerala.gov.in, www.sslcexam.kerala.gov.in, www.results.kite.kerala.gov.in, www.prd.kerala.gov.in എന്നീ വെബ്സൈറ്റുകളിലും ഫലമറിയാം.
Click it and Unblock the Notifications
Sign in with Google