സംസ്ഥാന സര്ക്കാരിന്റെ മാധ്യമ അവാര്ഡുകള് പ്രഖ്യാപിച്ചു
തിരുവനന്തപുരം: സംസ്ഥാന സര്ക്കാരിന്റെ 2014 മാധ്യമ അവാര്ഡുകള് പ്രഖ്യപിച്ചു. മികച്ച വാര്ത്താ അവതാരകനുള്ള പുരസ്ക്കാരം മീഡിയാവണ് ന്യൂസ് റീഡര് കെ ആര് ഗോപീ കൃഷ്ണന് ലഭിച്ചു. മികച്ച ടെലിവിഷന് റിപ്പോര്ട്ടിംഗിനുള്ള അവാര്ഡ് മനോരമ ന്യൂസിലെ ആശാ ജാവേദിന് ലഭിച്ചു.
മറ്റ് അവാര്ഡുകള്: ജനറല് റിപ്പോര്ട്ടിംഗ് -എസ് എന് ജയപ്രകാശ് (മാതൃഭൂമി), വികസന റിപ്പോര്ട്ടിംഗ് -മഹേഷ് ഗുപ്തന് (മനോരമ), കാര്ട്ടൂണിസ്റ്റ്-ടികെ സുജിത് ( കേരള കൗമുദി), മികച്ച ടിവി റിപ്പോര്ട്ടിംഗ് പ്രത്യേക പരാമര്ശം-ടിവി പ്രസാദ് (ഏഷ്യാനെറ്റ് ന്യൂസ്), ടിവി ന്യൂസ് എഡിറ്റിംഗ്- കെ അനൂപ് (ഏഷ്യാനെറ്റ്), പ്രത്യേക പരാമര്ശം- എന് ബിനോജ് (മനോരമ ന്യൂസ്), ടിവി ന്യൂസ് ക്യാമറാമാന്- വി മനോജ് (മനോരമ ന്യൂസ് )
മികച്ച ന്യൂസ് ഫോട്ടോയ്ക്കുള്ള പുരസ്ക്കാരം മാധ്യമം ഫോട്ടോഗ്രാഫര് ബിമല് തമ്പിയ്ക്ക് ലഭിച്ചു. മണല്വാരലിനെതിരെ സമരം ചെയ്ത് പി ജസീറ ഡെപ്യൂട്ടി പൊലീസ് കമ്മീഷണറുടെ കാല് പിടിയ്ക്കുന്ന ചിത്രത്തിനാണ് അവാര്ഡ്. കാല് ലക്ഷം രൂപയും പ്രശസ്തി പത്രവും ആണ് അവാര്ഡ്. പ്രത്യേക പരാമര്ശം ലഭിച്ചവര്ക്ക് 15000 രൂപ.