25 വയസിലേ പക്വത വരൂ, ഉറങ്ങേണ്ട സമയത്ത് ഉറങ്ങണം; രാത്രി നിയന്ത്രണത്തെ ന്യായീകരിച്ച് ആരോഗ്യ സര്വകലാശാല
കൊച്ചി: ഹോസ്റ്റലുകളിലെ രാത്രി നിയന്ത്രണം ഏര്പ്പെടുത്തുന്നതിനെ ന്യായീകരിച്ച് ആരോഗ്യ സര്വകലാശാല. വിദ്യാര്ഥികളെ ഹോസ്റ്റലില് നിര്ത്തുന്നത് പഠിക്കാനാണ് എന്നും കുട്ടികള് ഉറങ്ങേണ്ട സമയത്ത് ഉറങ്ങണം എന്നും ആരോഗ്യ സര്വകലാശാല ഹൈക്കോടതിയെ അറിയിച്ചു. രാത്രി 11 ന് ശേഷവും റീഡിങ് റൂമുകള് തുറന്നു വെക്കണം എന്ന ഹര്ജിക്കാരുടെ ആവശ്യത്തിനായിരുന്നു ആരോഗ്യസര്വകലാശാലയുടെ വിചിത്ര മറുപടി.
ഹോസ്റ്റലുകള് ടൂറിസ്റ്റ് ഹോമുകളല്ല എന്നും ആരോഗ്യ സര്വകലാശാല ഹൈക്കോടതിയില് പറഞ്ഞു. 25 വയസിലാണ് ആളുകള്ക്ക് പക്വത വരുന്നത്. അതിന് മുമ്പ് പറയുന്നതൊന്നും അംഗീകരിക്കാനാവില്ല എന്നൊക്കെയാണ് ആരോഗ്യസര്വകലാശാല സമര്പ്പിച്ച സത്യവാങ്മൂലത്തില് പറയുന്നത്. രാജ്യാന്തര തലത്തില് നടത്തിയ പഠനങ്ങളുടെ അടിസ്ഥാനത്തില് 25 വയസിലാണ് ഒരാള്ക്ക് പൂര്ണമായ പക്വത വരിക എന്നാണ് ആരോഗ്യസര്വകലാശാലയുടെ അവകാശവാദം.
അതിനാല് അവര് അതിന് മുമ്പ് എടുക്കുന്ന എന്ത് തീരുമാനങ്ങള്ക്കും മാര്ഗ നിര്ദേശം നല്കേണ്ടതുണ്ട് എന്നാണ് സത്യവാങ്മൂലത്തില് പറയുന്നത്. മാത്രമല്ല 9 മണിക്ക് കോളേജുകളിലെ ലൈബ്രറികള് അടയ്ക്കും എന്നതിനാല് 9.30 യ്ക്ക് ഹോസ്റ്റലില് പ്രവേശിക്കണം എന്ന് പറയുന്നതില് യാതൊരു തെറ്റുമില്ല എന്നും സത്യവാങ്മൂലത്തില് പറയുന്നു.
അതേസമയം, മെഡിക്കല് കോളജ് ലേഡീസ് ഹോസ്റ്റലിലെ രാത്രികാല നിയന്ത്രണത്തിന്റെ കാര്യത്തില് ആരോഗ്യ വിദ്യാഭ്യാസ വകുപ്പ് പുറത്തിറക്കിയ പുതിയ ഉത്തരവ് കര്ശനമായി നടപ്പിലാക്കണം എന്ന് മെഡിക്കല് കോളജ് പ്രിന്സിപ്പല്മാരോട് ഹൈക്കോടതി പറഞ്ഞു. എന്നാല് പുതിയ ഉത്തരവിന്റെ സാഹചര്യത്തില് ക്യാംപസുകളിലെ റീഡിങ് റൂമുകള് രാത്രിയും പ്രവര്ത്തിക്കാമോ എന്ന കാര്യത്തില് സര്ക്കാരിനോട് വിശദീകരണം തേടുകയും ചെയ്തിട്ടുണ്ട്.
എന്നാല് കുട്ടികള് ആവശ്യപ്പെട്ടാല് രാത്രി റീഡിങ് റൂമുകള് തുറക്കുന്ന കാര്യത്തില് പ്രിന്സിപ്പല്മാര് തീരുമാനമെടുക്കണം. ഇതോടൊപ്പം രാത്രി 9.30 ന് ശേഷം കുട്ടികള്ക്ക് ഹോസ്റ്റലില് നിന്ന് പുറത്തിറങ്ങാമോ എന്ന കാര്യത്തില് സംസ്ഥാന സര്ക്കാര് മറ്റന്നാള് നിലപാടറിയിക്കണം എന്നും ഹൈക്കോടതി വ്യക്തമാക്കി. നേരത്തെ രാത്രി 9.30 ന് ശേഷം ഹോസ്റ്റലില് നിന്ന് പുറത്തിറങ്ങുന്നത് വിലക്കുന്ന ഉന്നത വിദ്യാഭ്യാസ വകുപ്പിന്റെ ഉത്തരവിനെതിരെ കോഴിക്കോട് മെഡിക്കല് കോളജിലെ വിദ്യാര്ഥിനികള് ഹര്ജി നല്കിയിരുന്നു.
ഇത് ഹൈക്കോടതിയുടെ പരിഗണനയില് ആണ്. അതേസമയം ഇതിനിടെ മെഡിക്കല് കോളജ് ഹോസ്റ്റല് പ്രവേശനത്തില് ലിംഗവിവേചനം ഒഴിവാക്കി സര്ക്കാര് ഉത്തരവിറക്കിയിരുന്നു. രാത്രി 9.30 ന് ശേഷം മൂവ്മെന്റ് രജിസ്റ്ററില് വിവരങ്ങള് രേഖപ്പെടുത്തി ആണ്കുട്ടികള്ക്കും പെണ്കുട്ടികള്ക്കും ഒരുപോലെ ഹോസ്റ്റലില് പ്രവേശിക്കാന് അനുവദിക്കുന്നതാണ് ആരോഗ്യ വിദ്യാഭ്യാസ വകുപ്പ് പുറത്തിറക്കിയ ഉത്തരവില് പറയുന്നത്.
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google